Versets bibliques populaires de ECLESIASTÉS 1

Partager

Ninandapacha yachajushca cajpica, imapash ashtahuanmi fiñachin. Pipash ashtahuan yachajushpa catijushpaca, llaquitami mirachin.

¿Imata pundaca tiarca? Jipaman imapash tianallatami tiarca. ¿Imatata rurashca cashca? Jipaman imata ruranatallatami rurashca. Indi punllayachijuj cai pachapica, imapash na mushuj tianllu.

Runa parlai ushashcatalla parlashcatapash yalimi, tucui imapash shaijuchin. Ñavica ricunataca, ima horapash na shaijunllu. Rinripash, uyanataca na shaijunllu.

Yanga yangapachami nircami chai villaj runaca. Yanga yangapachami. Tucui imapash yanga yangami. Indi punllayachijuj cai pachapi tucui imatapash ninandapacha rurashpa trabajaj runaca, ¿ima alitata japin?

Indi punllayachijuj cai pachapi imatalla ruranajujtaca, tucuitami ricurcani. Ricuichi, tucui chaicunapash yangallami, yuyaita shaijuchingapajllami.

Shuj miraicunaca chinganmi, shuj miraicunami huacharin. Ashtahuangarin cai pachaca, causaita causaicaman tiajunllami.

Punda ima tiashcata yarinaca, na tianllu. Jipaman ima tucunataca, chai jipaman causajcunapash na yaringachu.

Ali yachaita rijsingapajmi, tucui shunguhuan chaitalla yariajurcani. Shinallata juizu illaj canatapash, imapash yangacunata ruraj canatapashmi yachajurcani. Tucui chaicunapash yuyaita shaijuchingapajllami” yajurcanimi.