Versets bibliques populaires de ኀበ ሰብአ ኤፌሶን 6

Partager

እስመ ቀትልክሙ ኢኮነ ምስለ ዘሥጋ ወደም ዘእንበለ ምስለ መኳንንተ ጽልመት ወአጋንንት እኩያን እለ መትሕተ ሰማይ።

በኵሉ ጸሎት ወስእለት እንዘ ትጼልዩ በኵሉ ጊዜ በመንፈስ ትግሁ ወተፀመዱ ለጸሎት ኵሎ ጊዜ በእንተ ኵሎሙ ቅዱሳን።

ወልበሱ ወልታ እግዚአብሔር በዘትክሉ ተቃውሞቶ ለመናግንተ ሰይጣን።

ወበእንተዝ ንሥኡ ወልታ እግዚአብሔር ከመ ትክሀሉ ተቃውሞታ ለዕለት እኪት ወኩኑ ድልዋነ በኵሉ ከመ ትጽንዑ።

ወምስለዝ ኵሉ ንሥኡ ንዋየ ሐቅል ዘሃይማኖት በዘትክሉ አጥፍኦተ ኵሉ አሕጻሁ ለእኩይ ርሱን። ወንሥኡ ጌራ መድኀኒት ላዕለ ርእስክሙ ወሰይፈ ዘመንፈስ ቅዱስ ንሥኡ በእደዊክሙ ዘውእቱ ቃለ እግዚአብሔር።

ቁሙ እንከ ቀኒተክሙ ሐቌክሙ በጽድቅ ወልበሱ ልብሰ ሐጺን ዘጽድቅ። ተሥኢነክሙ ኀይለ ወንጌል ዘበሰላም።

እንከሰ ጽንዑ በእግዚአብሔር ወበጽንዐ ኀይሉ።

ወቀዳሚ ትእዛዝ በውስተ ሥርዐት አክብር አባከ ወእመከ። ከመ ሠናየ ይኩንከ ወይኑኅ መዋዕሊከ በዲበ ምድር።

ውሉድኒ ተአዘዙ ለአዝማዲክሙ በእግዚእነ እስመ ጽድቅ ውእቱ ዝንቱ።