Versets bibliques populaires de مَتّا 10

Partager

بچار، من شمارا رئوانَ دئیان، بله شما اَنچُشَ بێت که گُرکانی نیاما پَسَ بنت. پمێشکا مارئے پئیما هُژّار و کپۆدرئے پئیما بےآزار ببێت.

هرکَس که وتی ساهئے رَکّێنگئے جُهدا کنت، گاریَ دنت و هرکَس که منی هاترا وتی ساها نَدرَ کنت، رَکّێنیتی.

آ که بدنا کُشتَ کننت بله اَرواها کُشتَ نکننت، چه آیان متُرسێت. چه هماییا بتُرسێت که اَرواها هم و بدنا هم دۆزها دئور دات و تباه کرتَ کنت.

کَسے که وتی سَلیبا بَڈّا نکنت و منی رندگیریا نکنت، آ هم منی لاهِک نه‌اِنت.

هرکَس که مردمانی دێما منی گواهیا دنت، من هم وتی آسمانی پتئے دێما آییئے گواهیا دئیان و هرکَس که مردمانی دێما منی گواهیا ندنت، من هم وتی آسمانی پتئے دێما آییئے گواهیا ندئیان.

نادْراهان دْراه بکنێت، مُردگان زندگ بکنێت، گَرّئے نادراهان دْراه و پلگار بکنێت و جِنّان بِکَشّێت. شمارا مُپتا رَستگ، مُپتا بدئیێت.

پمێشکا متُرسێت، شمئے اَرزش چه سجّهێن جِنگُلان گێشتر اِنت.

گُمان مکنێت که من آتکگان که دنیایا سُهل و اێمنی بیاران. سُهل و اێمنیئے آرگا نئیاتکگان، جنْگئے آرَگا آتکگان.