Genesis 25
25
Tsinzibulo tsiaAburahamu naKetura
(1 Akets. 1.32-33)
1Mana Aburahamu naleera omukhasi undi khandi, oweliiralie mbu Ketura. 2Naye niyeebula Zimirani, naYokoshani, naMedani, naMidiani, naIshibaki, nende Shuaha. 3Naye Yokoshani niyeebula Sheba naDedani. Nabaana baDedani mbabano, mbu Shurimu, naLetushimu, nende Leumimu. 4Nabaana baMidiani nibo Efa, Eferi, Hanokhu, Abida, nende Eledaa. Bano bosi nabaana baKetura. 5Aburahamu naheelesia Isaka biosi ebia yali ninabio. 6Ne khubaana babasuria aba Aburahamu yali ninabo, Aburahamu yabaheelesiakhwo ebihaanwa; nabarusia ewa Isaka omwanawe yali, olwa yali nashili mwoyo, batsie elubeka lwebukwe, okhuula mushibala shiebukwe.
Okhulzua khwaAburahamu nende okhuyabilwakhwe.
7Tsino nitsio tsindaalo tsiemiyika chiaAburahamu, echia yayindila, mbu emiyika eshikhumi nende amakhumi musaafu nachiraano. 8Ne Aburahamu yakhalaka omwoyo nafwa mubuyindifu obulayi, nali omukofu owa tsindaalotsie tsihelile; nalonda abandube. 9Mana Isaka nende Ishimaeli, abaanabe, nibamuyabila mumbinga yaMakhapela, mushianyi shiaEferoni omwana waZohari omuHiti, eyili imbeli weMamure; 10nishio eshianyi shiatsana eshia Aburahamu yakula khubaana baHetsi; mubwenomwo nimwo omwa Aburahamu yayabilwa, nende Sara omukhasiwe. 11Mana olunyuma Iwokhufwa khwaAburahamu, Nyasaye yamuheelesia Isaka omwanawe ikhabi; Isaka namenya ahambi nende Beeri-lahai-roi.
Tsinzibulo tsiaIshimaeli
(1 Akets. 1.28-31)
12Kho tsino nitsio tsinzibulo tsiaIshimaeli omwana waAburahamu, owa Hagari omuMisiri, omukholi waSara, yeebula; 13khandi kano niko ameera kabaana baIshimaeli, ameera kabwe munzibulo tsiabwe; mbu Nebayotsi omwana wambeli waIshimaeli; nende Kedari, Abideeli, MibiSamu, 14Mishima, Duma, Masa; 15Hadadi, Tema, Yeturi, Nafishi, nende Kedema. 16Bano nibo abaana baIshimaeli, khandi kano niko ameera kabwe, mumataala kabwe khandi mumatili kabwe; abakhulundu ekhumi nababili khulwa tsimbia tsiabwe. 17Ne chino nichio emiyika chiaIshimaeli, emiyika eshikhumi nende amakhumi kataru namusaafu; naye omwoyokwe nikukhalikha, nafwa; nalonda abandube. 18Nibamenya okhurula eHawila okhuula eShuri, imbeli waMisiri, okutsia Ashuru; namenya imbeli wabaana babwe bosi.
Okhwibulwa khwaEsau nende Yakobo
19Ne tsino nitsio tsinzibulo tsiaIsaka, omwana waAburahamu; Aburahamu niyeebula Isaka. 20Isaka naye yali owemiyika amakhumi kane olwa yaleera Rebeka omukhaana waBetsueli omuSirial owePadanaramu, omukhaana wabwe Labani omuSiria, mbu abe omukhasiwe. 21Isaka namusaayila omukhasiwe ew, okhuba yali nali omukumba; OMWAMI naye namuhulila, Rebeka omukhasiwe nahela inda. 22Ne abaana nibatukana mundaye; naboola mbu Nikali kario, okhuba omulamu khungaasila shi? Natsia nareebelesia ewOMWAMI. 23OMWAMI namusunjila mbu
Amahanga kabili kali mulubeleshelolwo,
khandi tsimbia tsibili tsiabandu tsilaahukhasibwa, kata okhurula mundayo;
nabeimbia ndala balabashila abandi amaani;
omukhulundu naye alamukhalabanila omushe.
