Suosittuja jakeita Raamatun kirjasta Matayo 15

Jaa

Ariko igisohoka giciye mu kanwa k’umuntu kiba kivuye mu mutima, kandi ni co kimuhumanya. Kuko mu mutima ari ho hava ivyiyumviro bibi: ubwicanyi, ubusambanyi, ivy’isoni nke, ubusuma, kubeshera abandi no kuvuga abandi nabi.

Icinjira mu kanwa k’umuntu, si co kimuhumanya. Ariko ikiva mu kanwa kiwe, ni co kimuhumanya.”

‘Aba bantu banyubahisha iminwa yabo, ariko imitima yabo iri kure yanje. Ukunsenga kwabo ntikugira ikimazi; inyigisho zabo ni amabwirizwa abantu bishingiye.’”

Yesu aca amubwira ati: “Mupfasoni, ufise ukwizera gukomeye! Ivyo usavye urabihawe.” Maze ako kanya nyene, umukobwa wiwe aca arakira.

Wa mugore aca araza apfukama imbere yiwe, aramubwira ati: “Mwami, ntabara!” Yesu aramwishura ati: “Si vyiza gufata umukate w’abana ukawuterera utubwa.” Na we aramwishura ati: “Ni vyo, Mwami, ariko n’utubwa na two turemerewe kurya utuvunguka dukoroka tuva ku meza ya ba shebuja.”