Genesis 24
24
Okhuteeshia khwaIsaka
1Ne Aburahamu yali omukofu outsiililiile muno mubuyindifu emiyika eminji; ne OMWAMI yali niyamuheelesia Aburahamu ikhabi mumakhuwa kosi. 2Mana Aburahamu namuboolela omusumbawe omukofu owomunzuye owali niyasinjilila ebindu biosi ebia yal ninabio, ari Chama ore omukhonokwo khwirango lianje; 3nasi nekhwitsubia khuMWAMI, Nyasaye welikulu khandi Nyasaye weshibala, mbu shiolikhweesia omwana wanje omukhasi mubakhaana babaKanaani aba ndamenya hakari wabo, tawe; 4ne mbu olitsia mushibala shieefwe, nende mubaluyia beefwe, nomunyoolelamwo omwana wanje Isaka omukhasi. 5Naye omusumba oyo namusunjila ari Haundi omukhasi mwenoyo shiyakhachama mbu khwitse ninaye mushialo shino tawe; kho ndakhakhoya okhukalusia omwanawo mushibala eshia warulayo noho? 6Aburahamu namuboolela mbu Wiyile kahala, oburamukalusia omwana wanje eyo khandi ta. 7OMWAMI, Nyasaye welikulu, owarusia munzu yeefwe, mushialo eshia ndeebulilwamwo, khandi owasungana ninasi niyanditsubila, ari Eshibala shino ndiliheelesia olwibulolwo; ye alaruma malaikawe imbeliwo, nawe olamunyoolela omwana wanje omukhasi ebweneyo. 8Ne omukhasi oyo naba narachama okhulondana ninawe ta, kho olekhuulilwe mushiitsubo shianje shino; nebutswa oramukalusia omwana wanje ebweneyo tawe. 9Omusumba oyo nara omukhonokwe khwirango liaAburahamu omwamiwe, namwitsubila khwikhuwa lienelo.
10Mana omusumba oyo nabukula tsingamia ekhumi mungamia tsiomwamiwe, natsia; okhuba yali nende emiandu emilayi chiosi chiomwamiwe mumukhonokwe; mana narula natsia eMesopo-tamia, okhuula mwitaala liaNahori. 11Natsisikamia tsingamia amasikamo hasi elwanyi welitaala ahambi nende liyabo liamatsi khushise shiomungoloobe, eshia abakhasi batsiilangakhwo amatsi. 12Mana naboola mbu E OMWAMI, Nyasaye womwami wanje Aburahamu, ekhusaaya mbu unyalile inyanga yino, nomubeela omwami wanje Aburahamu eshisa. 13Lola, esinjiile khusebelel yamatsi; ne abakhaana babandu abomwitaala nabo barulanga nibeetsa okhutaha amatsi; 14kabe mbu omukhaana owa nesunjile mbu Nochama, ruula isiongoyo enywe; naye niyasunjila ari Nywa, khandi ndalanyweesia nende tsingamiatsio; omwenoyo abe ye owa omwahuliile omusumbawo Isaka; nasi khulwa yako nemanye mbu omubeeleele eshisa omwami wanje.
15Kho olwa yali nashiboola ario, lola, Rebeka narula, oweebulwa nende Betsueli, omwana waMilika, mukha Nahori omwana wabwe Aburahamu; naye yali nachinjile isiongo khwibeka. 16Nomukhaana oyo yali omulayi muno likondolie; ne nomushisila, kata omusaatsa yesi yali nashili okhumumanya ta; ne nakholomokha okhutsia musebele, niyeetsusia isiongo natikulukha. 17Omusumba oyo natsia tsimbilo okhwakaana ninaye, nasunga ari Nochama umbekhwo amatsi akomusiongoyo enywe. 18Naye naboola mbu Nywa, Omwami wanje; niyaanguha, niyeesia isiongoye khumukhono, namunyweesia. 19Nolwa yali namalile okhumunyweesia, yasunga mbu Ndalatayila netsingamiatsio, okhuula olwa tsilaba nitsinyweele pe. 20Nakhola bwangu, natsukha amatsi akali musiongoye mulwelo, natsia tsimbilo khwiyabo okhutaha akandi, nasombela tsingamiatsie tsiosi. 21Omusaatsa oyo namuhenga muno naholeelile tsi, mbu amanye OMWAMI naba namukasiliye oluchendo nohomba tawe.
