Suosittuja jakeita Raamatun kirjasta Ukunukuo 14

Jaa

Kangë nëgatëgheeya ruri ufuma girunde uguhanya, “Andëka! Bahu antu në ufuma itungwee vëukuya kunu vëkhuvëe na Müküü.” Mwahu mweeso uguhanya, “Hhaa! vadahe utuya ufuma umalwe awe; gusoko ntendo yawe ivasambëye veeso.”

Hafai unë fana gwina ughümu wa antu në antu veru, avoo nëvëkwatëre maraghëëyo a Muungu nanë uhuvëi wamwa Yesu.

Agahanya gwa ruri në üküü, “Mukuri Muungu nanë umukumajua! Gusoko itungo rafikaa ra ufunya uramui wakwe. Mukuri mweeso nëwatundie irunde nane fang'ë, irambo nanë mërihë a majë.”

Na malaëka wa gatatu agavahonga va malaëka avoo në vavëë uguhanya gwa ruri në üküü, “Gëkaku muntu nëugurëkurya imwana ëroo nanë sanamu akwe nanë uyanjëtë utëndewa gëmanyëko gunto a usyu wakwe mba gunto a mukhono wakwe, mweeso mughonjo ugumënywa divai a ikuo ra Muungu, nëwamëkununtëe mu gatengee ga ikuo rakwe në ëtihangënkhaniywe na majë. Muntu wasuu ugukhasëka mukhatë a moto nanë gëbirigiti, usonge a vamalaëka në veeru nanë usonge amwa Mwankhoo.” Yuki ra moto nëuguvakhasya reunatëa gunto khae na khae. Antu vasaa nënaa vëurëkurya imwana rasëë nanë sanamu akwe, na utëndeywa gëmanyëko ga rina rakwe, vëtiuhanga bahu mbanduvë utiku nanë mumwë.

Kangë nëgaona gëtanto ga Sioni, na Mwankhoo wimëkie gunto ayo; itambëëmwe nanë mweeso na nagwina antu maghana a njou ighana na makumi ane na vane gunto a masyu awe naa vëandëkiwe rina ra Mwankhoo nanë rina ramwa Tata wakwe.

Kangë nëgamwona malaëka ungëja urumie gunto wina Sayu Njija a khae a Muungu, amëtanantye gwa antu voong'e nëvëuduvaa muurëmi, gwa ana arime voong'e, ndughu yoong'e, antu va mërighëtyo oong'e nanë makeru oong'e.

Malaëka wa gavëë agamuhonga malaëka uyoo wa mwandyo uguhanya. “Wagwee! Nhaa, Babeli në müküü wagwee! Babeli unë agavafa ana arëmi voong'e vënywe divai në ndülü a ulehadi wakwe!”