Паччагьлугъар-1 4
4
1Ва Шамуилин гаф вари Израилихьна вуйиб гъабхьну.
Душмнари Раббийихъди Йикьрарин сундух тадабгъуру
Израилар филистимарихъди дявдиз гъягъюру, Эвен-Эзерин багагь чадрар йивуру, хъа филистимар Афекдиъ дийигънайи. 2Филистимдин кьушум израилин кьушмиз къаршуди дийибгъу, дяви ккебгъу. Дявдиъ юкьуд агъзур касдихъ мягьрум духьну, израилар филистимариз магълуб гъахьи. 3Кьушум бинайиина кьяляхъ гъафиган, Израилин аьхюдар гъапи:
– Филистимари ухьу дагъитмиш апӀуз РАББИЙИ гьаз гъитну? РАББИ ухьухъди хьпан, Дугъу душмнарихьан ухьу уьрхбан бадали, гъачай Шилойиан РАББИЙИХЪДИ Йикьрарин сундух хухьа.
4Шилойиз Йикьрарин сундух хуз адмийир гьау. Думу Йикьрар РАББИЙИХЪДИ – малайикар-херувимарин#4:4 Малайикар-херувимар: завуъ айи хлинццар кайи чӀиви шейʼар. зиихъ деънайи Заварин Кьувватарин Аьхюрихъди йибтӀнайи. Заанурихъди Йикьрарин сундхихъ хъайидар Илийин баяр Хофни ва Пинехас вуйи.
5РАББИЙИХЪДИ Йикьрарин сундух бинайиина гъабхиган, израилари гьациб гьарай гъапӀнийики, жил гукӀни гъабхьнийи. 6Гьаму гьарай ебхьури, филистимарик гъалабулугъ кабхънийи: «Жугьдарин бинайиъ гьаму ягъал гьарйир гьапӀрудар ву?» Дурариз бинайиина РАББИЙИН сундух хуваликан аьгъю гъабхьнийи. 7ГучӀ гъабхьи филистимариз.
– Дурарин бинайиина Заанур гъафну, – кӀурайи дурари. – Язухъ ву ихь! Мугагьназ дициб шулдайи! 8Язухъ ву ихь! Шли уьрхиди ухьу думу кьудратлу Заанурихьан?! Дугъу буш чюлиъ египетлуйириз, дурариина жюрбежюр балйир гьаъну, гъивнийи аьхир! 9Учву мугагьназ ихь лукӀар гъахьи жугьдарин лукӀар дархьбан бадали, кьувватар уч апӀинай, кьягьялар йихьай, филистимар! Кьягьялар йихьай, дявдиз удучӀвай!
10Филистимар дявдиъ архьнийи, израилар дагъитмиш гъапӀнийи, ва дурар хулариз гьергнийи. Израиларин магълубвал зулумнануб гъабхьнийи: дурарин терефнаан сумчӀур агъзур пияда эскер гъакӀнийи. 11Душмнари Заанурин сундух тадабгънийи, хъа Илийин баяр Хофни ва Пинехас йивну гъакӀнийи.
Илийин аьжал
12Вениаминдин наслиан вуйи сар кас дявдин майдандилан гьергнийи ва гьадму йигъан Шилойиз хъуркьнийи. Дугъан палтар дерднаъ айивалин лишан вуди дячӀяргънайи, хъа кӀулʼин кьасустӀан бишируг алабхьнайи. 13Думу гъюруган, Илий, цӀийи хабрариз ккилигури, кьял хъабхъру аьхю кусрийиин рякъюхъ деънади шулу; дугъак Заанурин сундхин гьякьнаан гъалабулугъ кайи. Шагьриз гъафибси, думу касди гъабхьибдикан ктибтуру. Вари шагьур ишлихъди абцӀу. 14Илийиз ишал гъеебхьу ва дугъак гъалаб кабхъу:
– Фу сес ву?
Ва думуган Илийихьна, дугъаз варибдикан ктибтуз, гьадму кас жаргъури гъафи. 15(Думу вахтна Илийин урчӀвцӀурна миржид йис вуйи, дугъан улар кутӀуршвнайи: думу кур духьнайи.) 16Думу касди гъапи:
– Му узу вуза. Узу – гъи дявдин майдандилан жаргъури гъафир! Узхьан къутармиш хьуз#4:16 Къутармиш хьуз: уьрхюз. гъабхьунзухьан.