24Tsindaalotsie etsiokhwibula olwa tsiali nitsiulile, lola, amakhu ana kali mundaye. 25Owambeli narula nali omwakhanyu, omubilikwe kwosi nikufwana shinga eshiifwalo shiobwoya; nibamukulikha eliira mbu Esau. 26Olunyuma omwana wabwe narula, omukhonokwe nikutiilile Esau eshisisilo; naye nakulikhwa eliira mbu Yakobo. Ne Isaka yali owemiyika amakhumi kasasaba olwa omukhasiwe yeebula abaana abo.
Esau yakusia obukhulundubwe bwobwibule
27Abaana nibakhula; Esau naba omuyiitsi omuchesi, nomundu owomushitsiimi; ne Yakobo yali omundu omuholo, niyamenya mumaheema. 28Ne Isaka yamuheela Esau, shichila yaliitsanga khunyama yoluyiitsilwe; naye Rebeka yamuheela Yakobo.
29Ne Yakobo yateekha amaachila, mana Esau niyeenjila narula mushitsiimi niyali naluyile muno; 30Esau namuboolela Yakobo ari Chama umbekhwo amaachila amaakhanyu ako, endie; okhuba enjoonyile. Khulweshio nibamulaha mbu Edomu. 31Yakobo naboola mbu Leelo ungusie obukhulundubwo bwobwibule. 32Esau nasunga ari Lola, endi okhufwa; ne obukhulundu buno bungaasila shiina? 33Yakobo naboola ari Unditsubile leelo luno. Naye namwitsubila; nakusia Yakobo obukhulundube bwobwibule bwambeli. 34Yakobo naheelesia Esau obusuma nende amaachila; mana nalia nende okhunywa, narula, natsia butsia. Nindio Esau yaleka obukhulundu bwobwibulebwe.
Actualmente seleccionado:
Genesis 25: OUV
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Oluluyia Union Version © Bible Society of Kenya 1975
Genesis 25
25
Tsinzibulo tsiaAburahamu naKetura
(1 Akets. 1.32-33)
1Mana Aburahamu naleera omukhasi undi khandi, oweliiralie mbu Ketura. 2Naye niyeebula Zimirani, naYokoshani, naMedani, naMidiani, naIshibaki, nende Shuaha. 3Naye Yokoshani niyeebula Sheba naDedani. Nabaana baDedani mbabano, mbu Shurimu, naLetushimu, nende Leumimu. 4Nabaana baMidiani nibo Efa, Eferi, Hanokhu, Abida, nende Eledaa. Bano bosi nabaana baKetura. 5Aburahamu naheelesia Isaka biosi ebia yali ninabio. 6Ne khubaana babasuria aba Aburahamu yali ninabo, Aburahamu yabaheelesiakhwo ebihaanwa; nabarusia ewa Isaka omwanawe yali, olwa yali nashili mwoyo, batsie elubeka lwebukwe, okhuula mushibala shiebukwe.
Okhulzua khwaAburahamu nende okhuyabilwakhwe.
7Tsino nitsio tsindaalo tsiemiyika chiaAburahamu, echia yayindila, mbu emiyika eshikhumi nende amakhumi musaafu nachiraano. 8Ne Aburahamu yakhalaka omwoyo nafwa mubuyindifu obulayi, nali omukofu owa tsindaalotsie tsihelile; nalonda abandube. 9Mana Isaka nende Ishimaeli, abaanabe, nibamuyabila mumbinga yaMakhapela, mushianyi shiaEferoni omwana waZohari omuHiti, eyili imbeli weMamure; 10nishio eshianyi shiatsana eshia Aburahamu yakula khubaana baHetsi; mubwenomwo nimwo omwa Aburahamu yayabilwa, nende Sara omukhasiwe. 11Mana olunyuma Iwokhufwa khwaAburahamu, Nyasaye yamuheelesia Isaka omwanawe ikhabi; Isaka namenya ahambi nende Beeri-lahai-roi.
