Versets bibliques populaires de MATIUS 6

Partager

Tapi si pentingna kal, daramilah lebe KinirajanNa, janah dalankenlah si ngena ateNa, maka icukupiNa kai si perlu man bandu.

E maka ola aru atendu kerna wari si pepagi, sabap pepagi lit denga ka nge si man ndelenken. Labo pada itambahi kiniseran si sendah alu kiniseran si pepagi.”

Perbahan si e, ola aru atendu kerna nakan ras inemen si iperlukenndu i bas geluhndu ntah kerna uis si man pakenndu. Ergan nge kesah asangken nakan janah ergan nge kula asangken uis.

Tapi adi ertoto atendu, bengketlah ku bas kamarndu, eruk pintun jenari ertotolah man Dibata si la iidah e. Dibata si ngidah perbahanenndu e mereken upah man bandu.

Dage, bagendalah nindu ertoto, O Bapa kami si ni Surga. GelarNdu ipebadia min; reh min KinirajanNdu; sehlah min peratenNdu, i bas doni enda bagi ni Surga.

Bereken min man kami nakan cukup i bas wari si sendah enda.

Alemi min salah kami bagi nialemi kami salah kalak kempak kami.

Ola min kami ibaba Kam kubas percuban, tapi olangilah kami idur si ilat nari. [Sabap Kam kap si mada Kinirajan, ras kuasa, ras kemulian si ndekah-ndekahna. Amin.]

Adi ialemindu salah kalak, salahndu pe ialemi Bapandu si i Surga ka nge.

Perdiatekenlah perik-perik si kabang. Labo ia merdang, labo ia rani, labo ipepulungna ulihna rani ibas lumbung, tapi man nge ia ibahan BapaNdu si i Surga. Ergan nge kam asang perik-perik e!

“Ola pepulung erta-erta i doni enda man bandu. Sabap erta-erta doni banci ipan nget-nget, tembesin dingen itangko pinangko. Tapi pepulunglah erta-erta i Surga. Sabap i Surga la banci ipan nget-nget, tembesin dingen itangko pinangko. Sabap i ja ertandu, i je pe ukurndu.”

“Ise pe labo ngasup ngikutken dua tuan. Sabap adi dua tuanna, la banci lang sekalak keleng atena janah sekalak nari nembeh atena; ntah pe mejingkat ia nandangi sekalak tuan, tapi tuan si sada nari la diatena pe. Labo kam ngasup erdahin guna Dibata adi erdahin ka kin kam guna duit.

Dage ingetlah! O kalak si kurang kiniteken! Adi dukut-dukut si sendah nggeluh pagi iambekken ku bas api pe bage jilena ibahan Dibata, apai ka kam!

Tapi adi mere kam man kalak musil, bahanlah maka temanndu meriah pe la meteh. Labo perlu igejek-gejekken i bas kam mere e. Alu bage, Bapandu si ngidah perbahanenndu e mereken upah man bandu.”

“Ingetlah! Ola ilakokenndu aturen agamandu i lebe-lebe kalak si nterem alu tujun gelah idah kalak. Sabap adi bage ibahanndu la kam dat upah i bas Bapandu si i Surga.

“Adi erpuasa kam, ola peberjut-berjutndu ayondu bagi kalak pekulah-kulah. Kalak pekulah-kulah ipeberjut-berjutna ayona bagi kalak melihe, gelah ieteh kalak ia erpuasa. Inget! IA lanai ngaloken upah i bas Dibata nari. Tapi adi erpuasa kam, erduhaplah jenari suri bukndu, gelah la ieteh kalak kam erpuasa. Tapi Bapandu si ngidah perbahanenndu e, IA nge si mereken upahndu.”