खास-चैले के काँम 11
11
संत्त-पतरस ऐ आप्णें काँम-काज़ साफ-साफ बुले
1खास-चैले अरह् यहूदा ईलाके के बिश्वाषी भाऐं-बंईणों कैई ऐजा पता लागा, के गऐर-यहूदियों ऐ भे पंण्मिश्वर का बचन माँनी पाया। 2तअ: जबे संत्त-पतरस यरूशलेम दा पंह्ईचा, तअ यहूदी बिश्वाषियों ऐ बाद-बिबाद कर्दे बुलो; 3“तुऐ बिना खतना के लोगो कागी कैई खाँव, अरह् कैई तुऐ तिनके घरोह् दे भींटे हुटे?” 4तबे संत्त-पतरस सेजो सब-कुछ़ सुओं करियों बुलो, अरह् संहम्झाओं: 5“हाँव याफा नंगर दा प्रार्थना कर्दे बख्त्ते आत्त्मा दा बैसुद्ध पड़ा, अरह् मुँऐ ऐक दर्शण देखा; के लाम्बी बिऊँल़ी चादर जेऐ किऐ चींज स्वर्गो शी ऊँदी आँदे देखी, अरह् तिन्दें के चारे कुँणें मुँह कैई थुऐ गुऐ। 6मुँऐ तिन्दें गाशी झैठ पाऐ, अरह् ध्यान शो देखो; के तिन्दें धर्त्ती के चौपाऐ, जाँगल़ी बंऐच़ीं, लोहक्णों वाल़े जीव-जन्त्तु अरह् अस्माँनों के पक्षी थिऐ। 7तबे मुँऐं ऐक धाव शुँणीं, जिदो मुँखे बुली लो थियो; के ‘हे पतरस बीऊँज, माँर अरह् खा।’ 8मुँऐ बुलो, ‘ना प्रभू! ना’ किन्देंखे के ‘मुँऐं ऐत्त्लो तोड़ी किऐ अशुद्ध चींज आप्णें मुँहों दी ने लाऐ थई।’ 9जबाब दी स्वर्गो शी दुज़ी धाव पड़ी, के ‘जुण्जो किऐ पंण्मिश्वर ऐं शुद्ध बाँणी थो, तिन्देखे तू कंद्दी भे अशुद्ध ने बुले।’ 10च़ी बई ऐशो ही हुओ; तबे सेजो सब-कुछ़ बादो अस्माँनों दो पाछू ऊबो टीपो। 11तबे तेसी ही बख्ते तेख्णी जेसी घरह् दा हाँव पाँऊणा थिया, तेथै च़ींन आदमी आऐ, जू कैसरिया शे मुँह कैई डेयाल़ी थुऐं थिऐ। 12पबित्र-आत्त्मा ऐ मुँखे तिनकी गईलो बैझीझ्क ज़ाणों खे बुलो; अरह् सेजे छ: बिश्वाषी भाऐ भे मेरी गईलो आऐ। अरह् आँमें तेसी आदमी कागी हुटे। 13तेने आँमों कैई बुलो, के तेने ऐक स्वर्गदूत्त आप्णे घरह् दा खह्ड़ा देखा, जेने तैस्खे बुलो, ‘याफा नंगर खे आदमी डेयाल़ियों शमौन जैस्खे संत्त-पतरस बुली, तेसी बऐदियों आँण। 14से ताँव कैई शा बचन शुँणाँला, जिन्दे लई तू अरह् तेरे कुड़्बे खे मुँक्त्ति भेंट्ली।’ 15जबे मुँऐं बचन बुल्णा शुरू करा, तअ पबित्र-आत्त्मा तिनू गाशी ऊत्रा; तेष्णा ही जेष्णाँ आगे आँमों गाशी ऊत्रा थिया। 16तबे मेरे प्रभू का सेजा बचन चित्ते आया; के ‘संत्त-यूहन्ना ऐ तअ पाँणी लई नहाँण-कराव थियो, परह् तुँऐं पबित्र-आत्त्मा को नहाँण-नाहाँले।’ 17जबे: पंण्मिश्वर ऐ तिनखे भे सेजा ही बरदाँन दिता, जुण्जा आँमों प्रभू यीशू मसीया गाशी बिश्वाष कर्णों वाल़े खे भेटा थिया; तअ हाँव कुँण थिया, जू पंण्मिश्वर के बाटो दा रूकाव्ट कर्णो वाल़ा बंण्दा?” 18ऐजी बातो शुँणियों यहूदी बिश्वाषी भाऐ-बंईणों शाँण्त्त हऐ गुऐ, अरह् तिन्ऐं पंण्मिश्वर के आरार्धना करी; के जबे “पंण्मिश्वर ऐ गऐर-यहूदियों खे भे ऐजा बरंदाँन देऐ थुवा, के ऐ भे आप्णाँ मंन बद्ल़ों अरह् ईनू भे नुवाँ जीवन भेटो।”