– Душваъ фу гъабхьну, йиз бай? – гьерху Илийи.
17– Филистимари израилар гьергуз мажбур гъапӀну, – жаваб туву чархачийи#4:17 Чархачи: табшуругъ хьади гьаънайир., – душваъ гизаф адмийир гъийихну. Яв баяр Хофни ва Пинехас йивну гъакӀну, хъа Заанурин сундух тадабгъну.
18Дугъу Заанурин сундхикан гьеле пуз хъюгъюбси, Илий кьял хъабхъру аьхю кусрийилан маш зисди ахъу, дугъан гардан гъюбгъю, ва думу гьамушвахь, урнарихь, гъакӀи; думу гизаф кьабир ва аьхю жандкинур вуйи. Илий ягъчӀвур йисан Израилин регьбер гъахьну.
19Хъа дугъан швушвак, Пинехасдин хпирик, бицӀир киршнади гъахьну, ва дугъу багарихьди бицӀир духну ккундийи. Заанурин сундух тадабгъуваликан, хъа сижар аба ва чан жилир дукӀнайиваликан гъеебхьиган, дугъак уьрар кучӀву, дурар гизаф гъагъидар вуйи. Дугъу, кьамкьариин дусну, бицӀир гъахи. 20Думу кечмиш шулайиган, дугълан илтӀикӀнайи дишагьлийири кӀурайи:
– ГучӀ мапӀан! Уву бай гъахунва.
Хъа дугъу дурариз жаваб ясана фикир тувундайи. 21Бализ дугъу Ихавод (ад имдар) ччвур туву, «Израилин ад гъубшну!» кӀури. (Дугъан фикриъ Заанурин сундух тадабгъувал, хъа гьацира сижар абайинна жилирин кьисмат айи.) 22Гьамци гъапну дугъу:
– Израилин ад гъубшну: Заанурин сундух тадабгъна!
Sélection en cours:
Паччагьлугъар-1 4: ТабГК
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023
Паччагьлугъар-1 4
4
1Ва Шамуилин гаф вари Израилихьна вуйиб гъабхьну.
Душмнари Раббийихъди Йикьрарин сундух тадабгъуру
Израилар филистимарихъди дявдиз гъягъюру, Эвен-Эзерин багагь чадрар йивуру, хъа филистимар Афекдиъ дийигънайи. 2Филистимдин кьушум израилин кьушмиз къаршуди дийибгъу, дяви ккебгъу. Дявдиъ юкьуд агъзур касдихъ мягьрум духьну, израилар филистимариз магълуб гъахьи. 3Кьушум бинайиина кьяляхъ гъафиган, Израилин аьхюдар гъапи:
– Филистимари ухьу дагъитмиш апӀуз РАББИЙИ гьаз гъитну? РАББИ ухьухъди хьпан, Дугъу душмнарихьан ухьу уьрхбан бадали, гъачай Шилойиан РАББИЙИХЪДИ Йикьрарин сундух хухьа.
4Шилойиз Йикьрарин сундух хуз адмийир гьау. Думу Йикьрар РАББИЙИХЪДИ – малайикар-херувимарин#4:4 Малайикар-херувимар: завуъ айи хлинццар кайи чӀиви шейʼар. зиихъ деънайи Заварин Кьувватарин Аьхюрихъди йибтӀнайи. Заанурихъди Йикьрарин сундхихъ хъайидар Илийин баяр Хофни ва Пинехас вуйи.
5РАББИЙИХЪДИ Йикьрарин сундух бинайиина гъабхиган, израилари гьациб гьарай гъапӀнийики, жил гукӀни гъабхьнийи. 6Гьаму гьарай ебхьури, филистимарик гъалабулугъ кабхънийи: «Жугьдарин бинайиъ гьаму ягъал гьарйир гьапӀрудар ву?» Дурариз бинайиина РАББИЙИН сундух хуваликан аьгъю гъабхьнийи. 7ГучӀ гъабхьи филистимариз.
