Genesis 3
3
Ti Panagsukir ti Tao
1Ti#Kin. Sol. 2:24; Pal. 12:9; 20:2. uleg ti kasikapan nga animal nga inaramid ni Yahweh a Dios. Sinaludsod ti uleg iti babai, “Agpayso kadi nga imbaga ti Dios a dikay mangan iti bunga ti uray ania a kayo iti minuyongan?”
2“Mabalinmi ti mangan iti bunga ti uray ania a kayo iti minuyongan,” insungbat ti babai. 3“Ngem saanmi a mabalin a kanen ti bunga ti kayo nga adda iti tengnga. No mangankami kano iti bungana wenno uray sagidenmi la koma, mataykami.”
4“Saan a pudno dayta,” kinuna ti uleg. “Saankayo a matay! 5Kasta ti sao ti Dios ta ammona a no mangankayo iti bunga ti kayo, maaddaankayto iti pannakaawat. Agbalinkayto a kas iti Dios#5 iti Dios; wenno kadagiti didios. ket maammoanyonto no ania ti naimbag ken ti dakes.”
6Nakita ti babai a napintas ti kayo ken impapanna a nasayaat a kanen ti bungana. “Nagsayaat ket ngatan ti agbalin a masirib!” kinunana iti nakemna. Nangpuros iti sumagmamano a bunga ti kayo sa nangan. Inikkanna met ti asawana ket nangan ti lalaki. 7Apaman a nakapanganda, naaddaanda iti pannakaawat ket nabigbigda a lamolamoda. Iti kasta, namagsasaipda kadagiti bulong ti kayo nga igos a pinangabbongda iti bagida.
8Iti dayta a sumipnget,#8 Iti dayta a sumipnget; wenno iti kalamiisan ti aldaw. nangngegda ti arimpadek ni Yahweh a Dios a magmagna iti minuyongan. Naglemmeng dagiti agassawa kadagiti kakaykaywan, 9ngem pinukkawan ni Yahweh a Dios ti lalaki. “Sadino ti ayanmo?” kinunana.
10“Nagbutengak a nakangngeg iti timekmo iti minuyongan,” insungbat ti lalaki. “Ket naglemmengak gapu ta lamolamoak.”
11“Siasino ti nangibaga a lamolamoka?” sinaludsod ti Dios. “Nanganka kadi iti bunga nga imparitko a kanem?”
12“Wen, inikkannak ti babai nga intedmo a katakunaynayko ket kinnanko,” insungbat ti lalaki.
13“Apay#2 Cor. 11:3; 1 Tim. 2:14. nga inaramidmo ti kasta?” sinaludsod ni Yahweh a Dios iti babai.
Insungbatna, “Inallilawnak ti uleg, isu a nasulisogak a nangan.”
Ikeddeng ti Dios ti Dusa
14Kinuna ni Yahweh a Dios iti uleg, “Madusaka gapu iti inaramidmo. Sika laeng kadagiti amin nga animal ti masapul a mangibaklay iti daytoy a lunod: Manipud ita, aguyaska ket tapok ti kanem iti unos ti panagbiagmo. 15Pagginnuraenkayto#Pal. 12:17. iti babai. Saanto nga agpatingga ti panagbinnusor dagiti kaputotanyo. Rim-itento ti kaputotanna ti ulom ket kagatemto met ti mukodna.”
16Kinunana iti babai, “Paaduekto ti rigat a sagabaem bayat ti panagsikogmo. Ket ad-addanto pay inton dumteng ti panagpasikalmo. Nupay kasta, kasapulamto latta ti asawam ngem iturayannakanto.”
17Kinunana#Heb. 6:8. iti lalaki, “Impangagmo ti asawam ket kinnanmo ti bunga nga imbagak a dimo kanen. Gapu iti daytoy nga inaramidmo, mailunodto ti daga. Masapul nga igaedmo ti agtrabaho iti unos ti panagbiagmo tapno adda apitem ket umanay ti taraonmo. 18Agtubonto dagiti ruruot ken sisiitan ket kapilitanto a manganka kadagiti mula ti talon. 19Masapul nga agling-etka ket agtrabahoka iti nadagsen tapno adda ibunga ti daga agingga nga agsublika iti daga a nakaparsuaam. Nabukelka iti tapok ket agsublikanto met laeng iti tapok.” 20Eva#20 EVA: Agkaarngi ti pannakabalikasna iti sao a sibibiag iti Hebreo, a naipatarus iti daytoy a benneg a kas tattao. ti impanagan ni Adan#20 ADAN: Sangkataoan ti kayatna a sawen iti Hebreo. iti asawana gapu ta isu ti ina ti amin a tattao. 21Ket nangaramid ni Yahweh a Dios kadagiti pagan-anay a lalat a pinangkawesna kada Adan ken Eva.
Mapagtalaw da Adan ken Eva iti Minuyongan
22Kalpasanna,#Pal. 22:14. kinuna ni Yahweh a Dios, “Ita, nagbalinen ti tao a kas kadatayo ket ammonan ti naimbag ken dakes. Masapul a saan a mapalubosan a mangan iti kayo ti biag amangan no saanen a matay.” 23Ngarud, pinagtalaw ni Yahweh a Dios ti tao iti minuyongan ti Eden ket pinagtrabahona iti daga a nagtaudanna. 24Iti bangirna't daya ti minuyongan, nangikabil kadagiti narungsot nga animal a nagpayak. Nangikabil pay iti sumsumged a kampilan tapno awan umasideg iti kayo ti biag.
Sélection en cours:
Genesis 3: RIPV
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 1996 Philippine Bible Society