Genesis 19
19
Akobwnayaanu bwaSodomu
1Kho abamalaika abo babili niboola eSodomu mungoloobe; Loti naye yali niyeekhaale haluyial IweSodomu; Loti nabalola, nasinjila natsia okhubaakaanila; niyeenama hasi, 2nasunga mbu Lole, abaami banje, chame mushiukhane mwinjile munzu yomusumba weenywe, mwiyosie ebilenje, mukone, mana namuhuune mutsiililile ewa mutsia. Nabo nibasunga bari Tawe; khulakona khunjila khuno. 3Nabanichilisia muno; nibashiukhana nibeenjila munzuye; nabakasilia lisabo, nateekha emikaate echibulamwo amamela, mana nibalia. 4Ne olwa bali nibarashiakona ta, abasaatsa abomwitaala, nibo abasaatsa baSodomu, nibeetsa nibabotokhana inzu tsimbeka tsiosi, abasooliili nende abakhulundu bosi, abandu bosi abarula tsimbeka tsiosi; 5nibamulanga Loti, nibamusunjila bari Bali heena abasaatsa abo abeetsile hawuwo hano eshilo shino? Barusie elwanyi mbu khubamanye. 6Naye Loti narula mumuliango, nakeng'a olwichi inyumawe. 7Nasunga ari Abashianje, emusaaya mbu murakholakhwo eshifwabwi murio tawe. 8Lole, endi ninabo abakhaana banje babili abashili okhumanya omusaatsa ta; emusaaya mbu mufuchiilile emuleerele abo, mubakhole shinga olwa mwenya; ne khubandu bano, murabakholelakhwo likhuwa liosi ta; okhuba beenjiile mubulindi bweshilama shianje.
9Nibasunga bari Hwayo. Khandi bari Omundu uno yeetsa okhumenya shinga omucheni butswa mwifwe, khane yeekhola omuyaasii; bulaano khulakhukholela iwe obubii okhushila abo. Mana nibasindikha omundu oyo Loti butinyu, niboola khulwichi, mbu balufunache. 10Ne abasaatsa abo nibanyiila emikhono nibakhwesa Loti nibamwinjisia munzu aha hali, nibeekala omuliango. 11Nibababofusia tsimoni abasaatsa abali khumuliango kweinzu, abatuutu nende abakhongo; kata nibahabasia omuliango nibachoonyelakhwo.
Obuhonibwi bwaLoti nabomunzuye
12Abasaatsa abo babili nibareeba Loti bari Olikhwo nende abandi khandi? Mbu nyakhufialawo, nende abaanabo abasiani nende abakhaana, nende 13okhuba nakhumulule habundu hano, shichila amalilo kabwe keemeetile imbeli wOMWAMI; ne OMWAMI akhurumile, mbu khwitse khumululeho. 14Mana Loti narula nasunjila abanyakhufialanyene abali nibakhweetsanga abakhaanabe, ari Buushe, murule hano, okhuba OMWAMI yeenya okhumulula litaala. Ne yabaloleshela shinga oubatseshia ameeno butswa.
15Kho olwa bwashia mukamba, abamalaika nibatetekhasia Loti, nibasunga bari Buukha, obukule omukhasiwo nende abaanabo abakhaana babili abaliho; oleshe okhusishila mubwonooneshi bwelitaala lino. 16Naye nashiiyingoyia mana abasaatsa abo nibamutiila omukhono, nende omukhono kwomukhasiwe, nende emikhono chiabakhaanabe babili tsana; okhuba OMWAMI yali namubeeleele tsimbabasi; nibamurusiamwo, nibamura elwanyi welitaala. 17Nolunyumakhwo, olwa bali nibamalile okhubarusia ebulafu, mulala khubo yasunga ari Wihonokoshe, ohone; orakhupa amashemo inyuma kata okhusinjilakhwo khumuhololookhwe kuno kwosi pe ta; habula wilushile mushikulu, oleshe okhusikha. 18Loti nabasunjila ari 'A, tawe, omwami wanje; 19lola, omusumbawo anyoolile obukoosia imbeliwo, nawe omeetilekhwo tsimbabasitsio etsia wayambeelile ninatsio khulwa okhumbonia; nasi shinyala okhwilushila mushikulu ta, obubii bwakhanyoolelesia nifwa; 20lola, litaala lino lili ahambi; enzilushilemwo; khandi nakhatiiti; nzihonokoshelemwo; shikhali akhatiiti? Omwoyo kwanje nakwo kuhone. 21Naye namuboolela mbu Lola, ekhufuchiiliile khwikhuwa lino liosi, mbu shindalakwisia litaala elia osunjiilekhwo tawe. 22Khola bwangu, wihonokoshele ebweneyo; okhuba shinyala likhuwa liosi tawe, okhuula olwa nobe nomalile okhuulayo. Khulwako eliira lielitaala elo lialangwa mbu Zoari. 23Eliuba liali nilifwindile khushibala olwa Loti yoola eZoari.
