Suosittuja jakeita Raamatun kirjasta Иа́но 5

Jaa

Чачэс, чачэс Мэ ракира́ва тумэ́нгэ: одова́, кон шунэ́ла Миро Лав и патя́ла Кодолэ́скэ, Кон бичхадя́ Ман, лэ́стэ исын ве́чно джиибэ́н и ёв пэ сэ́ндо на явэ́ла, ёв какана́ пиригия мэрибна́стыр дро джиибэ́н.

Ису́со дыкхця́ лэс, со ёв сыс пашто́ и джины́, со ёв исын насвало́ адя́кэ ґара́ (длу́гэс), пхуця́ лэ́стыр: “Ци камэ́са ту тэ высастёс?”

Тумэ́ сыклякирэ́на миштэ́с Свэ́нто Чхиныбэ́н, пал-дова́ со тумэ́ дэна годы пэскэ думинэ́на, со пир лэ́стэ тумэ́ндэ явэ́ла ве́чно джиибэ́н; а Свэ́нто Чхиныбэ́н допхэнэ́ла пал Ма́ндэ, нэ тумэ́ усае́кх на камэ́на тэ явэ́н кэ Мэ, соб (кай) тэ явэ́л тумэ́ндэ ве́чно джиибэ́н.

Ису́со ракирэ́ла лэ́скэ: “Ушты́, лэ пэ́скиро чхуибэ́н и псир.” Кадава́ ману́ш дрэ дава́-паць моменто высастия, лыя́ пэ́скиро чхуибэ́н и гия́. Адава́ дывэ́с сыс са́вато (субо́та).

Нэ Ису́со пхэндя́ лэ́нгэ: “Чачэс, чачэс, Мэ ракира́ва тумэ́нгэ: Чхаво́ нисо́ нашты́ тэ кэрэ́л Кокоро́ Пэ́стыр, ко́ли Ёв тэ на дыкхэ́л, со кэрэ́ла Дад, пал-дова́ со дова́, со Дад кэрэ́ла, дова́-паць кэрэ́ла и Чхаво́.