Versets bibliques populaires de Joaancha Laenai 6

Partager

“Canune cacha rai ichaonaa tera faan neein neeun. Cha teeinte carene uhe aca mijiteriaain. Cha teeinti quesenetae, aca cocoireriaain.

Caa quere aonaain esenetaeraaurute, chaelai janonaa bana nitajenereein. Jana, caa aitocoaunne esenetaelanaala erenaa tonoraauruhite, ichaoha jaberoco niha natiin, nitajiha cureein suujue. Cha que nelatihei cana jaberoco, cana suujue colane.

“Coa sanaa inaera lenone corenihacha amihanihache. Acaihanejein ichaonaa tera chabana sanaachara nejeein lenone coreniha amihaneeuche. Nii nitajenaachara nejeein niha cacha najaan lenone tihanune coinate caletoae Ofa Cana Coaunera. Canune inaraacha cohajei Cacha Calaohi ineeunra”, naa Jesoso acaauru rai janate

Nii Cana Coaunera Calaohi coaracuruhane esenetaauruha satiin cachaaurunete jere caletoaera Ofa Cana Coaunera, chabana nitajenaachara nejeein nenaa ichaonaa raa esenetaeraaurune coina. Nii jaunna inae saa cana janonaane bana ichateein michunajaa cureeunni”, naain acaauru tonorae Jesoso.

“Caa niicha letoai nichaaunne esenetaaichenete jere Cana Coaunera”, naa Jesosone janate

Satiin Ofa Cana Coauneraacha letoaite carene uhe. Nii jaunna carene uhi nihane sitaenereeunni.

“Ahan aihei. Chuna nenacae curichaacaanu. Nii canacaanu relaaine jaan tejian nenacaaen ichaonaa chabana nitajenaachara nejeein nenaa teraneein ne.

Canune nii lenone neein dede caje faunaa neein neeun. Nii lenone que ichaohin neite nirijijieein nitajenaachara nejeein niha cureein. Nii lenone quiicha tenaa jereite, cajabereonneein ne. Acane tiha cureeunni, que ichaohin neeuruha caa chauratane que nenacaaurune coina”, naa Jesosone janate

Chunei carene unaa nainihei, nii jereein neniha caletoaera Ofa Cana Coaunerane. Inae saa janonaane banana nii carene uhine ichatiha cureeunni.

Nii Ofa Cana Coauneraacha tei faante turue caa chauratane que, cachaauru rai ichaonaa chabana nitajenaachara nejeein nenaa terane que”, naa Jesosone jaunte

Canune ichaonaa chabana nitajenaachara nejeein nenaa tera lenoneneein neeunra.

Nii janate nii faan teberiaain: “Nariha”, naain Cana Coaunera bajaane baiha, nii aina nerelanaa nichaanune rai nii faan te Cana Coaunera Calaohi Jesoso, chaluhacaanune coina. Chaluhacaanune janate, nii saoqui oharaancai cacha naine nii faan. Jerichanejeein techu nainecohanajae nii ate. Nii janate, inaeneeuruhane jana cautihane jaun: “Caa caute curujuaain raauche nijiaohane coataa”, naa Jesoso, aina nerelanaa nichaanune raine jaun

Nii janate, inae bote cuhane fauhin cuujihacaanune jana, canacaanu sacuha uhe Jesoso, acau choae rurujueein uhin. Nitohaneeinte acau choae uhin canacaanu rohan nichuuntaain, nii acau jiheeitohane jana, fichafichanaa tabai nihane jana, nii bote nalaaene amuniha canacaanu rai janate coaracaanune jana, tajiha acau choae uhin rurujue, nii bote nichaae uhin. Nii jaunne coasiha nesoonetohacaanune janate: “Coa nesoonetohachera. Canune aihunra”, naane jaun, que tacaain coroajeein, nii bote cuhane fauhin amaacaanu. Nii janana cohaneeoriin turutoha cuhacaanu canacaanuhacha coinetihu.