Obumululwi bwaSodomu naGomora
24Mana OMWAMI nakwisilia Sodomu nende Gomora ilami nende omulilo shinga ifula, nibirula ewa OMWAMI mwikulu; 25mana nakwisia amataala ako, nende omuholoookhwe kwosi, nende bosi abali nibamenya mumataala ako, nende ebiali nibiamela khwiloba. 26Ne omukhasiwe yakhupa amashemo ewa yali munyumawe, nakwa lifuumi liomuunyu. 27Naye Aburahamu nahuuna mumabwibwi natsia habundu aha yali nasinjilenje imbeli w; 28nahenga khulubeka IweSodomu nende Gomora nende khushibala shiosi shiomuhololookhwe, nalola; omwosi kweshibala nikutuumuukha ikulu nikufwana shinga omwosi kwelirumbi.
29Ne olwa Nyasaye yamulula amataala komuhololookhwe, kho Nyasaye yamwitsulila Aburahamu, narusia Loti hakari mukhukwisibwa olwa yakwisia amataala aka Loti yali namenyangamwo.
Okhuchaaka khwabaMoabu nabaAmoni
30Naye Loti natikulukha narula eZoari, natsia namenya mushikulu, nende abaanabe abakhaana babili halala ninaye; okhuba yariitsanga okhumenya eZoari; ne yamenya mumbinga, ye nende abaanabe abakhaana babili. 31Mana omukhaana omukhulundu namusunjila omushe mbu Seefwe bulaano nomukofu, ne kata abulaho omusaatsa yesi mushibala ounyala okhuba nineefwe shinga eshiima shieshibala shiosi olwa shili; 32chenda khumuheelesie seefwe idivai anywe, mana khulakona ninaye, mbu mana khwisinjisilie olwibulo okhurula khuseefwe. 33Kho nibamuheelesia saabwe idivai eshilo shieneshio; oyo omukhulundu niyeenjila, nakona nende samwana; naye samwana naramanya olwa omukhaanawe yakona kata olwa yabuukha ta 34Kho mukamba omukhulundu namusunjila omushe ari Isie ndakonile nende seefwe eshilo eshiabeele; khumuheelesie idivai khandi eshilo shialeelo shino; nawe winjile okone ninaye, mbu mana khwisinjisilie olwibulo okhurula khuseefwe. 35Nibamuheelesia saabwe idivai eshilo shieneshio khandi; omushe oyo natsia nakona ninaye; naye samwana naramanya olwa omukhaanawe yakona kata olwa yabuukha tawe. 36Kho abakhaana baLoti bombi babili nibabelekha khulwa saabwe. 37Omukhulundu niyeebula omwana omusiani namukulikha eliira mbu Moabu; omwenoyo niye omwibuli wabaMoabu abaliho okhuula bulaano. 38Naye omushe yesi niyeebula omwana omusiani namukulikha eliiralie mbu Benami; ne niye omwibuli wabaana baAmoni abaliho okhuula bulaano.
Actualmente seleccionado:
Genesis 19: OUV
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Oluluyia Union Version © Bible Society of Kenya 1975