22Mana olwa tsingamia tsiali nitsimalile okhunywa, omusaatsa oyo yarusia ingaka yeitsahaabu eya obusiro bwayo bwali inusu yeishekeli, nende emikasa chibili echiokhura khumakhono, obusiro bwachio nibuhela tsishekeli ekhumi tsieitsahaabu; 23namureeba ari Oli omukhaana wawina iwe? Chama umboolele. Obwiyaulgu bwakhabamwo munzu yeenywe obunyala okhukhuhela ifwe okhukonamwo noho? 24Naye namukalusia mbu Isie endi omukhaana waBetsueli omwana waMilika, mukha Nahori. 25Khandi namuboolela mbu Khulikhwo nende olububa nende ebiokhulia bietsingamia ebihela, nende obwiyangu bwokhukona. 26Omusaatsa oyo nabunamia omurwe, namwinamila OMWAMI. 27Naboola ari OMWAMI, Nyasaye womwami wanie Aburahamu, yeetsoomibwe; okhuba shiamwimile omwami wanje tsimbabasitsie nende obwatotobwe tawe; nasi. OMWAMI anyimiliile injila mbu enzule munzu yabaana babwe omwami wanje.
28Mana omukhaana oyo niyeelukha tsimbilo natsia naboolela abomunzu yanyina amakhuwa ako. 29Ne Rebeka yali nende omwana wabwe, oweliiralie mbu Labani; kho Labani narula tsimbilo okhutsia ewa omundu oyo yali khusebele. 30Habwenaho olwa yalola ingaka eyo, nende emikasa khumakhono komukhaana wabwe, narechelesia amakhuwa aka Rebeka omukhaana wabwe yaboola, mbu Nindio omusaatsa tsana yasunjiile; kho yatsia ewa omundu oyo yaline lola, yali nasinjiile netsingamia abambi khusebele. 31Nasunga ari Winjile, iwe owa OMWAMI yaheelesia ikhabi; nishiina eshichila nosinjiile elwanyi? Okhuba emalile okhukasia inzu, nende obwiyangu bwetsingamia. 32Kho omuuldu oyo niyeenjila munzu, naye namubohololela tsingamia; nayinia olububa nende ebiokhulia bietsingamia, nende amatsi akokhwosia ebilenjebie, nende ebiabandu aba yali ninabo. 33Nibamurenjeshela ebiliibwa mbu alie; naye nasunga mbu Shindia ebiliibwa ta, nishili okhumuboolela likhuwa elia embeele ninalio. Naye naboola ari Khaboole. 34Kho nasunga mbu Isie endi omusumba waAburahamu; 35ne OMWAMI wamuheelesia omwami wanje tsikhabi tsinyinji; amalile okhuba omundu omukhulundu; yamuheelesia amakondi nende tsing'ombe, netsifeetsa netsitsahaabu, nabakholi abeshisaatsa nabeshikhasi, netsingamia netsisishili. 36Naye Sara omukhasi womwami wanje yeebula omwana mubushielebwe; ne omwami wanje wamuheelesia omwanawe biosi ebia ali ninabio. 37Naye omwami wanje yanditsubia mbu Orakhweesia omwana wanje omukhasi mubakhaana babaKanaani aba emenyanga mushibala shiabwe ta; 38ne otsie eweefwe, nende khubaluyia beefwe, okhweesia omwana wanje omukhasi. 39Nasi nisunjila omwami wanje mbu Haundi omukhasi shiyakhachama okhwitsa ninasi ta. 40Naye yamboolela ari OMWAMI, owa ndichendelesinjia imbeliwe, alanuma malaikawe atsie halala ninawe mbu akhukasilie injilayo; nawe olikhweesia omwana wanje omukhasi khubaluyia beefwe, kata nende munzu yapapa; 41mana olwa oliba niwulile mubaluyia beefwe, nolwa oliba nolekhuulilwe mushiitsubo shianje; ne nibaba nibaloba okhukhuheelesia, kho olekhuulwe mushiitsubo shianje
. 42Nasi leelo, olwa enzulile khusebele, esunjile mbu E OMWAMI, Nyasaye womwami wanje Aburahamu, noba niungasiliye oluchendo lwanje olwa endikhwo, 43lola, esinjiile khusebele yamatsi; kho kabe kari nanwa, mbu omukhaana oyo ourula niyeetsa okhutaha, nimusunjila mbu Nochama umbekhwo amatsi akomusiongoyo enywe; 44naye niyamboolela ari Nywa iwe, ne tsingamiatsio natsio ndalatsitayila; kho omwenoyo abe ye owa OMWAMI yaahuliile omwana womwami wanje okhuba omukhasiwe.