– Дурарин бинайиина Заанур гъафну, – кӀурайи дурари. – Язухъ ву ихь! Мугагьназ дициб шулдайи! 8Язухъ ву ихь! Шли уьрхиди ухьу думу кьудратлу Заанурихьан?! Дугъу буш чюлиъ египетлуйириз, дурариина жюрбежюр балйир гьаъну, гъивнийи аьхир! 9Учву мугагьназ ихь лукӀар гъахьи жугьдарин лукӀар дархьбан бадали, кьувватар уч апӀинай, кьягьялар йихьай, филистимар! Кьягьялар йихьай, дявдиз удучӀвай!
10Филистимар дявдиъ архьнийи, израилар дагъитмиш гъапӀнийи, ва дурар хулариз гьергнийи. Израиларин магълубвал зулумнануб гъабхьнийи: дурарин терефнаан сумчӀур агъзур пияда эскер гъакӀнийи. 11Душмнари Заанурин сундух тадабгънийи, хъа Илийин баяр Хофни ва Пинехас йивну гъакӀнийи.
Илийин аьжал
12Вениаминдин наслиан вуйи сар кас дявдин майдандилан гьергнийи ва гьадму йигъан Шилойиз хъуркьнийи. Дугъан палтар дерднаъ айивалин лишан вуди дячӀяргънайи, хъа кӀулʼин кьасустӀан бишируг алабхьнайи. 13Думу гъюруган, Илий, цӀийи хабрариз ккилигури, кьял хъабхъру аьхю кусрийиин рякъюхъ деънади шулу; дугъак Заанурин сундхин гьякьнаан гъалабулугъ кайи. Шагьриз гъафибси, думу касди гъабхьибдикан ктибтуру. Вари шагьур ишлихъди абцӀу. 14Илийиз ишал гъеебхьу ва дугъак гъалаб кабхъу:
– Фу сес ву?
Ва думуган Илийихьна, дугъаз варибдикан ктибтуз, гьадму кас жаргъури гъафи. 15(Думу вахтна Илийин урчӀвцӀурна миржид йис вуйи, дугъан улар кутӀуршвнайи: думу кур духьнайи.) 16Думу касди гъапи:
– Му узу вуза. Узу – гъи дявдин майдандилан жаргъури гъафир! Узхьан къутармиш хьуз#4:16 Къутармиш хьуз: уьрхюз. гъабхьунзухьан.
– Душваъ фу гъабхьну, йиз бай? – гьерху Илийи.
17– Филистимари израилар гьергуз мажбур гъапӀну, – жаваб туву чархачийи#4:17 Чархачи: табшуругъ хьади гьаънайир., – душваъ гизаф адмийир гъийихну. Яв баяр Хофни ва Пинехас йивну гъакӀну, хъа Заанурин сундух тадабгъну.
18Дугъу Заанурин сундхикан гьеле пуз хъюгъюбси, Илий кьял хъабхъру аьхю кусрийилан маш зисди ахъу, дугъан гардан гъюбгъю, ва думу гьамушвахь, урнарихь, гъакӀи; думу гизаф кьабир ва аьхю жандкинур вуйи. Илий ягъчӀвур йисан Израилин регьбер гъахьну.
19Хъа дугъан швушвак, Пинехасдин хпирик, бицӀир киршнади гъахьну, ва дугъу багарихьди бицӀир духну ккундийи. Заанурин сундух тадабгъуваликан, хъа сижар аба ва чан жилир дукӀнайиваликан гъеебхьиган, дугъак уьрар кучӀву, дурар гизаф гъагъидар вуйи. Дугъу, кьамкьариин дусну, бицӀир гъахи. 20Думу кечмиш шулайиган, дугълан илтӀикӀнайи дишагьлийири кӀурайи:
– ГучӀ мапӀан! Уву бай гъахунва.
Хъа дугъу дурариз жаваб ясана фикир тувундайи. 21Бализ дугъу Ихавод (ад имдар) ччвур туву, «Израилин ад гъубшну!» кӀури. (Дугъан фикриъ Заанурин сундух тадабгъувал, хъа гьацира сижар абайинна жилирин кьисмат айи.) 22Гьамци гъапну дугъу:
– Израилин ад гъубшну: Заанурин сундух тадабгъна!
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023