Versets bibliques populaires de 1 Corintodeniza 3

Partager

Tiadenipe arrirraro uima ssamoqquiri tiquenaccaqui? Arri Zeso Cristoza rrehe tiquenarrarope Deo pocca mamadi tiquerrenani. Arra Deo Corimepa tiadeniza mamadiriza narrari.

Nazama ueuema bicani ppa oppirizehe narrorarrarope Zeso Cristoparra. Madirra ouaha ueuema onihi ppa ippirizaniuarrinepe ssamo tani.

Nazama arra tapa dappode, cacauade quenarraridenipa tapa moro inanemanauiuarrine ssamomo taui. Deo Pouana tapa inanapiuiuarrine nauato taui orrarirrari.

Nazama oua Aporo tezerrepe Deoza izepe ihirririza narraro. Tiadenipe pina Deocca uizarrassa, pina oza Deo icanauatorrarossa tiquenarraro.

Naraha niza madirra uapimacca uima cattemaniuarrinecca uada bacco tezape Deopa zippo rrororoniza madirra bazimacca tozepe irrie nattome ippinitoui. Narraro rrororonirrine madirracca uima bica tarrarocca, uaidira tarrarocca, ponimacca naqui Pouaza auato tanitoui.

Arra tapa dappode, dope cacauade quenarraridenipa narrarissa caniqquimerarrari. Poccadeni tarabaia manaconipe pouadeniza Deo inaparrirenissa tanitoui. Pina pouadeni zepedeni irririzemanarrarissa nehe da inarizanitoui.

Nazama tiadenipe tiadeni ticamaizanimana terrerarri. Arra tiadeni mota bodidenipa: —Iape arrirraro zamacca nauatoue bazima nauatoqquiri inani −quequenanaraha narraro uima nebomanauissa taza pina madirra ssamobotessa quenana, naui nauatoue parrisseheccara tocauatterauiuarrine.