45Ne olwa embeele nishiboola mumwoyo kwanje, lola, Rebeka narula, nali nende isiongoye khwibeka; niyeekha okhutsia musebele nataha; nasi nimusunjila mbu Nochama, umbe amatsi enywe. 46Naye niyaanguyilisia okhwisia isiongo narusia khwibeka, naboola ari Nywa, khandi ndalanyweesia nende tsingamiatsio; kho ninywa, naye nanyweesia tsingamia tsiosi. 47Nimureeba ndi Oli omukhaana wawina? Naye naboola mbu Isie endi omukhaana waBetsueli, omwana waNahori, owa Milika yeebula; kho nimura ingaka mumoolu, nende emikasa khumikhonochie. 48Nimbunamia omurwe, nimwinamila OMWAMI, nimwitsoomia OMWAMI, Nyasaye womwami wanje Aburahamu, owayanyimiliile injila yatoto mbu emukhweesia omwana womwami wanje omukhaana womwana wabwe. 49Kho bulaano nimuba nimuchama okhumukholela omwami wanje akeshisa nende obwatieri, mumboolele; ne nikaba nikarali kario ta, mumboolele; endole aha enzia.
50Mana Labani nende Betsueli nibamukalusia bari Likhuwa lino lirulile khuMWAMI; shinakeefwe okhuboolakhwo amabii kata amalayi tawe. 51Lola, Rebeka ngwoyo, aliho imbeliwo; omubukule otsie, abe omukhasi womwana womwamiwo, shinga olwa OMWAMI yasunjile.
52Ne olwa omusumba waAburahamu yahulila amakhuwa kabwe, yeenama hasi imbeli wOMWAMI. 53Mana omusumba oyo narusia ebiheetso bieifeetsa, nende ebiheetso bieitsahaabu, nende ebiifwalo, naheelesia Rebeka; khandi naheelesia omusiani wabwe nende nyina ebindu biolukoosi. 54Mana nibalia ebiliibwa, ye omwene nende abandu aba yali ninabo, nibakonaho eshilo eshio; nibabuukha mukamba, naye naboola ari Museebule enzie ewomwami wanje. 55Ne omusiani wabwe nende nyinamwana nibaboola bari Lekha omukhaana akhole nashimenya nineefwe tsindaalo tsinduutu, shinga ekhumi kata okhushilaho; nolunyumakhwo natsie. 56Naye nababoolela mbu Murashindia ta, okhuba OMWAMI yangasiliye oluchendo lwanje; ne museebule mbu enzie ewomwami wanje. 57Nibasunga mbu Khulanje omukhaana, khumureebe omwene. 58Nibalanga Rebeka, nibamureeba mbu Olatsia nende omusaatsa uno? Naye nakalusia ari Ee, ndalatsia. 59Kho nibamuseebula Rebeka omukhaana wabwe, nende owali omulesiwe, nende omusumba waAburahamu nende abandube. 60Nibasabila Rebeka ikhabi, nibamuboolela bari Mwana weefwe, obe iwe nyinabwe ebikhumila likhumi khandi ebikhumila, olwibulolwo nalwo luruche ebilibwa bia abo ababakiya. 61Rebeka narula, nende abakhaanabe, nibaniina khungamia tsiatsana nibalondana nende omundu oyo; omusumba namubukula Rebeka ario, nalsia butsia.
62Ne Isaka niyeetsa narulila khunjila yaBeeri-lahai-roi; okhuba yali niyamenya mushibala shieNegebu. 63Isaka narula natsia ebulafu okhuyililisia akeke khubwile; nachinguula tsimoni, nahenga, ne lola, tsingamia nzietsio, nitsiitsanga. 64Rebeka nachinguula tsimoni, ne olwa yalola Isaka niyeekha narula khungamia. 65Nareeba omusumba mwenoyo, ari Ulia nomundu shiina ouchendanga ebulafu niyeetsa okhukhwakaanila? Omusumba naboola mbu Oyo nomwami wanje; omukhaana nabukula olububi niyeefuunikha. 66Omusumba oyo namuboolela Isaka amakhuwa kosi aka yali nakholile. 67Mana Isaka yamwinjisia mwiheema liaSara nyina, mana nateeshia Rebeka, naye naba omukhasiwe; Isaka namuheela; kho Isaka nalemibwa omwoyo inyuma wokhufwa khwanyina.
