Salmos 141
141
1Xrana' Dios, dxuláwizra' Lue'.
Gudázega gácale̱nu' neda'.
Bene chi'a gate nnia' Lue'.
2Be̱n la' da dxenaba' lau Lue' ca zren xala.
Ble'e na'a da dxechisa' lau' ca tu béadau' dxútia'-ba' lau'.
3Xrana' Dios, bxue dxu'a nigá,
ne bxue xide dxu'a chee̱ quebe nnia' tu da cale̱la.
4Quebe gu'u lataj gaca lazra' guna' tu da cale̱la,
ne chee̱ quebe guna' tu da cale̱la tu zren nen benne' ca'
dxelune̱' da zrinnaj,
ne chee̱ quebe gágule̱na' benne' ca' dxelune̱' da cale̱la
lu laní chee̱'.
5Che gudé benne' xrlátaje neda' lu da ba xa', gaca na chia'
tu da chawe',
na' che til-le̱' neda', gaca na chia' ca tu da dxelále̱'e̱ zixre
da dxegu'e̱ xíchaja'.
Tu nábazqueza' Dios guzague̱' da cale̱la da dxelún benne' ca'
dxelune̱' da cale̱la.
6Gate xeledxú'une̱' benne' xíchaje̱ ca' chee̱ benne'
we̱n da cale̱la ca' zran xi'a xiaj ca',
na' xeleque be'e bénneache naca li ca da gunnía'.
7Xelase dinnaj zrita chee̱ benne' ca' dxu'a xe̱dxu ba chee̱' ca'.
Xelaca na ca bchecu xu, da dxelase dinnaj na naga
dxa'ana be̱zre.
8Chee̱ le̱ na' dxenná'a naga zu' Lue', Xrana' Dios.
Dxuxrén lazra' Lue', quebe gusán lazru' neda'.
9Bxue neda' chee̱ quebe xele̱l-la xralaj ca' chee̱ benne' ca'
dxelune̱' da cale̱la neda',
ne chee̱ quebe cheajcházia' lu da zaj nabeque' benne'
we̱n da cale̱la ca'.
10Be̱n cheajlechaze benne' ca' dxelune̱' da cale̱la lu xralaj
da zaj nabéchequeze̱'
dxácate̱ na' tea' neda' ga na' zri'a chawe'.
Actualmente seleccionado:
Salmos 141: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.