Genesis 26
26
Isaka nali eGerari neBeerisheba
1Ne yaliho inzala mushialo, eyirali inzala yambeli yilia eyaliho mundaalo tsiaAburahamu tawe. Isaka naye natsia ewaAbimelekhu omuruchi wabaFilisiti eGerari. 2OMWAMI namuloleshela, nasunga mbu Orakholomokha okhutsia eMisiri tawe; ne mbu omenye mushibala eshia enzitsa okhukhwibaalila. 3Menya mushibala shino, nasi ndalabeetsanga ninawe halala, nikhuheelesia ikhabi; okhuba ndilikhuheelesia iwe nende olwibulolwo ebibala bino biosi, khandi ndalatinyisia eshiitsubo eshia ndamwitsubila so, Aburahamu; 4khandi ndiliinjiyia olwibulolwo shinga tsinyininyini etsiomwikulu, niheelesia olwibulolwo ebialo bino biosi; khandi mulwibulolwo nimwo omwa amahanga kosi keshialo kalinyoolelamwo ikhabi; 5shichila Aburahamu yahulila okhuboola khwanje, nalinda ako aka ndamuleshela okhulinda, nende amalako kanje, nende ameebaalo kanje, nende aka ndalachilisia kosi.
6Isaka namenya eGerari; 7ne abandu bebweneyo nibamureeba amakhuwa khumukhasiwe; naye nasunga ari Nimbootswa; okhuba yaria okhuboola mbu Nomukhasi wanje; napaara mbu Haundi abandu bebweneyo bakhanzira khulwa Rebeka; shichila yali omulayi likondolie. 8Ne olwa yali niyamenyileyo tsindaalo tsinyinji, Abimelekhu omuruchi wabaFilisiti olwa yali nali munzu nahenjelela mwitirisha, nalola Isaka natsekhatsekhanga nende Rebeka omukhasiwe. 9Abimelekhu namulanga Isaka, nasunga mbu Toto, oyo nomukhasiwo; wasunga mbu nimbootsoyo mbushiina? Isaka namuboolela ari Okhuba ndasunga mbu Kho endeshe okhufwa khululwe. 10Abimelekhu nareeba mbu Nelikhuwa shiina lino elia wakhukholeele? Oundi khubandu bano yakhakonile nomukhasiwo butswa, nawe wakhakhuleereele eshiina. 11Kho Abimelekhu nalaka abandu bosi ari Omundu yesi outiilakhwo khumundu uno kata khumukhasiwe. Okhuula olwa yeerwa.
12Ne Isaka naraaka omukunda mushibala eshio, nanyoola mumuyika kwatsana emichelo eshikhumi khubuli mulala; OMWAMI namuheelesia ikhabi. 13Omundu oyo naba omukhulundu, natsiililila niyeemeetanga okhuula olwa yali omukhulundu muno. 14Ne yali nende emiruko chiamakondi, nende emiruko chietsing'ombe, nende abakholi abomungowe abanji; abaFilisiti nibakhalikha emikongo. 15Ne amayabo kosi kamatsi aka abakholi basamwana bali nibayaba mundaalo tsiaAburahamu samwana, abaFilisiti bakeekala nibakabuka. 16Abimelekhu namuboolela Isaka mbu Rula mwifwe otsie; okhuba iwe oli nende amaani muno okhushila ifwe. 17Isaka narulayo nakhoma amaheemake mwibanda lieGerari, namenyayo. 18Isaka niyeekula amayabo kamatsi aka bali nibayaba mundaalo tsiaAburahamu samwana; shichila abaFilisiti bali nibakabuka inyuma wokhufwa khwaAburahamu; naye nakakulikha ameera okhulonda khumeera aka samwana yali niyakakulikha. 19Abakholi baIsaka nibayaba mwibanda, nibanyoolamwo liyabo liamatsi akafututukha. 20Ne abaayi beGerari nibayingana nende abaayi balsaka, nibasunga bari Amatsi kano nakeefwe; mana nakulikha liyabo elo eliira mbu Eseku; okhuba basoolana ninaye. 21Khandi nibayaba liyabo lindi, nibasoolanila khulienelo khandi; nalikulikha eliira lialio mbu Sitina. 22Khandi nahuya, nayaba liyabo lindi khandi; nelienelo shibasoolanilakhwo tawe; nalikulikha eliira lialio mbu Rehobotsi; naboola mbu Okhuba bulaano OMWAMI akhukasiliye obwiyangu, neefu khwakheebulane mushibala.
