Versets bibliques populaires de Filipi 2

Partager

Neo' mpomobohe woto-ni moto-wadi, neo' mpope'une'. Agina-pi-hana hore–hore mpakadingki' nono, ta'uli' doo melabi ngkai kita'. Neo' mpenonoi woto-ta moto, pekiri wo'o katuwu' doo.

Nono-ni kana hewa nono-na Kristus Yesus

Nau' tuwu' mpo'Alata'ala-i, uma-i mpentaei kahibalia-na hante Alata'ala. Nabahaka omea-mi tetu, pai'-i tuwu' mpobatua. Mewali manusia'-i hante wotoloka' manusia'. Pai' ka'oti-nai jadi' manusia', mengkadingki'-imi, pai'-i mpotuku' hawa' Alata'ala, duu'-na mate raparika' hewa hadua tauna to dada'a.

Apa' Alata'ala moto-mi to mobago hi rala nono-ni, pai' alaa-na dota-koi mpotuku' konoa-na, pai' nawai' wo'o-koi karohoa mpotuku' konoa-na.

Toe-mi pai' Alata'ala mpo'ongko'-i hi pohuraa to molangko lia, pai' nawai'-i kuasa to meliu ngkai hawe'ea kuasa to ntani'-na, bona hawe'ea to tuwu' mengkoru hi Yesus, lompe' ihi' suruga, lompe' ihi' dunia', lompe' to hi po'ohaa' tomate, hawe'ea-ra mpai' mowilingkudu menyompa hi Hi'a, pai'-ra mpangaku': Yesus Kristus, Hi'a-mi Pue', alaa-na Alata'ala to Tuama rapomobohe.

Napa–napa to nibabehi, neo' ngkunuti ba momehono', bona monoa' hi hawe'ea tauna ka'ana'-na Alata'ala mpu'u-koi, to uma ria kasalaia'-ni, to tuwu' moroli' pai' uma ria patuju-ni to dada'a. Hewa betue' mehini hi rala kabengia-na, wae wo'o koi' hi laintongo' tauna to bengku' pai' dada'a nono-ra

Toe-mi ompi' to kupe'ahi', ku'inca kampotuku'-ni hawa'-ku. Bula-ku ria dohe-ni, nituku' mpu'u hawa'-ku. Jadi', peliu–liu-nami tempo toi bula-ku molaa, kuperapi' bona nipelompehi mpu'u po'ingku-ni, hewa to masipato' hi tauna to nahore Alata'ala ngkai huku' jeko'-ra. Mengkoru-mokoi hi Alata'ala, pai' poka'eka' mpu'u-koi mpobabehi po'ingku to dada'a.