Salmos 125

125

1Benne' ca' dxuluxrén lazre' Xránadxu Dios zaj naque̱' ca xi'a Sión,

da quebe nu seque' gutá, san tu chí'izqueze zua chacha na.

2Ca zaj zua xi'a ca' da zaj naxechaj na Jerusalén,

zua Xránadxu Dios, dxuxúequeze̱' bénneache chee̱' na'a zra,

ne chadía chacanna.

3Quegá tu chí'izqueze xelenná bea benne' ca' dxelune̱'

da cale̱la lu xe̱zr la xu chee̱ benne' xrlátaje ca',

chee̱ quebe xelaca benne' xrlátaje ca' tuze nen benne'

we̱n da zrinnaj ca'.

4Xrana' Dios, be̱n gaca chawe' chee̱ benne' xrlátaje ca',

ne chee̱ benne' ca' zaj naque̱' li lazre'.

5Benne' ca' dxelebéaj xichaj Dios chee̱ xelune̱' da cale̱la,

xucuasa Xránadxu Dios benne' ca' tu zren nen benne' ca'

dxelune̱' da zrinnaj.

Dxenaba' gata' xel-la' dxebeza zri lazre' chee̱ benne' Israel ca'.

Actualmente seleccionado:

Salmos 125: zat

Destacar

Copiar

Comparar

¿Quieres tener guardados todos tus destacados en todos tus dispositivos? Regístrate o inicia sesión

Versículos bíblicos populares de
Salmos 125