Suosittuja jakeita Raamatun kirjasta Ukunukuo 13

Jaa

Afaa inoneye utumëa ihaa. Munya ihaa ugudaha umanya ryiana ra itarakimu ra imwana rasëë, gusoko në itarakimu në rina ryiana ra muntu. Itarakimu rasëë unë maghana mutandatu na makumi mutandatu na mutandatu.

Voong'e nëvëgëkhaa muurëmi vëgarëkurya ëgweeso gutufu avoo unë mina awe ëandëkiwe ufuma mwandyo wa urëmi mu gitabu ga ufanga ga Mwankhoo niwakigitëwe.

Rëgawonyeya voong'e, anyughu nanë akuu, aghwarë nanë atuki, antu në vina uhagharo nanë atughwa, vëtëndewe gëmanyëko gunto a mëkhono awe a gëlëlo mba gunto a masyu awe. Rëgamonyeeya mu muntu woong'e ughura nanë urinja intu ëgweeso gutufu muntu nëwatëndeywe gëmanyëko gasëë, unë rina ra imwana ëroo mba itarakimu ra rina rakwe.

Nëvëuhumwa guurughu na uhorwa na arughu vawe inoneye vëhorwe; nëvëguraghwa gwa itëmeo vëguraghwa gwa itëmeo. Uhonga na asaa inoneye antu va Muungu vëtënde vina ughimu nanë uhuvëi.”

Kangë nëgaona imwana rëmwendu rëufuma girambo. Naa rina matwë ëmufungatë nane mpembe ikumi, muu ufembe naa wina ngaa. Rina ra maraghanëyo në mavëë naa rëandëkiwe mu matwe asaa.

Regarëkewa gihoma urughu nanë uvahuma antu va Muungu. Regafewa udaho gunto a antu va muu ndughu, mwango, mirëghëtyo nane ana arëmi.

Rëgavayaghaya vikhai va muurëmi gwa makura asaa nërëgadahisiwa uyatënda usonge a imwana ëroo ra mwandyo. Regavakhanëa vikhai va muurëmi vëtënde sanamu gwa ikuryo ra imwana na ëroo nënaa ratumuwe gwa itëmeo ëgweeso rëgaduva kangë. Kangë rëgadahisiwa umëeherea mwahu sanamu ëyoo a imwana ëroo ra mwandyo, mbesa vëgadaha urighëtya nanë uvauragha antu avoo nëvënarikuryaa.

Imwana rasëë nënaa narëona naa rë mwino ng'uvë; mëghuu akwe naa ë mwino a dubu, na itwë rakwe rë mwino ra ng'imba. Ijokha rasëë rëgarëfa imwana rasëë nguu yakwe, itumbë rakwe ra utemi nanë udaho wakwe üküü.

Kangë imwana rasëë rëgarekewa urighëtya nkhani ya gëkhajimba ya ümüraghanëya Muungu; rëgarekewa rëtende rina udaho gwa itungo ra mëëri makumi ane na ëvëë.

Itwe rëmwedu ra imwana rasëë rëgadwëëra mwino ratümüwa vivë nanguu, ëgweeso nkhomee asëë naa aforaa. Urëmi woong'e ugatachwa na imwana rasëë na urëhonga.

Kangë nëgarëona imwana rëngëja rëufuma fang'ë. Naa rina mpembe ivëë mwino mpembe ya nkhoo, na rigarëghëtya mwino ijokha. Rëgafewa udaho nëukhondekekie ufuma kunë imwana ra mwandyo, na rigautumëa udaho wasuu usonge a imwana rasëë. Rëgawonyeeya urëmi woong'e nanë voong'e nëvëmukhatë ayo urëkurya imwana ra mwandyo nënaa rina nkhomee a ikuya nënaa ëgafora.