Y Salmau 4
4
SALM IV
Cum inuocarem.
Dafydd yn achwyn wrth Dduw rhag ei elynion.
1Duw fy nghyfiownder clywaist fi,
i’m cyni pan i’th elwais:
Rhyddheaist fi, dod y’m un wedd,
drugaredd, clyw fy oerlais.
2O feibion dynion hyd ba hyd
y trowch trwy gyd ymgabledd,
Fy mharch yn warth? a hynny sydd
drwy gelwydd a thrwy wagedd.
3Gwybyddwch ethol o Dduw cun,
iddo’i hun y duwiolaf:
A phan alwyf arno yn hy,
efe a wrendy arnaf.
4Ofnwch, a thewch, ac na phechwch,
meddyliwch ar eich gwely,
5Aberthwch, gobeithiwch Dduw ner,
rhodd cyfiownder yw hynny.
6Pwy (medd llaweroedd) y pryd hyn,
a ddengys yn’ ddaioni?
O Arglwydd, dercha d’wyneb pryd,
daw digon iechyd ini.
7Rhoist i’n calon lawenydd mwy,
(a hynny trwy dy fendith:)
Nag a fyddai gan rai yn trin,
amlder o’i gwin a’i gwenith.
8Mi orweddaf ac a hunaf,
a hynny fydd mewn heddwch:
Cans ti Arglwydd o’th unic air,
a bair y’m ddiogelwch.
Sélection en cours:
Y Salmau 4: SC
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Cymdeithas y Beibl 2017
© British and Foreign Bible Society 2017