Actualmente seleccionado:
Genesis 24: OUV
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Oluluyia Union Version © Bible Society of Kenya 1975
Genesis 24
24
Okhuteeshia khwaIsaka
1Ne Aburahamu yali omukofu outsiililiile muno mubuyindifu emiyika eminji; ne OMWAMI yali niyamuheelesia Aburahamu ikhabi mumakhuwa kosi. 2Mana Aburahamu namuboolela omusumbawe omukofu owomunzuye owali niyasinjilila ebindu biosi ebia yal ninabio, ari Chama ore omukhonokwo khwirango lianje; 3nasi nekhwitsubia khuMWAMI, Nyasaye welikulu khandi Nyasaye weshibala, mbu shiolikhweesia omwana wanje omukhasi mubakhaana babaKanaani aba ndamenya hakari wabo, tawe; 4ne mbu olitsia mushibala shieefwe, nende mubaluyia beefwe, nomunyoolelamwo omwana wanje Isaka omukhasi. 5Naye omusumba oyo namusunjila ari Haundi omukhasi mwenoyo shiyakhachama mbu khwitse ninaye mushialo shino tawe; kho ndakhakhoya okhukalusia omwanawo mushibala eshia warulayo noho? 6Aburahamu namuboolela mbu Wiyile kahala, oburamukalusia omwana wanje eyo khandi ta. 7OMWAMI, Nyasaye welikulu, owarusia munzu yeefwe, mushialo eshia ndeebulilwamwo, khandi owasungana ninasi niyanditsubila, ari Eshibala shino ndiliheelesia olwibulolwo; ye alaruma malaikawe imbeliwo, nawe olamunyoolela omwana wanje omukhasi ebweneyo. 8Ne omukhasi oyo naba narachama okhulondana ninawe ta, kho olekhuulilwe mushiitsubo shianje shino; nebutswa oramukalusia omwana wanje ebweneyo tawe. 9Omusumba oyo nara omukhonokwe khwirango liaAburahamu omwamiwe, namwitsubila khwikhuwa lienelo.
10Mana omusumba oyo nabukula tsingamia ekhumi mungamia tsiomwamiwe, natsia; okhuba yali nende emiandu emilayi chiosi chiomwamiwe mumukhonokwe; mana narula natsia eMesopo-tamia, okhuula mwitaala liaNahori. 11Natsisikamia tsingamia amasikamo hasi elwanyi welitaala ahambi nende liyabo liamatsi khushise shiomungoloobe, eshia abakhasi batsiilangakhwo amatsi. 12Mana naboola mbu E OMWAMI, Nyasaye womwami wanje Aburahamu, ekhusaaya mbu unyalile inyanga yino, nomubeela omwami wanje Aburahamu eshisa. 13Lola, esinjiile khusebelel yamatsi; ne abakhaana babandu abomwitaala nabo barulanga nibeetsa okhutaha amatsi; 14kabe mbu omukhaana owa nesunjile mbu Nochama, ruula isiongoyo enywe; naye niyasunjila ari Nywa, khandi ndalanyweesia nende tsingamiatsio; omwenoyo abe ye owa omwahuliile omusumbawo Isaka; nasi khulwa yako nemanye mbu omubeeleele eshisa omwami wanje.
15Kho olwa yali nashiboola ario, lola, Rebeka narula, oweebulwa nende Betsueli, omwana waMilika, mukha Nahori omwana wabwe Aburahamu; naye yali nachinjile isiongo khwibeka. 16Nomukhaana oyo yali omulayi muno likondolie; ne nomushisila, kata omusaatsa yesi yali nashili okhumumanya ta; ne nakholomokha okhutsia musebele, niyeetsusia isiongo natikulukha. 17Omusumba oyo natsia tsimbilo okhwakaana ninaye, nasunga ari Nochama umbekhwo amatsi akomusiongoyo enywe. 18Naye naboola mbu Nywa, Omwami wanje; niyaanguha, niyeesia isiongoye khumukhono, namunyweesia. 19Nolwa yali namalile okhumunyweesia, yasunga mbu Ndalatayila netsingamiatsio, okhuula olwa tsilaba nitsinyweele pe. 20Nakhola bwangu, natsukha amatsi akali musiongoye mulwelo, natsia tsimbilo khwiyabo okhutaha akandi, nasombela tsingamiatsie tsiosi. 21Omusaatsa oyo namuhenga muno naholeelile tsi, mbu amanye OMWAMI naba namukasiliye oluchendo nohomba tawe.
