Suosittuja jakeita Raamatun kirjasta मत्‍ती 15

Jaa

पर जो मौह सै लिकरै है, बौ मन सै लिकरै है, और बौई आदमी कै असुद्‍द करै है। कैसेकै बुरे बिचार, कतल, पराई बईयर के संग गलत काम और जुलम, चोरी, झूँटी गभाई और चुगली जे सब मन सैई लिकरै हैं।

जो मौह मै जावै है बौ आदमी कै असुद्‍द ना करै है, पर जो मौह सै बाहार लिकरै है, बौई आदमी कै असुद्‍द करै है।”

“‘जे लोग ओठौं सै तौ मेरो आदर करै हैं, पर उनको मन मैंसै भौत दूर रैहबै है। और जे बेकार मैई मेरी भक्‍ति करै हैं, कैसेकै उनकी सिक्‍छा सिरप लोगौ के दुआरा बनाए भए नियम हैं।’”

तब ईसु नै कैई कै, “हे नारी, तेरो बिसवास बड़ो है, जैसो तू चाँहै है तेरे ताँई बैसोई हो।” और बाकी लौंड़िया उसई टैम ठीक हो गई।

पर बौ बईयर आई, और ईसु कै परनाम करकै कैललगी, “हे परभु, मेरी सायता कर!” ईसु नै जबाब दओ, “बालकौ की रोटी लेकै कुत्‍तौ के सामने डान्‍नो ठीक ना है।” बौ बोली, “ठीक है परभु, पर कुत्‍ता बी तौ बौ जूठो-काठो खा लेबै है जो उनके मालिकौं की मेज सै गिरै है।”