Genese 47
47
1Yosefu hakuya nakumuleja Fwaro, nindi, Nitata yami niana kwami anafumi dehi kwituŋa daKenani anenzi dehi, ninyikoku yawu, nimpembi jawu, niŋombi jawu, niyuma yawu yejima; adi mwituŋa daGosheni. 2Waambwiluhu ana kwindi atanu hakuyishikŋi kudi Fwaro. 3Fwaro wayiihwili ana kwindi, nindi, Mwakalakalaŋa mudimwinyi? Wena hiyakumwila Fwaro, nawu, Etu ambuŋeyi tudi atubiŋa, ninetu niankakajetu. 4Hiyakumwila Fwaro, nawu, Tunenzi nakushakama mwituŋa; muloŋakwosi kwakudiishila yimuna yetwetu ambuŋeyuku; muloŋa nzala yasweja dehi mwituŋa daKenani; dichi dinu mwani, atwiteji etu ambuŋeyi tushakami mwituŋa daGosheni. 5Fwaro walejeli Yosefu, nindi, Tata yeyi nawana kweyi anenzi dehi kudeyi; 6ituŋa daEjipitu odu; katuŋishi tata yeyi nawana kweyi haswejela ituŋa kuwaha; ashakami kwawu mwituŋa daGosheni; neyi hadi amayala wunamoni kubabala, yinki wuawakulumpi wakumudimu wayimuna yami.
7Yosefu wamwiŋili tata yindi Yakoba, wamushili kumesu aFwaro; Yakoba hakumukiswila Fwaro nkisu. 8Fwaro hakumwihula Yakoba, nindi, Nyaka yeyi yiwunahandi yiŋahi? 9Yakoba hakumwila Fwaro, nindi, Nyaka yami yinakimbuki yinashi ki munyaka nkulakaji namakumi asatu; nyaka yinahandami yantesha hohu yatama, hiyinashiki munyakayahandili ankaka jami hakimbukila ŋawuku. 10Yakoba hakumukiswila Fwaro nkisu, hakwidika mwadiŋiyi Fwaro. 11Yosefu watupishili tatayindi nawana kwindi, wayinkeli mpata yawu ayiheti yiikali yawu mwituŋa daEjipitu, hohaswejela ituŋa kuwaha, mwomwituŋa daRamesesa, mwomwahosheliyi Fwaro. 12Yosefu wadiishili nitata yindi, niana kwindi, niantaŋa jatata yindi ejima yakudya, mwomwahita majiku awu.
13Mwituŋa dejima mwadiŋi mwosi yakudyaku, muloŋa nzala yaswejelinankashi, niituŋa daEjipitu niituŋa daKenani ayekeleli nanzala. 14Yosefu wakuŋwili mali ejima niadiŋi mwituŋa daEjipitu, ni mwituŋa daKenani, natidiku yalandiluwu; Yosefu watweli mali mwitala daFwaro.
15Chamanini mali ejima mwituŋa daEjipitu ni mwituŋa daKenani, aEjipitu ejima hiyakuya kudi Yosefu, nawu, Twinki yakudya, indi tufwilituhu kumesu eyi? Mali etu anamani. 16Yosefu nindi, Letenu yimunayenu. Neyi mali anamani nukuyinka yakudya nayimuna yenu. 17Atweliyimuna yawu kudi Yosefu; Yosefu wayinkeli yakudya yakuhimpa natuwalu, nanyikoku nampembi, naŋombi, nayimbulu. Wayihandishili nayakudya yakuhimpa nayimuna yawu yejima wena mwakowu.
18Chamanini wena mwakowu, ayili cheŋi kudi yena mwaka wamuchiyedi, hiyakumwila nawu, Hitukujinda mwantaku, mali etu anamani ejimato-o, niyimuna yejima yineli dehi yambala yamwanta; niyemwenindi mwanta namoni kwosi chuma chinashaluku, kwiji yowu nyijimba yetu nampata jetu hohu. 19Tukumini dakufwa tuhu, mesu eyi atutalaŋa, ninetu nimpata jetu? Tulandi ninetu nimpata jetu nayakudya, ninetunimpata jetu twakela anduŋu jaFwaro; twinki nimbutu kulonda tuhandi, tubuli kufwa, mpata yakenda kela mahembi hohu.
20Dichi Yosefu wamulandilili Fwaro ituŋa daEjipitu dejima; muloŋa aEjipitu ejima alandishili mahawu nanzala yamwenuwu yaswejeli nankashi. Ituŋa delili dambala daFwaro. 21Hakwila antu wayitutulwilili munyikala kufumisha kunsa yaŋinza yaEjipitu yimu ndo nikunsa yi kwawu. 22Mpataya wayi kombeji hohu yoyabulili kulandayi; muloŋa ayikombeji ayanjapenenaŋa kudya kwawu kudi Fwaro, dichi wena adiilana chesekelu chawu chayinkelaŋayi Fwaro, dichi chabulili kulandishawu mpata jawu. 23Yosefuwayilili antu, nindi, Lelu nayilandi dehi, ninenu muyantu aFwaro nimpatajenu jaFwaro; tambulenu mbutu jenu oju, mwakadimi. 24Chimwamba kashika hamwaka wakudya mwakaambulaŋa maseka atanu; dimu daFwaro, maseka awana enwenu aweni, ekali mbutu, ŋi jakudima, ŋi jakudya, nikwenwenu, nikwawantaŋa jenu, nikudya kwawanyanenu anyanya. 25Wenanawu, Wunatuhandishi; nkaka yetu atutoŋuhu mwani, tukwikala anduŋuja Fwaro. 26Yosefu welili chidika chakutena ituŋa daEjipitu, nilelu ludikwoku, lwakwila nawu Fwaro wukudyaku iseka damu chitanu; yoyi mpatayawayi kombeji hohu yoyabulili kubalumuka yaFwaro.
27Isarela washakamini mwituŋa daEjipitu, mwomwituŋa daGosheni, hiyakuhetelamu, hiyakusemununa, hiyakuvula nankashi.
28Yakoba washakamini mwituŋa daEjipitu nyaka ikumi nayitanu nayiyedi. Dichi mafuku aYakoba, yonyaka yahandiliyi, yashi kili munyakankulakaji namakumi awana nayitanu nayiyedi.
29Ifuku dakukeŋa kufwayi Isarela hidikuya nakushika, hakutambikani mwanindi Yosefu, hakumwila nindi, Neyi wunantiyili luwi, shaku mwani, chikasa cheyi mwishina dekata dami, wakaŋilaŋa chachiwahi chakubula kutwamba. Bayi wakanjiika mwani, muEjipituku. 30Ilaŋa chinakakama tulu hamu nawatata jami, wakansendapa nakunfumisha mwituŋa daEjipitu, wakantwali nakunjiika kwayijiikawu wena. Yena nindi, Nakela mwomu wunahoshi. 31Yena nindi, Nsanyikili. Yena hakumusanyika. Isarela yonopama nikunoŋama hanyitu yakadidi.
Sélection en cours:
Genese 47: MW62
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Lunda: Ndembu (Lunda of Kalunda) © B. F. B. S. 1962.