23Narulayo natikulukha okhuula eBeerisheba. 24Mana OMWAMI namuloleshela mushilo shieneshio, nasunga ari Isie nisie Nyasaye waso, Aburahamu; orariitsanga tawe, okhuba embeetsanga halala ninawe, khandi ekhuheelesia ikhabi, nikhwinjiyilia olwibulolwo khulwa Aburahamu omusumba wanje. 25Naye niyoombakhaho eshimalilo shiemisango niyeekayakaya khuliira liOMWAMI, nakhomaho liheemalie; khandi ebweneyo abakholi baIsaka nibayabaho liyabo liamatsi.
Isaka naAbimelekhu nibalia omuuma
26Mana Abimelekhu yarula eGerari natsia ewa Isaka yali, nende Ahuzatsi omwitsawe, nende Fikoli omuseesia welihelie. 27Isaka nabasunjila ari Munzitsiile mbushiina, olwa mwakiya nimunzilusia mbu erule mwinywe? 28Nabo nibaboola bari Okhuba khwaluutsi mbu OMWAMI ali halala ninawe; nikhuboola khuri Shibeho eshiitsubo hakari weefwe, hakari weefwe ninawe, nikhulia omuuma ninawe, 29mbu shiolikhukholelakhwo obubii bwosi, shinga ifwe olwa khurakhutiilakhwo iwe tawe, khandi shinga olwa khwakhukholela amalayi konyene, nikhukhuseebula nomulembe; kho bulaano niwe owa OMWAMI yaheelesiye ikhabi. 30Naye nabateeshela lisabo, nibalia nende okhunywa. 31Nibahuuna mumabwibwi, nibeetsubilana; mana Isaka naseebulana ninabo, nibarula ewuwe nomulembe. 32Nikaba mbu khunyanga yeneyo abakholi baIsaka nibeetsa nibamuboolela khumakhuwa keliyabo liamatsi elia bali nibayabile, nibamuboolela mbu Khunyoolile amatsi. 33Naye nalikulikha eliira mbu Sheba; khulwa elo eliira lielitaala elo niBeerisheba okhuula leelo.
34Kho Esau olwa yali owemiyika amakhumi kane yaleera abakhasi, mbu Yuditsi omukhaana waBeeri omuHiti, nende Basematsi omukhaana waEloni omuHiti; 35nabo nibahendia Isaka aende Rebeka emioyo.
Actualmente seleccionado:
Genesis 26: OUV
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Oluluyia Union Version © Bible Society of Kenya 1975
Genesis 26
26
Isaka nali eGerari neBeerisheba
1Ne yaliho inzala mushialo, eyirali inzala yambeli yilia eyaliho mundaalo tsiaAburahamu tawe. Isaka naye natsia ewaAbimelekhu omuruchi wabaFilisiti eGerari. 2OMWAMI namuloleshela, nasunga mbu Orakholomokha okhutsia eMisiri tawe; ne mbu omenye mushibala eshia enzitsa okhukhwibaalila. 3Menya mushibala shino, nasi ndalabeetsanga ninawe halala, nikhuheelesia ikhabi; okhuba ndilikhuheelesia iwe nende olwibulolwo ebibala bino biosi, khandi ndalatinyisia eshiitsubo eshia ndamwitsubila so, Aburahamu; 4khandi ndiliinjiyia olwibulolwo shinga tsinyininyini etsiomwikulu, niheelesia olwibulolwo ebialo bino biosi; khandi mulwibulolwo nimwo omwa amahanga kosi keshialo kalinyoolelamwo ikhabi; 5shichila Aburahamu yahulila okhuboola khwanje, nalinda ako aka ndamuleshela okhulinda, nende amalako kanje, nende ameebaalo kanje, nende aka ndalachilisia kosi.
6Isaka namenya eGerari; 7ne abandu bebweneyo nibamureeba amakhuwa khumukhasiwe; naye nasunga ari Nimbootswa; okhuba yaria okhuboola mbu Nomukhasi wanje; napaara mbu Haundi abandu bebweneyo bakhanzira khulwa Rebeka; shichila yali omulayi likondolie. 8Ne olwa yali niyamenyileyo tsindaalo tsinyinji, Abimelekhu omuruchi wabaFilisiti olwa yali nali munzu nahenjelela mwitirisha, nalola Isaka natsekhatsekhanga nende Rebeka omukhasiwe. 9Abimelekhu namulanga Isaka, nasunga mbu Toto, oyo nomukhasiwo; wasunga mbu nimbootsoyo mbushiina? Isaka namuboolela ari Okhuba ndasunga mbu Kho endeshe okhufwa khululwe. 10Abimelekhu nareeba mbu Nelikhuwa shiina lino elia wakhukholeele? Oundi khubandu bano yakhakonile nomukhasiwo butswa, nawe wakhakhuleereele eshiina. 11Kho Abimelekhu nalaka abandu bosi ari Omundu yesi outiilakhwo khumundu uno kata khumukhasiwe. Okhuula olwa yeerwa.
