Versets bibliques populaires de Faisok sina mu Yaamut 1

Partager

Taasaxa mi taa siak a gutan layaan a Vovau sina i taa savat xulumi. E nami, mi taa ferawai xavang a mu rabuna pe Jerusalem e lana Judia e Sameria e pe la mu bina xapiak la xavala, paga.”

Na Yesus xo a sui nari malaan, “Nabe' ve a faisok si Tamaang sang mon. Nane xa a texaas sena mu yaan e mariaas e i taa pife xuus fatexaas nami pana.

Saxa yaan layaan na Yesus xo i taxa fangan xuvul pari, nane tavai nari pana fefasaian aanabe', “Muta ta'ulan na Jerusalem, taasaxa waan bang fatateak a tatavai aava na Tamaang fo kuus fanai pana xe simi e nenia vaxa, ne fo xuus nami pana. Na Jon a fasuf a rabuna pana raarum, taasaxa faasilak xo, a Piran i taa fasuf nami pana Vovau Xaradak sina.”

Lamina maasaxan e maatan sina, na Yesus xo a to fa'ulaa. E nane fa'ipul nari pana xasano vilaana ri pi xaxalume xena faxalit nari o i taxa to tuuna e pife rongan. Lana yaan sangafilu talafaat ri xalum faxavesane e nane xuus nari pana fatataganan sina Piran.

Lamina ferawaian aanabe' a Piran a xel falak na Yesus xe laa'ui. Layaan a mu rabuna ri taxa saraak xena xalumaana laaxan sina xe laa'ui, a vata a sivimaan e maa xafute xaseri.

Ri taxa kaalum xe laa'ui e a ro mataa pana marapi pasak re maa savat fa'ipul nari. E re fiai, “Ai, mu Galili, xenaso mi taxa lo ti kaalum xe laa'ui? Lamon fa'uli na Yesus naang aava Piran fo xele xasemi xe la bina sina, i taa ulaamaan fulaa malaan se' mi fo xalum a laaxan sina xe laa'ui.”