Versets bibliques populaires de Marqus 13

Partager

Akenniw ƹiffen marra iwḏan ƹlaḥsab isem inu, walakin wenni ɣa iṣbaren ɣar uneggaru ataf aḏ injem.

Ḥḍam ixef nwem, iȓim ƹlabal ȓaḥeqqac war ṯessinem ca meȓmi d ɣa ṯas ȓweqṯ nni.

Xmi kenniw ɣa awin ḥima akenniw sellmen ɣar ccraƹ, bȓa ma aḏ teysim amnus ḏ amezwaru ḏi ȓaƹquȓaṯ nwem min ɣa ṯinim; Lla, awaȓen nni iy ɣa ṯinim ḏ Arebbi iy ḏawem ṯen ɣa yucen ḏi ṯsaƹƹat nni. War iǧi bu ḏ kenniw iy ɣa issiwȓen; Lla, aḏ issiweȓ Arruḥ iqeddsen.

Aḏ ifna ujenna ḏ ṯmurṯ, walakin awaȓen inu war fennin ca ƹemmarṣ.

Cuf, nhar nni niɣ ṯsaƹƹat nni war t issin uȓa ḏ ijjen, lla lmalaʼikaṯ ḏeg ujenna uȓa ḏ Mmis. Issen-it ɣir Baba waḥḏes.

Xmi ɣa ṯesȓam x lḥuȓub ḏ ȓexbar n lḥurub war teggwḏeṯ ca, labud zi manaya. Walakin ddunect-a ƹaḏ war ṯfenni ca.

X manaya faqem baƹda, qa war ṯessinem meȓmi d ɣa iḏweȓ bab n ṯeddarṯ. War ṯessinem ma ag uƹecci niɣ ɣar ȓwesṭ n ǧiȓeṯ niɣ xmi ɣa idden uyaziḍ niɣ ɣar ȓefjar. Ɣarwem aḏ d yas ƹlaɣafla akenniw yaf ṯeṭṭṣem! Min ḏawem qqareɣ, qqareɣ-ṯ i marra: Iȓim ƹlabal!"

Dduwla aḏ tehjem x dduwla, lmemlaka aḏ tehjem x lmemlaka. Aḏ yiȓi jjuƹ aḏ iwqeƹ zzinzal ḏeg waṭṭas n imucan. Manaya aḏ yiȓi amecnaw ȓeḥriq amezwaru n ṯemɣarṯ itarwen.

Aqa ḏ amezwaru itxeṣṣa aḏ itwabeccar Lʼinjil i marra ȓegnus.

Aṭṭas iy d ɣa yasen s yisem inu zaƹma aḏ inin qa nec ḏ Lmasiḥ! Aḏ xeḏƹen aṭṭas n yiwḏan.

Ḥḍam ixef nwem! Akenniw sellmen i lmaḥkamaṯ, akenniw uwṯen ḏi ṯemziḏawin nsen. Aḏ tbeddem zzaṯ i lḥukkam ḏ izeǧiḏen ƹlaḥsab isem inu ḥima axafi ṯcehḏem.

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Menbaƹd i tamara n ȓiyyam nni, ȓexddenni ṯfuct aḏ teḏweȓ ḏ ṯaǧest, ṯaziri war ticc bu ṯfawṯ. Iṯran aḏ d wḍan zeg ujenna, yinni ijehḏen ḏeg ujenna aṯen isenhezz Arebbi.