अन्ताकिया की कलीसिया
19जुण्जे लोग तेसी कंल़ेष के कारण माँरे गुऐ, जुण्जे स्तिफनुस के कारण पड़ा थिया; अरह् सेजे लोग खिदर-बिदर हुऐ गुऐ थिऐ, अरह् से रिट्दे-फीर्दे फीनीके अरह् साइप्रस, अरह् अन्ताकिया दे पंह्ईचे; परह् यहूदियों के सुवाऐ से कोसी ओकी कैई बचन ने शुँणाँव थिऐ। 20परह् तिनू मुँझ्शे कुँऐ साइप्रंस वासी अरह् कुरनी थिऐ, जू अन्ताकिया दे आऐयों यूनानियों खे भे प्रभू यीशू की खुषख्बरी की बातो शुँणाँदे लागे। 21प्रभू की शक्त्ति तिनकी गईलो थी। अरह् बैजाऐ भहित्ते लोग बिश्वाष करियों प्रभू के ढबे फिरे। 22जबे तिन्दे के बारे दो यरूशलेम की कलीसिया के काँने शुँणाँई पड़ो, तअ तिन्ऐं बरनबास अन्ताकिया खे डेयाल़ा। 23जबे बरनबास ऐ तेथै पंह्ऊँच़ियों, पंण्मिश्वर के कृपा, अरह् शाँण्त्ति देखी; तअ से बैजाऐ खुशी-आनन्दित्त हऐ गुवा: अरह् संत्त-बरनबास ऐ सोभी लोगों खे प्रभू दे पाक्कै रंहंणों खे होंस्ला-हिमम्त्त दित्ती। 24किन्देंखे के बरनबास ऐक भला, अरह् पबित्र-आत्त्मा अरह् बिश्वाष दा भर-पुर थिया; ऐशे दाँई बैजाऐ भहित्ते लोग प्रभू दे आऐयों ऐक मंडली बंणें। 25तबे ईन्दें पाछ़ी बरनबास शाऊल जुह्दा तरसुस खे हुटा। 26अरह् जबे शाऊल भेटी गुवा, तअ बरनबास ऐं तेसी अन्ताकिया दा आँणा; अरह् तबे से दुईन्ने पुरे ऐक साह्ल कंट्ठै रूऐ, अरह् बैजाऐ लोगो खे शिक्षा देंदे रूऐ; अरह् सोभी शे आगे चैले खे अन्ताकिया दे ही “मसीही” बुले गुऐ। 27तिनू ही देसे किऐ ऋषी यरूशलेम शे अन्ताकिया दे आऐ। 28तबे तिनू मुँझ्षा ऐक जेस्को नाँव अगबुस थियों, से खह्ड़ा हुवा; अरह् आत्त्मा की शक्त्ति शा बुल्दा लागा, के बादी धर्ती गाशी; घोर काल़ पड़्णों वाल़ा असो, अरह् सेजा काल़ खास करियों (महाँ-राजा क्लौदियुस के राज के बख्त्ते पड़ा थिया)। 29तबे चैले ऐ ऐजा फऐंस्ला करा, के ऐक नाँम आदमी आप्णी-आप्णी कंमाँई के मुँताबिक शा यहूदिया दे रंहणों वाल़े, बिश्वाषी भाऐ-बंईणों की सहाऐता खे किऐ डेयाल़ो। 30तबे तिन्ऐं तेष्णों ही करो; बरनबास अरह् शाऊल के हाथे किऐ धंन राशी बुड़ाईकों खे तूफें के रूप दे डेयाल़ी।
Sélection en cours:
खास-चैले के काँम 11: sri
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2022, Wycliffe Bible Translators, Inc. All rights reserved.
