Versets bibliques populaires de Luka 13

Partager

“Jwaniani kunjia na hu muḍyango mutseke, koro hachi nyakumwambiani, ni wenji wadzeotsaka kuunjia, ela ntawakudzaweza.

Humo sunagogini kwiwa muke eyekuwa na mpepfo nzuka imumpiyeo nd̯wari ya myaka kumi na minane. Ewa kakutsika kumu na nkakuweza kudzigonzowa. Yesu epfomuona kamuhana kamwamba, “Ee muke, kwa huru na nd̯wariyo!”

Kamuwekea mikono, na pfapfo huyuḍe muke kagonzoka ḍii na kaḍabva kumushad̯a Muungu.

D̯ubva wa mwiso wadzawa wa d̯ura, na hawaḍe weo wa d̯ura hi hii saasambi wadzawa wa mwiso.”

Mwenye nyumba kadzanuka na kuufunga hu muḍyango. Ndookomu mukisumama nze na kuhana na hapfa muḍyangoni mukimurai amufungwiiye, jeje kadzamwamba, ‘Hat̯a simudzi muyawiyeko!’

Sivyo hat̯a! Ela nyakumwambiani kwamba, mukitsapfyehuza mama nanywi nyonse munafwa dzao.”

Ela jeje kadzamwamba, ‘Kare simudzi muyawiyeko t̯i! Ninukiani hapfa nywinywi wantu wazuka nywi!’

Yesu kawauza wantu kawamba, “Uhaju wa Muungu waa dza kintu ga? Ambu niuinganye na kintu ga? Waa dza mbeju ya tsare imeeyeyo nkondeni. Ikuya hat̯a ihenda muhi mukuu na mukuu, hat̯a nyuni nao wenda wadzielekanyia vitsanza humu mahambini.”