Versets bibliques populaires de ሃዋ̈ 1

Partager

ዎቲናካር ጌ̈ሻ̇ ኣያ̇ና ዪንታ̇ ጋልዳ ሶ̈ቤጌይን ዪንቲ̇ ዎልቃ ዲጚ̈ሬ። ዬሩሳ̈ላም ካታማ ጋርታ፣ ዪሁዳ ጋዳ̇ ዎይ፣ ሳማ̈ራ ጋዳ̇ኬ ዓጛር ሳ̈ዝ ቡጊድ ዬሊ̇ዝ ዲራስ ዪንቲ̇ ታ̈ብ ማርካ̇ ማ̈ቂ̇̈ሬ” ጌይዴ።

ኢያር ኢንታ̇ኮ “ጾ̈ሳ̇̇ ባ̈ባ ፌ ሲልጣ̈ናባር ባዝ ዓና̇ ዓኒ̇ ቃምባር ማ̈ቃ̇̈ሬ ጌይኖ ኬሊ̇ን ዪንቲ̇ ኤራንዳ̇ቦ ዳንዳኢባ̈ሴ።

ፔቲ̇ ጋላስ ኢንታባር ዎልኣ ዶኣር ቡና ኡሽኪ̈ርዶሪ ኢንታ̇ኮ “ቴ ሶ̈ላምባ̇ር ዪንቲ̇ ሲስኪ̇ኖንዶ̇፤ ታ ባ̈ባ ዪንታ̇̇ብ ኢሚ̇̈ሬ ጋ̈ሪ ታስፋ ኢሚ̇ኖን ና̈ጊብትዶኬ፥ ዬሩሳላማፖ̇ ኬስካ̇ሪ ሜላ ቤስ̇ ሉካፒ̇ቴ። ዋ̈ኒ̇ሲ ዋ̈ባር ጣማ̇ቂኔ፤ ዪንቲ̇ ጊላ̇ ቃማ̇ፖ̇ ዓኒ ጌ̈ሻ ኣያ̇ናባር ጣማ̇ቂንቲ̈ሬ” ጌይዴ።

ኢ ዎይሊን ሜታ ኤካ̇ር ዓይቂ̇ኖፖ ዓኒ ዓይቃ ጋርታ̇ፖ̇ ዲንዳር ሼምፓባር ዎንዶ̇ ዎይሊን ኣማ̇ንዝ ማርኪቲባራ ኢንታ̇ብ ፌ̈ና ቤይሲዴ። ኦይዲ ታጳ̇ ቃም ኢንታ̇ባር ቤንቲ̇ ሙታ̇ ጾ̈ሳ̇̇ ካ̈ቲቲ ጎይ ኢንታ̇ ታማ̈ርሲዴ።

ዪኖ̇ ኢ ጌዪኖፖ̇ ዓኒ ኢንቲ̇ ኢያ ቤቃ̇ምባራ ፉ̈ዳ ኣፋ ሉኪ̇ዴ፤ ሻ̈ራር ኢያ ጌ̈ሚዴ።

ኢ ሉካ̇ምባራ ኢንቲ̇ ፉዳ ኮት ዎቲ ኢያ ቤቃ ጋልዳ ዎዶን ቦ̈ርስ ኣፊላ ማኢኖ ናምኢ ኣሳን ኢንታ ላፍ ኤቃ̇ሪ ኢንታኮ “ዪንቲ̇ ጋሊላ ጋዶ̇ ኣሳን! ፉዳ ኣፋ ቤቂ̇ሙታ̇ ዓይ ኣብዛብ ኤቂ̇ና? ዓ ዪንቲ̇ ቤቃ̇ምባር ፉዳ ኣፋ ሉኪ̇ኖ ዬሱ̈ሲ፥ ዓና̇ ኢዝፌ̈ን ማ̈ቂ̇ ዬ̈ይሬ” ጌይዴ።