1
Matiyo 7:7
FỊAFỊA BAỊBỤLỤ
KBTP
“Ó ḅii, ọmịna aḅara la ḅa; ọ́ ḍọkịị, ọ́ ḍọkị ẹrị ḅa; ọ́ ḅakụụ, ḅọkọ mẹ finji ọ́ pịrị ḅa.
2
Matiyo 7:8
Kẹ gotẹ ọkọ ḅẹẹarị, ḅiiḅọ-ḅiiḅọ nyana ḅa, tẹ ḍọkịḅọ-ḍọkịḅọ pịkị ḍọkị-ẹrị ḅa, anịsakị ḅọkọ mẹ pịkị finji ḅakụarị ḅọ pịrị ḅa.
3
Matiyo 7:24
“Ọkọẹrẹsị, ḅẹḅọ-ḅẹḅọ tẹ mịna ị̀ ẹkwẹn ma naa tẹ arị koro ḅara mịẹ ḅọ mḅọ kịkarị ḅọ anie ye-nimi tomḅọ tẹ amịna warị kẹ ịkụ ọgọnọ nama ḅọ.
4
Matiyo 7:12
“Ó ḅiiarị mịnẹ ja apụ mịẹ ọ́ pịrị nwẹn ḅẹẹ ḅara, ọmịnị sọ ọkọ mịẹ ịn pịrịị. Miemẹ anie Mozizi Oloko mẹ fiearị ye mẹ, pịkị ịkịankoro apụ ma toluma aị ma.
5
Matiyo 7:14
Kụma ḅọrọ mu ḍumo la-la ogigo-ḅọkọ mẹ kpasị wararị, tẹ mẹnjị mu anị la etela mẹ pịkị ḅụụ-fụkama wararị, anịsakị boowa apụ ngẹrị mie anị ḍọkị-ẹrịarị.
6
Matiyo 7:13
“Ọ́ kpasị wararị ogigo-ḅọkọ mẹ ḅụ ḅọrọ sọ-muu, ḅọrọ mu fa ḅio sọ, etela mẹ finjima wararị ẹrẹsị, tẹ pịkị ḅụụ-fụkama-a, tẹ tọnwa apụ ḅọrọ anịanga muarị.
7
Matiyo 7:11
Ọmịnị si-mịẹapụ sọ, paa iḅi aị kẹ ọmịna awọmẹ pịrị-pịrị ḅara nimi wararị. Ndẹẹ ọmịna Ḍaḅọ So-ḅio simearị ḅọ ḅe rẹ ḅarị kpọma anị ḅara nẹngị ḅara kẹ iḅi aị kẹ ọ̀ ḅara ye ḅiiarị apụ pịrị ḅịa ḅara!
8
Matiyo 7:1-2
“Ja apụ ḅụụ si ḍọkị ma, mịẹtẹ Tamụnọ sọ ị́ ḅụụ si ḍọkị ḅịa ḅara, kẹ gotẹ ọkọ ḅẹẹarị, Tamụnọ ị́ kẹ ja apụ kọn, kọn ḅara ḍiki tẹ sọ kọn ḅa, anịsakị ị́ kẹ ye tọn ja apụ pịrị, pịrị ye mẹ la ḅara mie Tamụnọ ḍiki tẹ tọn sọ pịrị ḅarịye.
9
Matiyo 7:26
“Kụma ḅẹḅọ-ḅẹḅọ tẹ mịna ị̀ ẹkwẹn ma naa tẹ arị koro ḅara mịẹ-a ḅọ mḅọ kịkarị ḅọ anie oḅori tomḅọ tẹ amịna warị kẹ onwi ọgọnọ nama ḅọ.
10
Matiyo 7:3-4
Anie ḅụ, ị́ tiegotẹ ḅara kẹ ị́ mịnaḅọ tọrụngbọ ḅio simearị fun kalịye mẹ tọkịmarị, tẹ ḅe tọrụngbọ gbaịn wararị sịn ikiḅa mẹ kẹ ye-sịn-a? Tiye ị́ ḅiokpọma tẹ ị́ ị́ mịnaḅọ ḅe ḅẹẹ ḅẹ, ‘Sisi ye arị ị́ tọrụngbọ ḅio simearị fun kalịye mẹ tala sin ị́ pịrị,’ tẹ ḅe sịn ikiḅa ị́ tọrụngbọ gbaịn wararị ogbo ḅụ?
11
Matiyo 7:15-16
“Ọmịnị iruo ịkịankoro apụ ḍiki ḅụụ kịẹn; ini ọ́ ḍọkụma-ḅo ḅarị sakị anana oju mie ịn sụa tẹ ḅo ḅarịye, kụma ḅioju ḅụ ini ma anie karakaramatẹ piri ḅio anana kun pẹị-pẹị anama. Ịn mịẹarị aị ḅụ mie ọ́ ḅọrọtẹ in lekiri ḅarịye. Ọwịrịwa, eleleinda mgbọlụ sụa sụa-a, anịsakị ọmị osuka pịkị mgbọlụ sụa sụa-a.
12
Matiyo 7:17
Obi-a sịn iḅi mgbọlụ sụarị, tẹ obiarị sịn pịkị si mgbọlụ sụarị.
13
Matiyo 7:18
Obi-a sịn mịẹtẹ si mgbọlụ sụa-sụa ọkụ ofori, tẹ obiarị sịn pịkị iḅi mgbọlụ sụa-sụa ọkụ ofori.
14
Matiyo 7:19
Anịsakị iḅi mgbọlụ sụa-a sịn goyegoye ini anị pẹlẹ-gbin tẹ kẹ kọrị fịnị ḅio suu dọkịma ḅa.