Versets bibliques populaires de PROVERBIOS 13

Partager

Alipacha yachajushca runacunahuan tandanajuj runaca, alipacha yachajushcami canga. Ashtahuangarin shinlli shungu runacunahuan tandanajuj runaca, ninandami llaquichi tucunga.

Cacharishcata rimanata jarcarij runaca, paipaj almatami huacaichin. Ashtahuangarin shimi cacharishca runataca, ninan llaquimi japinga.

Na llaquichishpa charij taitaca, paipaj churitallatami millanayachin. Ashtahuangarin juyashpaca, uchillamandapachami llaquichishpa yachachijun.

Imata shuyajushcapash na ucha pactajpica, shungupimi ninanda llaquirin. Ashtahuangarin imata munajushcapash pactajpica, causaita cuj yurashnami.

Ima pandatapash na rurashpa causaj runataca, imatapash cashcatapacha rurashcami huacaichin. Ashtahuangarin juchata ruraj runataca, Diosta na manllashcallatami urmachinga.

Yangalla charishcacunaca, tucurishpa catingallami. Ashtahuangarin imagutapash ucha ruraj runaca, ashtahuanmi mirachin.

Jariyashpa jatun tucujcunaca, fiñanajuitami jatarichinga. Ashtahuangarin ali yachaica, ali yuyaita cushcata chasquijcunahuanmi.

Alita ruraj runaca, imata charishcatapash, paipaj huahuacunapaj huahuacunamanmi saquinga. Ashtahuangarin juchata ruraj runa imata charishcapash, imatapash cashcatapacha ruraj runapajmi alichishca tiajun.

Alipacha yachajushca churica, ali yuyaita taita cushcataca chasquinmi. Ashtahuangarin asishpa ricuj churica, jarcashpa rimashcacunataca napacha uyanllu.

Ali yuyaita cushcata yangapi churaj runaca, pingai tucunata, imagupash illaj canatallami japinga. Ashtahuangarin ali tucuchun rimashcata chasquij runaca, alicachi tucungami.