Psalms 150
150
Tocanacunahuan Taita Diosta alicachinajuchun, yarichishpa rimashcami
Mandaj Diosta alicachinguichi.
1Taita Diostaca, paipajlla huasipi alicachinguichi.
Juyaillagutapacha pai churashca
jahua pachapi alicachinguichi.
2Jatun manllarinacunata rurashcamanda alicachinguichi.
Paitaca, ashtaca ashtaca jatungunata
rurashcashnallata alicachinguichi.
3Bocinata tocashpa alicachinguichi.
Salteriota, arpata tocashpa alicachinguichi.
4Panderota huactashpa, danzashpa alicachinguichi.
Cuerdayu tocanacunata, gaitacunata
tocashpa alicachinguichi.
5Tsilin nij platillocunata huactashpa alicachinguichi.
Platillocunata huactashpa, ninan
cushijuihuan alicachinguichi.
6Samaita charijcunaca tucuicuna,
Mandaj Diosta alicachinguichi.
Mandaj Diosta alicachinguichi.
Sélection en cours:
Psalms 150: QUII
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
Quichua Imbabura Bible © United Bible Societies, 1994.