KUTUHUKA 36
36
1Mbezalele ni Aholiambe kumakalinga ye milimo, mutu mweswe uli ni mbunge ya mana, muli waze Yehova te hanase mana ni yinyingi akanyingike ngwe malinga milimo yeka ni yeka ya uvumbiko wa muma musandu nikulita ni yeswe Yehova te hamba.
2Mose yasanyika Mbezalele ni Aholiambe ni akwa mana eswe mu mbunge jo Yehova te hanjisamo mana, te atu eswe waze mbunge jo jazangile, akeze ku ye milimo akayilinge. 3O yatambula kuli Mose milambu yeswe A-Izalele haneha ya milimo yeswe ya uvumbiko wa muma musandu, akamutunge. Apwile nikumutwalila milambu ya vumbi chimene ha chimene. 4Malunga eswe akwa mana alingile ye milimo yeswe ya muma musandu, yakatuka, lunga mweswe ku milimo yize analingi, 5yamba kuli Mose ngwo, Yize atu ananehaneha yoka naye ha milimo yize ambile Yehova tukayitange. 6Mose yahana shimbi. Yayisangisa kweswe ku chilombo ngwo, Niumwe, chipwe pwo, chipwe lunga, kanda alinga milimo yikwo ha milambu ya muma musandu. Chocho akwikile atu ngwo, Litwaminenu kuneha. 7Mumu yuma yize apwile nayo te hiyaheta ha milimo, yinji naye, akalinge ye milimo.
8Akwa mana eswe hakachi ko waze alingile ye milimo, yatunga ye tabernakulu ya kumi lia mahina te ya mahina apema atoma, ni alauluka, ni a ufungo, ni a ngengu. Yolaho akerupimi, chitanga cha mwe chilangaji. 9Usuhe wa mahina te wa makumi aali a mbandu ni mbandu nake. Utohe wa mahina aze te wa mbandu jiwana. Mahina eswe a kulita ndwa.
10Iye yatolokenya mahina atano, limwe ni likwo hamuwika. Mba mahina atano akwo yatolokenya limwe ni likwo hamuwika. 11Yatonga maswi a hina lilauluka ha ukundwilo wa hina limwe liatwama ku unungino. Chizechene atongelele ku ukundwilo wa hina Hatwama ku unungino wamuchiali. 12Yatongela ha hina limwe makumi atano a maswi. Makumi atano a maswi yatongela ha ukundwilo wa unungino wamuchiali. E maswi akulitalangana. 13Yafula makumi atano a sepe ja oru hikusepeka ni je sepe e mahina limwe ni likwo. Chocho ye tabernakulu yapwa yimuwika lume.
14Yatunga mahina a uzangi wa pembe, akapwe mbalaka helu Ha tabernakulu. Yatunga kumi Ha mahina ni hina limuwika. 15Usuhe wa mahina eswe, limwe ni limwe, te wa makumi atatu a mbandu. Utohe wa mahina eswe, limwe ni limwe, wa mbandu jiwana. E mahina kumi ni limuwika a kulita ndwa lume. 16Yatolokenya mahina atano ukawo mba mahina asambano ukawo. 17Yatongela ha ukundwilo wa hina Hatwama ku unungino makumi atano a maswi. Mba makumi atano a maswi yatongela ha ukundwilo wa hina Hatwama ku unungino wamuchiali. 18Iye yafula makumi atano a sepe ja unengu ja kununga najo ye mbalaka yikapwe yimuwika. 19Yatonga chifuko cha mbalaka cha malambu a kuji a mapanga a kulomba achila, ni chifuko cha malambu a yipanyundu helu.
20Iye yapula matabua a tabernakulu a ku mutondo wa mukesha te aze akumana kachinjolo. 21Usuhe wa tabua Heswe wa kumi Ha mbandu. Utohe wa tabua Heswe wa mbandu yimuwika ni chihanda cha hakachi. 22Tabua lieswe Hapwile ni michipo yiali, Ha kutokeka limwe ni likwo ni likwo. Chocho chialingile matabua eswe a tabernakulu. 23Yapula e matabua a tabernakulu; makumi aali a matabua ha lumbu Ha ku Sule. 24Yafula makumi awana a yimanyino ya prata kushi lia matabua aze makumi aali; yimanyino yiali kushi Ha tabua Heswe ya kukwachisa michipo yiali. 25Mba ha lumbu liamuchiali lia tabernakulu, te ha lumbu Ha ku Norte iye yapula makumi aali a matabua. 26Yafula yimanyino yo ya prata makumi awana; yimanyino yiali kushi Ha tabua lieswe. 27Yapula matabua asambano a lumbu Ha kunyima Ha tabernakulu lia kutalikisa ku Chitokelo. 28Yapula matabua aali a kusa ku mbango ja tabernakulu ja kunyima. 29Apwile a kutokeka kushi, chizechene ndo kwilu nawa apwile a kutokeka ni ngo yimuwika. Chocho chialingile iye ni matabua eswe aali ku mbango jeswe jiali. 30Kwapwile te matabua nake ni yimanyino yo ya prata kumi ni yisambano; kushi lia tabua Heswe yimanyino yiali.
31Yapula njalo ja mutondo wa mukesha; njalo jitano ja matabua a ku lumbu likwo lia tabernakulu, 32ni njalo jitano ja matabua a ku lumbu likwo Ha tabernakulu, ni njalo jitano ja matabua a ku lumbu Ha kunyima lia kutalikisa ku Chitokelo. 33Iye yanjisa njalo mukachi ka matabua ndusu chize ku songo limwe ndo ku songo likwo. 34Yalamika oru ha matabua. Yafula ngo jo ja oru ja kunjishilamo je njalo. Yalamika oru ha njalo.
35Yatonga chikalakala cha hina lilauluka ni Ha ufungo, ni Ha ngengu, ni lipema litoma, cha kwola ni akerupimi, chitanga cha mwe chilangaji. 36Yachisongela manguji awana a mutondo wa mukesha. Yalamikaho oru. Ngo jo te ja oru. Yaazuzulwila yimanyino yiwana ya prata. 37Yatonga hina Ha kufuka ku chikolo cha mbalaka Ha hina lilauluka, ni lia ufungo, ni Ha ngengu, ni lipema litoma; chitanga cha mukwa kwola. 38Ni manguji jalio atano hamwe ni ngo jo. Yalamika oru ha masongo jo ni ha mikambo yo nawa. Yimanyino yo yitano te yapwile ya unengu.
Sélection en cours:
KUTUHUKA 36: Csa
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
Chokwe Bible © Bible Society in Angola, 1975.
