Salmos 124

124

1Chela ca gúcale̱ Xránadxu Dios dxi'u.

Caní dxal-la' xelenná benne' Israel ca' na'a.

2Chela ca gúcale̱ Xránadxu Dios dxi'u

gate guledíl-lale̱ benne' ca' dxi'u,

3na' buluzría xi'te̱' dxi'u

lu dute̱ xel-la' dxelezrá'a zrente̱ chee̱',

4ne guca chee̱dxu ca dxaca chee̱ benne'

dxugacu nísadau' le̱', da na' gute na le̱'.

5Chela guca caní chee̱dxu, na' bé̱tete̱ da na' dxi'u.

6Dxal-la' xe̱dxu Xránadxu Dios; Xcalenu',

lawe' da quebe be̱'e̱ lataj benne' ca' xuluzría xi'e̱ dxi'u.

7Beladxu ca dxelá tu bxinne lu xixruj chee̱ benne' wezén bxinne.

Bzria xi' Xránadxu xel-la' dxenná bea chee̱ benne' ca', na' beladxu.

8Naca Xránadxu Dios Bénnea' dxácale̱ne̱' dxi'u,

Bénnea' bé̱nqueze̱' xabáa, ne xe̱zr la xu.

Actualmente seleccionado:

Salmos 124: zat

Destacar

Copiar

Comparar

¿Quieres tener guardados todos tus destacados en todos tus dispositivos? Regístrate o inicia sesión

Versículos bíblicos populares de
Salmos 124