Zaburi Sya Daud 56
56
Miserere mei, Deus.
1Uniganikile Mlungu: ndawa mundu nganimilite:
Musi gwoha kukita ngondo aniyilikisa.
2Wamitumba nganimilite musi gwoha:
Ndawa wingi wakukita ngondo nu nenga kinyanyamulile.
3Ligono lila wona niyogopa.
Nenga yanihuwalile pa wenga.
4Pa Mlungu nihuwalile, nakuyogopa:
Kiki nyama yihotola kunikitila?
5Musi gwoha wagabimbitisa malowe gangu:
Fila waluka fyoha finikanila kwa fiwifu.
6Wakokanika, wifiha, watama kifilolalele fisekeseke fyangu:
Umu waguyinamila umi wangu.
7Hino bahapa pa fya waka wombe yawatame na pakuyokolela?
Pa kudada uyitage pasi misafi, Mlungu.
8Kugenda kwangu uku na uku wona uwalanga wamwene; uwikaye mahosi gangu pa lihaku lyako:
Payilepe findu ifi pa kitabu kyako?
9Leka wakuniwipila yawakiliuke mnnyuma ligono wona nikemela:
Iki nikimanye, kukita Mlungu ayii kwa nenga.
10Pa Mlungu yanililumbe lilowe lyake:
Pa Bambo yanililumbe lilowe lyake.
11Pa Mlungu nihuwalila yaniyogohe lepa:
Kiki yawanikitile nenga mwana wa adam?
12Bahape pa nenga fila nikakulapalakise, Mlungu:
Yanikulipilile ngani nyambiko syakusengusa.
13Ndawa unifuwile umi wangu pa kufwa, wasifuwile lepe njayo syangu pa kugwa?
Nigende‐gende pa miho ga Mlungu palulangalila wa wakulama.
Sélection en cours:
Zaburi Sya Daud 56: MGSPSA
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
First published in 1913, by the Universities' Mission to Central Africa Mission Press