PSALMEN Bindu 5
Bindu 5
Tangiang tu Jahowa maradophon angka parjahat 2-13.
1Ende sian si Daud. 2Sai * tangihon ma, ale Jahowa, angka hatangki, sai timbang ma ho i ni rohangku. #* Ps 17:1 3Sai patinggil ma pinggolmu * ale Rajangku dohot Debatangku, tumangi soara ni anggukkon, ai tu Ho do ahu martangiang. #* Ps 84:4 4Sogot ma, ale Jahowa, tangihon soarangku, sogot do ahu marhobas manopot Ho, jala manatapnatap ahu. #Ps 88:14 5Ai ndang lomo roham mida hageduhon, ale Debata, jala ndang tarsorang na geduk marroha i Ho. #Ps 34:17 6Ndang manahan * angka na ginjang marroha maradophon pamerengmu, dihosom roham do nasa siulahon na so uhum. #* Ps 75:5; 1Ptr 3:12 7Matua * diago Ho do, ale Jahowa, angka sidon gabus, jala dihagigihon roham do halak angka na + tumahi mudar dohot sipaotooto. #* Ps 9:6; + Ps 55:24 8Alai ianggo ahu, sian godang ni asi ni roham sai bongotanku do bagasmu, marsomba dompak bagas ni habadiaonmi, mangkabiari Ho. #Ps 26:8, 138:2 9Ale Jahowa, sai * togu ma ahu marhitehite hatigoranmu + ala ni angka na mangonggop ahu, sai pahornop ma dalanmu di jolongku. #* Ps 25:4-5; + Ps 27:11 10Ai ndang pos roha di hatanasida i, sai hamagoan do tahi ni rohanasida di bagasan, * godung na talak do tolonnasida i, + dipalanditlandit do ia dilana. #* Rom 3:13; + Ps 55:22 11Torui ma nasida, ale Debata, sai ambalhon ma tahi ni rohanasida i, ambolongkon ma nasida ala hinadeak ni pangalaosionnasida i, ai dompak Ho do nasida manenganenga. #Ps 83:17 12Sai marlas ni roha ma sude angka na marhaposan tu Ho, sai marendei ma nasida ro di salelenglelengna ala ni ondinganmu nasida, sai marolopolop ma mida Ho angka na holong roha di goarmu. #Ps 40:17 13Ai Ho do, ale Jahowa, mamasumasu na tigor marroha i, songon lombulombu do * dihaliangkon Ho asi ni rohami tu ibana. #Ps 34:8, 8:6; * Ps 103:3
Sélection en cours:
PSALMEN Bindu 5: BBC
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
Batak Toba Bible Revised Edition © Indonesian Bible Society, 1998.