22Mana olwa tsingamia tsiali nitsimalile okhunywa, omusaatsa oyo yarusia ingaka yeitsahaabu eya obusiro bwayo bwali inusu yeishekeli, nende emikasa chibili echiokhura khumakhono, obusiro bwachio nibuhela tsishekeli ekhumi tsieitsahaabu; 23namureeba ari Oli omukhaana wawina iwe? Chama umboolele. Obwiyaulgu bwakhabamwo munzu yeenywe obunyala okhukhuhela ifwe okhukonamwo noho? 24Naye namukalusia mbu Isie endi omukhaana waBetsueli omwana waMilika, mukha Nahori. 25Khandi namuboolela mbu Khulikhwo nende olububa nende ebiokhulia bietsingamia ebihela, nende obwiyangu bwokhukona. 26Omusaatsa oyo nabunamia omurwe, namwinamila OMWAMI. 27Naboola ari OMWAMI, Nyasaye womwami wanie Aburahamu, yeetsoomibwe; okhuba shiamwimile omwami wanje tsimbabasitsie nende obwatotobwe tawe; nasi. OMWAMI anyimiliile injila mbu enzule munzu yabaana babwe omwami wanje.
28Mana omukhaana oyo niyeelukha tsimbilo natsia naboolela abomunzu yanyina amakhuwa ako. 29Ne Rebeka yali nende omwana wabwe, oweliiralie mbu Labani; kho Labani narula tsimbilo okhutsia ewa omundu oyo yali khusebele. 30Habwenaho olwa yalola ingaka eyo, nende emikasa khumakhono komukhaana wabwe, narechelesia amakhuwa aka Rebeka omukhaana wabwe yaboola, mbu Nindio omusaatsa tsana yasunjiile; kho yatsia ewa omundu oyo yaline lola, yali nasinjiile netsingamia abambi khusebele. 31Nasunga ari Winjile, iwe owa OMWAMI yaheelesia ikhabi; nishiina eshichila nosinjiile elwanyi? Okhuba emalile okhukasia inzu, nende obwiyangu bwetsingamia. 32Kho omuuldu oyo niyeenjila munzu, naye namubohololela tsingamia; nayinia olububa nende ebiokhulia bietsingamia, nende amatsi akokhwosia ebilenjebie, nende ebiabandu aba yali ninabo. 33Nibamurenjeshela ebiliibwa mbu alie; naye nasunga mbu Shindia ebiliibwa ta, nishili okhumuboolela likhuwa elia embeele ninalio. Naye naboola ari Khaboole. 34Kho nasunga mbu Isie endi omusumba waAburahamu; 35ne OMWAMI wamuheelesia omwami wanje tsikhabi tsinyinji; amalile okhuba omundu omukhulundu; yamuheelesia amakondi nende tsing'ombe, netsifeetsa netsitsahaabu, nabakholi abeshisaatsa nabeshikhasi, netsingamia netsisishili. 36Naye Sara omukhasi womwami wanje yeebula omwana mubushielebwe; ne omwami wanje wamuheelesia omwanawe biosi ebia ali ninabio. 37Naye omwami wanje yanditsubia mbu Orakhweesia omwana wanje omukhasi mubakhaana babaKanaani aba emenyanga mushibala shiabwe ta; 38ne otsie eweefwe, nende khubaluyia beefwe, okhweesia omwana wanje omukhasi. 39Nasi nisunjila omwami wanje mbu Haundi omukhasi shiyakhachama okhwitsa ninasi ta. 40Naye yamboolela ari OMWAMI, owa ndichendelesinjia imbeliwe, alanuma malaikawe atsie halala ninawe mbu akhukasilie injilayo; nawe olikhweesia omwana wanje omukhasi khubaluyia beefwe, kata nende munzu yapapa; 41mana olwa oliba niwulile mubaluyia beefwe, nolwa oliba nolekhuulilwe mushiitsubo shianje; ne nibaba nibaloba okhukhuheelesia, kho olekhuulwe mushiitsubo shianje
. 42Nasi leelo, olwa enzulile khusebele, esunjile mbu E OMWAMI, Nyasaye womwami wanje Aburahamu, noba niungasiliye oluchendo lwanje olwa endikhwo, 43lola, esinjiile khusebele yamatsi; kho kabe kari nanwa, mbu omukhaana oyo ourula niyeetsa okhutaha, nimusunjila mbu Nochama umbekhwo amatsi akomusiongoyo enywe; 44naye niyamboolela ari Nywa iwe, ne tsingamiatsio natsio ndalatsitayila; kho omwenoyo abe ye owa OMWAMI yaahuliile omwana womwami wanje okhuba omukhasiwe.
