PSALMEN Bindu 3
Bindu 3
Tangiang marhanalomhon Jahowa maradophon hinadeak ni musu 2-9.
1Ende ni raja Daud uju na maporus ibana maradophon anakna si Absalom. #2Sam 15:14 2Iale Jahowa, lan situtu do angka na manosak ahu, angka na hehe tumahi ahu. #Ps 25:19 3Angka na mandok taringot tu hosangku: “Ndang adong be hangoluan ni i sian Debata.” Sela. #Ps 35:3 4Alai Ho do, ale Jahowa, lombulombungku, hasahalonku, dohot na + padirgak ulungku. #Ps 7:11, 84:12; + Ps 27:5-6 5Joujou do soarangku tu Jahowa, jadi dialusi Ibana ahu jalojalo sian dolok habadiaonna. Sela. #Ps 99:5, 9 6Hupapeak do ahu, jadi laos nok matangku, dungo ahu muse, ai Jahowa do manande ahu. #Ps 4:9; Poda 3:24 7Ndang huhabiari nang riburibu loksa halak, angka na manungkum ahu humaliang. #Ps 27:3 8Hehe ma Ho, ale Jahowa, palua ahu, ale Debatangku, ai dipastapi Ho do sude angka musungku, ipon ni angka na geduk marroha diropangi Ho do. #Ps 58:7 9Matua gok di Jahowa do * haluaon, di atas ni bangsom do tongtong + pasupasum. Sela. #* Ps 74:12, 121:2; Jer 3:23; + Ps 115:15, 129:8
Sélection en cours:
PSALMEN Bindu 3: BBC
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
Batak Toba Bible Revised Edition © Indonesian Bible Society, 1998.