Salmos 142
142
1Zizraj dxuláwizra' Xránadxu Dios.
Du lazra' dxenaba' Xránadxu xexache lazre̱' neda'.
2Lau Le̱' dxawa' zría ca da dxaca chia'.
Lau Le̱' dxulé'eda' ca da ste̱be zua' neda'.
3Gate zua lázrdawa' lu da ste̱be, Lue', Xran, nézenu'
da dxaca chia'.
La neza naga dxedá' gulebeque̱' xralaj da que̱l-la na neda'.
4Dxenná'a cuita' xabe̱la, san quebe nu chilá' gácale̱ neda'.
Quebe nu chilá', benne' guxúequeze̱' neda'.
Quebe nu chilá', benne' dxe' gunna xue̱' chia' neda'.
5Dxuláwizra' Lue', Xrana' Dios, dxennia':
Dxebeza lazra' tuzu' Lue'.
Tuzu' Lue' dxezá lazra' lu xe̱zr la xu nigá.
6Bene da dxuláwizra' Lue', lawe' da dxezaca zí'le̱'a.
Bselá neda' lu na' benne' ca' dxeláu zi' xuzre̱' neda',
lawe' da zaj naque̱' wál-ladxa ca neda'.
7Bebéaj neda' lu da dxaca chia', chee̱ gaca güe lá'ana' Lue'.
Benne' xrlátaje ca' xeléchaje̱' neda' lawe' da gunu' gaca chawe' chia'.
Actualmente seleccionado:
Salmos 142: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.