Паччагьлугъар-1 3
3
Рабби Шамуилиз ашкар шулу
1Шамуил, Илийиз кюмек апӀури, РАББИЙИН Хулаъ гъуллугъниин гъахьну. Думу вахтари инсанариз РАББИЙИН гаф цӀибтӀан ашкар шули гъабхьундар. Инсанаризра РАББИЙИХЬАН рякъюваларра думукьан гизаф шули гъахьундар.
2Саб ражари Илий чан аьдати йишвʼин дахънади гъахьну. Дугъан уларин акв зяиф гъабхьнийи, дугъаз фукӀа рябкъюрадайи. 3РАББИЙИН Хулаъ хябяхъдиан гвачӀниндиз кабхьну шлу шамадан гьеле кутӀубшвнадайи. Шамуилра душваъ, Заанурин сундух#3:3 Заанурин сундух: израиларин асас гирами шейъ, гакӀвликан кадапӀнайи ва гъизилихъди дабалгнайи ишикӀ. Дидиъ Заанури, Израилин халкьдихъди йикьрар йибтӀруган, Синай дагъдиин Мусайиз туву 10 табшуругъ утӀурчнайи гъвандин кьюб шиб айи. Сундхин гъапгъиин гъизиликан кадаънайи хлинццар гьатӀарццнайи кьюб малайик-херувим алийи. хьайишвахь дахънайи. 4РАББИЙИ Шамуилиз дих гъапӀу. Дугъу «гьай» гъапи:
– Узу гьамушвахь хьаза! – 5ва Илийихьна гьяракат гъапӀу.
– Уву узуз дих гъапӀнийва – узу гъафунза, – гъапи дугъу.
– Ваъ, дих гъапӀундайза, – жаваб туву дугъаз Илийи. – Кьяляхъ гъарах, дахъ.
Шамуил кьяляхъ гъушу ва хъана дахъу.
6РАББИЙИ хъана Шамуилиз дих гъапӀу. Думу гъудужву, Илийихьна гъафи, ва дугъу гъапи:
– Уву узуз дих гъапӀнийва – узу гъафунза.
– Ваъ, узу дих гъапӀундайза, йиз бай, – жаваб туву дугъаз Илийи. – Кьяляхъ гъарах, дахъ.
7Думуган Шамуилиз РАББИ гьеле аьгъдайи – думугандиз РАББИЙИН гаф дугъаз ачмиш гъабхьундайи. 8Шубубпи ражари РАББИЙИ Шамуилиз дих гъапӀу. Думу гъудужву, Илийихьна гъафи:
– Уву узуз дих гъапӀнийва – узу гъафунза.
Думуган Илий жигьилихьна РАББИ илтӀикӀурайивалин гъавриъ ахъу, 9ва дугъу Шамуилиз гъапи:
– Гъарах, дахъ, хъа увуз дих гъапӀиган, жаваб тув: «Йип, РАББИ! Яв лукӀ увухъ хъпехъура».
Шамуил кьяляхъ хътарку ва цӀийикӀултӀан чан йишвʼин дахъу. 10РАББИ учӀву ва, дийигъну, цӀийикӀултӀан, мугагьназси, дих гъапӀу:
– Шамуил! Шамуил!
– Йип, Яв лукӀ увухъ хъпехъура, – жаваб туву Шамуили.
11– Узу Израилиъ гьациб апӀбанди вуза, – гъапи РАББИЙИ, – дидкан гъеебхьу гьарсарин юкӀв тӀубкӀиди. 12Думу йигъан Узу эвелиан аьхиризкьан вари тамам апӀидиза – вари, Узу Илийиз дугъан тухумдикан гъапиб. 13Узу дугъаз, дугъан тухумдиз гьаргандиз вуди жаза тувруваликан, гъапнийза, гьаз гъапиш Илийик тахсир ка: дугъаз чан баяри Заанур беябур апӀурайивал аьгъяйи, амма дугъу дурар дерккундар. 14Гьаддиз Илийин тухумдихьан чпин гунгьар гъурбнар апӀувалиинди ва садакьйириинди ктӀуршвуз затра хьидар. Дици вуйивалин Узу ху гъапӀунза.
15Шамуил гвачӀниндиз дахъну гъузу, дугъу РАББИЙИН Хулан раккнар арццу. Дугъаз чаз гъябкъюб Илийиз ктибтуз гучӀурайи. 16Хъа Илийи дугъаз чахьна дих гъапӀу:
– Шамуил, йиз бай.
– Узу гьамушвахь хьаза, – жаваб туву дугъу.
17– Фу гъапунвуз Дугъу? Узхьан фукӀа жин мапӀан. Дугъу увукна гъапи саб гафкьан уву узхьан жин гъапӀиш, гъит Заанурин хъял увʼин алабхъри!
18Шамуили, фукӀа жин дарапӀди, дугъаз вари ктибту.
– Думу РАББИ ву, ва Дугъу, Чаз фици ккундуш, гьаци апӀуру вари! – гъапи Илийи.
19Шамуил аьхю гъахьи, ва РАББИ дугъахъди хъайи: Шамуили гъапиб вари улубкьурайи, 20ва Дандихъан Беэр-Шевайихъна#3:20 Дандихъан Беэр-Шевайихъна: Дан кафарийиъ, Беэр-Шева кьиблайиъ айи шагьрар гъахьну, му вари Израилиъ кӀуру гаф ву. вари Израилиз Шамуил РАББИЙИН гьякьикьи пайгъамбар вуйивал аьгъяйи. 21Шилойиъ РАББИ Шамуилиз РАББИЙИН гафнаъди ачмиш гъахьихъантина, Думу душваъ ачмиш хьувал давам гъабхьнийи.