12Ne Isaka naraaka omukunda mushibala eshio, nanyoola mumuyika kwatsana emichelo eshikhumi khubuli mulala; OMWAMI namuheelesia ikhabi. 13Omundu oyo naba omukhulundu, natsiililila niyeemeetanga okhuula olwa yali omukhulundu muno. 14Ne yali nende emiruko chiamakondi, nende emiruko chietsing'ombe, nende abakholi abomungowe abanji; abaFilisiti nibakhalikha emikongo. 15Ne amayabo kosi kamatsi aka abakholi basamwana bali nibayaba mundaalo tsiaAburahamu samwana, abaFilisiti bakeekala nibakabuka. 16Abimelekhu namuboolela Isaka mbu Rula mwifwe otsie; okhuba iwe oli nende amaani muno okhushila ifwe. 17Isaka narulayo nakhoma amaheemake mwibanda lieGerari, namenyayo. 18Isaka niyeekula amayabo kamatsi aka bali nibayaba mundaalo tsiaAburahamu samwana; shichila abaFilisiti bali nibakabuka inyuma wokhufwa khwaAburahamu; naye nakakulikha ameera okhulonda khumeera aka samwana yali niyakakulikha. 19Abakholi baIsaka nibayaba mwibanda, nibanyoolamwo liyabo liamatsi akafututukha. 20Ne abaayi beGerari nibayingana nende abaayi balsaka, nibasunga bari Amatsi kano nakeefwe; mana nakulikha liyabo elo eliira mbu Eseku; okhuba basoolana ninaye. 21Khandi nibayaba liyabo lindi, nibasoolanila khulienelo khandi; nalikulikha eliira lialio mbu Sitina. 22Khandi nahuya, nayaba liyabo lindi khandi; nelienelo shibasoolanilakhwo tawe; nalikulikha eliira lialio mbu Rehobotsi; naboola mbu Okhuba bulaano OMWAMI akhukasiliye obwiyangu, neefu khwakheebulane mushibala.
23Narulayo natikulukha okhuula eBeerisheba. 24Mana OMWAMI namuloleshela mushilo shieneshio, nasunga ari Isie nisie Nyasaye waso, Aburahamu; orariitsanga tawe, okhuba embeetsanga halala ninawe, khandi ekhuheelesia ikhabi, nikhwinjiyilia olwibulolwo khulwa Aburahamu omusumba wanje. 25Naye niyoombakhaho eshimalilo shiemisango niyeekayakaya khuliira liOMWAMI, nakhomaho liheemalie; khandi ebweneyo abakholi baIsaka nibayabaho liyabo liamatsi.
Isaka naAbimelekhu nibalia omuuma
26Mana Abimelekhu yarula eGerari natsia ewa Isaka yali, nende Ahuzatsi omwitsawe, nende Fikoli omuseesia welihelie. 27Isaka nabasunjila ari Munzitsiile mbushiina, olwa mwakiya nimunzilusia mbu erule mwinywe? 28Nabo nibaboola bari Okhuba khwaluutsi mbu OMWAMI ali halala ninawe; nikhuboola khuri Shibeho eshiitsubo hakari weefwe, hakari weefwe ninawe, nikhulia omuuma ninawe, 29mbu shiolikhukholelakhwo obubii bwosi, shinga ifwe olwa khurakhutiilakhwo iwe tawe, khandi shinga olwa khwakhukholela amalayi konyene, nikhukhuseebula nomulembe; kho bulaano niwe owa OMWAMI yaheelesiye ikhabi. 30Naye nabateeshela lisabo, nibalia nende okhunywa. 31Nibahuuna mumabwibwi, nibeetsubilana; mana Isaka naseebulana ninabo, nibarula ewuwe nomulembe. 32Nikaba mbu khunyanga yeneyo abakholi baIsaka nibeetsa nibamuboolela khumakhuwa keliyabo liamatsi elia bali nibayabile, nibamuboolela mbu Khunyoolile amatsi. 33Naye nalikulikha eliira mbu Sheba; khulwa elo eliira lielitaala elo niBeerisheba okhuula leelo.
34Kho Esau olwa yali owemiyika amakhumi kane yaleera abakhasi, mbu Yuditsi omukhaana waBeeri omuHiti, nende Basematsi omukhaana waEloni omuHiti; 35nabo nibahendia Isaka aende Rebeka emioyo.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Oluluyia Union Version © Bible Society of Kenya 1975