Versets bibliques populaires de Luqa 7

Partager

X manaya aḏac iniɣ, ȓmuƹṣiyaṯ nni iy ṯegga aṭṭas twaɣfarent-as minzi nettaṯ ḏayes ȓemḥibbeṯ aṭṭas. Wenni umi twaɣfarent ȓmuƹṣiyaṯ ḏrus, netta ḏayes ȓemḥibbeṯ ḏrus." Inna-as i ṯemɣarṯ nni: "Ȓmuƹṣiyaṯ nnem twaɣfarent-am."

Inna-as Ƹisa i ṯemɣarṯ nni: "Cem isenjem-icem lʼiman nnem, ruḥ ḏi ȓehna."

Ṯeqqim ɣar ḏeffar n Ƹisa ɣar iḍaren nnes ṯebḏa ṯetru wḍan-as imeṭṭawen nnes x iḍaren n Ƹisa. Ṯruḥ ṯemseḥ-iṯen s ucewwaf nnes, ṯseǧem-iṯen ṯeḏhen-iṯen s waman n lwarḏ.

X manaya nec ḥesbeɣ ixef inu war sḏihǧeɣ ca aḏ d aseɣ ɣarek. Ini ɣir ijjen n wawaȓ u ṣafi ataf aḏ igenfa uxeddam inu. Uȓa ḏ nec s yixef inu ɣari yinni xafi iḥekkmen. Ɣari ȓƹaskar x ufus inu ḥekkmeɣ xasen. Aḏ iniɣ i yijjen: Ruḥ, aḏ iraḥ. Aḏ iniɣ i yijjen: Araḥ-d, aḏ d yas. Aḏ iniɣ i uxeddam inu: Egg ṯa, at igg." Wami isȓa Ƹisa i manayenni itƹejjeb ḏayes aṭṭas, ineqȓeb ɣar ȓɣaci iy ṯ iḏfaren inna-asen: "Aḏawem iniɣ: Yinni iǧan zi Ayṯ-Israʼil war ḏaysen ufiɣ bu lʼiman imɣar aṭṭas am wanita!"

Ḏi ȓweqṯ nni isgenfa Ƹisa aṭṭas n imehȓac ḏ yinni ḏi iǧa ȓeḥȓiq ḏ yinni ḏi ǧan jnun ḏ iƹeffanen. Ƹaweḏ yarra aṭṭas n iḍarɣaȓen twaȓan. Inna-asen Ƹisa: "Ƹeqbeṯ ɣar Yaḥya ƹawḏem-as min twaȓam ḏ min tesȓam: iḍarɣaȓen twaȓan, izeḥḥafen gguren, yinni iy ḏi iǧa jḏam genfan, iḏehcuren tesȓan, yinni immuṯen tnekkaren-d, ȓmusakin twabeccaren.