Tsinzibulo tsiaIshimaeli
(1 Akets. 1.28-31)
12Kho tsino nitsio tsinzibulo tsiaIshimaeli omwana waAburahamu, owa Hagari omuMisiri, omukholi waSara, yeebula; 13khandi kano niko ameera kabaana baIshimaeli, ameera kabwe munzibulo tsiabwe; mbu Nebayotsi omwana wambeli waIshimaeli; nende Kedari, Abideeli, MibiSamu, 14Mishima, Duma, Masa; 15Hadadi, Tema, Yeturi, Nafishi, nende Kedema. 16Bano nibo abaana baIshimaeli, khandi kano niko ameera kabwe, mumataala kabwe khandi mumatili kabwe; abakhulundu ekhumi nababili khulwa tsimbia tsiabwe. 17Ne chino nichio emiyika chiaIshimaeli, emiyika eshikhumi nende amakhumi kataru namusaafu; naye omwoyokwe nikukhalikha, nafwa; nalonda abandube. 18Nibamenya okhurula eHawila okhuula eShuri, imbeli waMisiri, okutsia Ashuru; namenya imbeli wabaana babwe bosi.
Okhwibulwa khwaEsau nende Yakobo
19Ne tsino nitsio tsinzibulo tsiaIsaka, omwana waAburahamu; Aburahamu niyeebula Isaka. 20Isaka naye yali owemiyika amakhumi kane olwa yaleera Rebeka omukhaana waBetsueli omuSirial owePadanaramu, omukhaana wabwe Labani omuSiria, mbu abe omukhasiwe. 21Isaka namusaayila omukhasiwe ew, okhuba yali nali omukumba; OMWAMI naye namuhulila, Rebeka omukhasiwe nahela inda. 22Ne abaana nibatukana mundaye; naboola mbu Nikali kario, okhuba omulamu khungaasila shi? Natsia nareebelesia ewOMWAMI. 23OMWAMI namusunjila mbu
Amahanga kabili kali mulubeleshelolwo,
khandi tsimbia tsibili tsiabandu tsilaahukhasibwa, kata okhurula mundayo;
nabeimbia ndala balabashila abandi amaani;
omukhulundu naye alamukhalabanila omushe.
24Tsindaalotsie etsiokhwibula olwa tsiali nitsiulile, lola, amakhu ana kali mundaye. 25Owambeli narula nali omwakhanyu, omubilikwe kwosi nikufwana shinga eshiifwalo shiobwoya; nibamukulikha eliira mbu Esau. 26Olunyuma omwana wabwe narula, omukhonokwe nikutiilile Esau eshisisilo; naye nakulikhwa eliira mbu Yakobo. Ne Isaka yali owemiyika amakhumi kasasaba olwa omukhasiwe yeebula abaana abo.
Esau yakusia obukhulundubwe bwobwibule
27Abaana nibakhula; Esau naba omuyiitsi omuchesi, nomundu owomushitsiimi; ne Yakobo yali omundu omuholo, niyamenya mumaheema. 28Ne Isaka yamuheela Esau, shichila yaliitsanga khunyama yoluyiitsilwe; naye Rebeka yamuheela Yakobo.
29Ne Yakobo yateekha amaachila, mana Esau niyeenjila narula mushitsiimi niyali naluyile muno; 30Esau namuboolela Yakobo ari Chama umbekhwo amaachila amaakhanyu ako, endie; okhuba enjoonyile. Khulweshio nibamulaha mbu Edomu. 31Yakobo naboola mbu Leelo ungusie obukhulundubwo bwobwibule. 32Esau nasunga ari Lola, endi okhufwa; ne obukhulundu buno bungaasila shiina? 33Yakobo naboola ari Unditsubile leelo luno. Naye namwitsubila; nakusia Yakobo obukhulundube bwobwibule bwambeli. 34Yakobo naheelesia Esau obusuma nende amaachila; mana nalia nende okhunywa, narula, natsia butsia. Nindio Esau yaleka obukhulundu bwobwibulebwe.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Oluluyia Union Version © Bible Society of Kenya 1975