Versets bibliques populaires de Yakobo 1

Partager

Lalachera o nkanachera ainien, enting'idata katukul, tinitumtum saanat naapaapaacha, amu iyielolo aajo kore tenesaani ntae tankaraki nkurukoto inchi, nitumtum ng'iriata.

Kore teneatae taatua ntae lotong'orika ng'eno, enchoo eomonu ta Nkai naa ninye naicho pooki ng'ae eyieu nemebuaaki aing'ode, naa keichori ninye.

Enteyielo naa, lalachera o nkanachera ainien nacham, nchere meata lobo linchi lemesioki aning nemeipirriki airo nemesioki sii agoro

Naaku naa, enchoo ng'iriata inchi ebulu katukul, payie iakuku ltung'ana ootubulutua aaiputakino taa mbaa pooki, meatae hoo ntoki nang'oriki ntae.

Naa entaa loaas ana nejo rerei le Nkai, namara ake looning apeny rerei, amu isapsap ate tiniasias inia.

Kemayiana ilo tung'ani ong'iri taatua sinaitin ooitami, amu kore payie eidip aimai sina, netum nkopiyia e nkisulata aa taa nkichon ee ntarasi, naitayia Nkai lekutuk ajo keicho lolo oaacham ninye.

Kore nkichooroto pooki supat nemeata ng'orikinoto naa chumata eing'uaa, etodowua eing'uaa Papa oitibira ndama o lapa o lakir pooki le chumata, ilo lemeikonyi hoo aibelekenya anaa eikonyi aiwuatuwuata.

Amu kore ake loning ilo rerei nemeas ana nejo, naa inchi etuwuana ltung'ani ochil nkomon enye te kitaap, kore payie eidip atichila, nelo te inie nerikino ake inia kata netiu duo nkomom enye.

Kore yielounoto e Nkai naiken ꞉Nkai Papa lang ajo kedede, naa inia nairrita nkera okichono o nkoilia tee sinaitin lenche, neirrita koon payie mejing atua ntorroni nati nkop.

Kore naa tenetemi ltung'ani, mincho ake ejo, <<Nkai naatemita.>> Amu metemi Nkai to ntorroni, nemetem sii ꞉Nkai ltung'ani. Kake ng'uarrat enyena torrok naatem ltung'ani, neyiataki ntorroni.

Kore ltung'ani omena oiruko Kristo, keyiere payie eng'ida tankaraki /nailiepunyie ninye ꞉Nkai aitaa le Kristo.