45Ne olwa embeele nishiboola mumwoyo kwanje, lola, Rebeka narula, nali nende isiongoye khwibeka; niyeekha okhutsia musebele nataha; nasi nimusunjila mbu Nochama, umbe amatsi enywe. 46Naye niyaanguyilisia okhwisia isiongo narusia khwibeka, naboola ari Nywa, khandi ndalanyweesia nende tsingamiatsio; kho ninywa, naye nanyweesia tsingamia tsiosi. 47Nimureeba ndi Oli omukhaana wawina? Naye naboola mbu Isie endi omukhaana waBetsueli, omwana waNahori, owa Milika yeebula; kho nimura ingaka mumoolu, nende emikasa khumikhonochie. 48Nimbunamia omurwe, nimwinamila OMWAMI, nimwitsoomia OMWAMI, Nyasaye womwami wanje Aburahamu, owayanyimiliile injila yatoto mbu emukhweesia omwana womwami wanje omukhaana womwana wabwe. 49Kho bulaano nimuba nimuchama okhumukholela omwami wanje akeshisa nende obwatieri, mumboolele; ne nikaba nikarali kario ta, mumboolele; endole aha enzia.
50Mana Labani nende Betsueli nibamukalusia bari Likhuwa lino lirulile khuMWAMI; shinakeefwe okhuboolakhwo amabii kata amalayi tawe. 51Lola, Rebeka ngwoyo, aliho imbeliwo; omubukule otsie, abe omukhasi womwana womwamiwo, shinga olwa OMWAMI yasunjile.
52Ne olwa omusumba waAburahamu yahulila amakhuwa kabwe, yeenama hasi imbeli wOMWAMI. 53Mana omusumba oyo narusia ebiheetso bieifeetsa, nende ebiheetso bieitsahaabu, nende ebiifwalo, naheelesia Rebeka; khandi naheelesia omusiani wabwe nende nyina ebindu biolukoosi. 54Mana nibalia ebiliibwa, ye omwene nende abandu aba yali ninabo, nibakonaho eshilo eshio; nibabuukha mukamba, naye naboola ari Museebule enzie ewomwami wanje. 55Ne omusiani wabwe nende nyinamwana nibaboola bari Lekha omukhaana akhole nashimenya nineefwe tsindaalo tsinduutu, shinga ekhumi kata okhushilaho; nolunyumakhwo natsie. 56Naye nababoolela mbu Murashindia ta, okhuba OMWAMI yangasiliye oluchendo lwanje; ne museebule mbu enzie ewomwami wanje. 57Nibasunga mbu Khulanje omukhaana, khumureebe omwene. 58Nibalanga Rebeka, nibamureeba mbu Olatsia nende omusaatsa uno? Naye nakalusia ari Ee, ndalatsia. 59Kho nibamuseebula Rebeka omukhaana wabwe, nende owali omulesiwe, nende omusumba waAburahamu nende abandube. 60Nibasabila Rebeka ikhabi, nibamuboolela bari Mwana weefwe, obe iwe nyinabwe ebikhumila likhumi khandi ebikhumila, olwibulolwo nalwo luruche ebilibwa bia abo ababakiya. 61Rebeka narula, nende abakhaanabe, nibaniina khungamia tsiatsana nibalondana nende omundu oyo; omusumba namubukula Rebeka ario, nalsia butsia.
62Ne Isaka niyeetsa narulila khunjila yaBeeri-lahai-roi; okhuba yali niyamenya mushibala shieNegebu. 63Isaka narula natsia ebulafu okhuyililisia akeke khubwile; nachinguula tsimoni, nahenga, ne lola, tsingamia nzietsio, nitsiitsanga. 64Rebeka nachinguula tsimoni, ne olwa yalola Isaka niyeekha narula khungamia. 65Nareeba omusumba mwenoyo, ari Ulia nomundu shiina ouchendanga ebulafu niyeetsa okhukhwakaanila? Omusumba naboola mbu Oyo nomwami wanje; omukhaana nabukula olububi niyeefuunikha. 66Omusumba oyo namuboolela Isaka amakhuwa kosi aka yali nakholile. 67Mana Isaka yamwinjisia mwiheema liaSara nyina, mana nateeshia Rebeka, naye naba omukhasiwe; Isaka namuheela; kho Isaka nalemibwa omwoyo inyuma wokhufwa khwanyina.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Oluluyia Union Version © Bible Society of Kenya 1975