Sélection en cours:
Паччагьлугъар-1 3: ТабГК
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023
Паччагьлугъар-1 3
3
Рабби Шамуилиз ашкар шулу
1Шамуил, Илийиз кюмек апӀури, РАББИЙИН Хулаъ гъуллугъниин гъахьну. Думу вахтари инсанариз РАББИЙИН гаф цӀибтӀан ашкар шули гъабхьундар. Инсанаризра РАББИЙИХЬАН рякъюваларра думукьан гизаф шули гъахьундар.
2Саб ражари Илий чан аьдати йишвʼин дахънади гъахьну. Дугъан уларин акв зяиф гъабхьнийи, дугъаз фукӀа рябкъюрадайи. 3РАББИЙИН Хулаъ хябяхъдиан гвачӀниндиз кабхьну шлу шамадан гьеле кутӀубшвнадайи. Шамуилра душваъ, Заанурин сундух#3:3 Заанурин сундух: израиларин асас гирами шейъ, гакӀвликан кадапӀнайи ва гъизилихъди дабалгнайи ишикӀ. Дидиъ Заанури, Израилин халкьдихъди йикьрар йибтӀруган, Синай дагъдиин Мусайиз туву 10 табшуругъ утӀурчнайи гъвандин кьюб шиб айи. Сундхин гъапгъиин гъизиликан кадаънайи хлинццар гьатӀарццнайи кьюб малайик-херувим алийи. хьайишвахь дахънайи. 4РАББИЙИ Шамуилиз дих гъапӀу. Дугъу «гьай» гъапи:
– Узу гьамушвахь хьаза! – 5ва Илийихьна гьяракат гъапӀу.
– Уву узуз дих гъапӀнийва – узу гъафунза, – гъапи дугъу.
– Ваъ, дих гъапӀундайза, – жаваб туву дугъаз Илийи. – Кьяляхъ гъарах, дахъ.
Шамуил кьяляхъ гъушу ва хъана дахъу.
6РАББИЙИ хъана Шамуилиз дих гъапӀу. Думу гъудужву, Илийихьна гъафи, ва дугъу гъапи:
– Уву узуз дих гъапӀнийва – узу гъафунза.
– Ваъ, узу дих гъапӀундайза, йиз бай, – жаваб туву дугъаз Илийи. – Кьяляхъ гъарах, дахъ.
7Думуган Шамуилиз РАББИ гьеле аьгъдайи – думугандиз РАББИЙИН гаф дугъаз ачмиш гъабхьундайи. 8Шубубпи ражари РАББИЙИ Шамуилиз дих гъапӀу. Думу гъудужву, Илийихьна гъафи:
– Уву узуз дих гъапӀнийва – узу гъафунза.
Думуган Илий жигьилихьна РАББИ илтӀикӀурайивалин гъавриъ ахъу, 9ва дугъу Шамуилиз гъапи:
– Гъарах, дахъ, хъа увуз дих гъапӀиган, жаваб тув: «Йип, РАББИ! Яв лукӀ увухъ хъпехъура».
Шамуил кьяляхъ хътарку ва цӀийикӀултӀан чан йишвʼин дахъу. 10РАББИ учӀву ва, дийигъну, цӀийикӀултӀан, мугагьназси, дих гъапӀу:
– Шамуил! Шамуил!
– Йип, Яв лукӀ увухъ хъпехъура, – жаваб туву Шамуили.
11– Узу Израилиъ гьациб апӀбанди вуза, – гъапи РАББИЙИ, – дидкан гъеебхьу гьарсарин юкӀв тӀубкӀиди. 12Думу йигъан Узу эвелиан аьхиризкьан вари тамам апӀидиза – вари, Узу Илийиз дугъан тухумдикан гъапиб. 13Узу дугъаз, дугъан тухумдиз гьаргандиз вуди жаза тувруваликан, гъапнийза, гьаз гъапиш Илийик тахсир ка: дугъаз чан баяри Заанур беябур апӀурайивал аьгъяйи, амма дугъу дурар дерккундар. 14Гьаддиз Илийин тухумдихьан чпин гунгьар гъурбнар апӀувалиинди ва садакьйириинди ктӀуршвуз затра хьидар. Дици вуйивалин Узу ху гъапӀунза.
15Шамуил гвачӀниндиз дахъну гъузу, дугъу РАББИЙИН Хулан раккнар арццу. Дугъаз чаз гъябкъюб Илийиз ктибтуз гучӀурайи. 16Хъа Илийи дугъаз чахьна дих гъапӀу:
– Шамуил, йиз бай.
– Узу гьамушвахь хьаза, – жаваб туву дугъу.
17– Фу гъапунвуз Дугъу? Узхьан фукӀа жин мапӀан. Дугъу увукна гъапи саб гафкьан уву узхьан жин гъапӀиш, гъит Заанурин хъял увʼин алабхъри!
18Шамуили, фукӀа жин дарапӀди, дугъаз вари ктибту.
– Думу РАББИ ву, ва Дугъу, Чаз фици ккундуш, гьаци апӀуру вари! – гъапи Илийи.
19Шамуил аьхю гъахьи, ва РАББИ дугъахъди хъайи: Шамуили гъапиб вари улубкьурайи, 20ва Дандихъан Беэр-Шевайихъна#3:20 Дандихъан Беэр-Шевайихъна: Дан кафарийиъ, Беэр-Шева кьиблайиъ айи шагьрар гъахьну, му вари Израилиъ кӀуру гаф ву. вари Израилиз Шамуил РАББИЙИН гьякьикьи пайгъамбар вуйивал аьгъяйи. 21Шилойиъ РАББИ Шамуилиз РАББИЙИН гафнаъди ачмиш гъахьихъантина, Думу душваъ ачмиш хьувал давам гъабхьнийи.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023