Genesis 1
1
Obulongwei bweshialo nende obwabandu
1Haho khukhuchaaka Nyasaye yalonga likulu nende eshibala. 2Neshibala shishiali nende obukondo tawe, khandi shiali eshikhaya, eshiilima nashio shialiho hekulu wolusiba; Roho waNyasaye naye nabemba hekulu khumatsi. 3Nya saye naboola ari Obulafu bubeho; kho obulafu nibubaho. 4Nyasaye nalola obulafu, mbu nobulayi; Nyasaye niyaahukhasia obulafu nende eshiilima. 5Mana Nyasaye yalanga obulafu mbu Eshiteere, khandi eshiilima nashilanga mbu Eshilo. Nikubaho mungoloobe, nikubaho mukamba, inyanga ndala.
6Nyasaye naboola ari Eshilama eshibambukhu shibeho hakari wamatsi, okhwahukhasia amatsi yaka nende yaka. 7Nyasaye nakhola eshilama eshibambukhu, niyaahukhasia amatsi akaliho hasi weshilama nende amatsi akaliho hekulu weshilama; nikaba kario. 8Nyasaye nalanga eshilama eshio mbu Likulu. Nikubaho mungoloobe, nikubaho mukamba, inyanga yakhabili.
9Nyasaye naboola ari Amatsi akali hasi welikulu kakhung'aasibwe halala, habundu ahoomu naho haloleshe; nikaba kario. 10Nyasaye nalanga ahoomu mbu Eshibala; khandi okhukhung'aasibwa khwamatsi yalanga mbu Tsinyanza; Nyasaye nalola mbu nobulayi. 11Nyasaye naboola ari Eshibala shimele obunyasi, nemiani echibalusinjia tsimwo, nende shia omusaala kwebiamo okwamanga ebiamo ebieimbia yakwo, ebilimwo imwo yakwo, khushibala; nikaba kario. 12Eshibala nishimela obunyasi nemiani echibalusinjia tsimwo tsieimbia yachio, nende shia omusaala okwamanga ebiamo, ebilimwo imwo yakwo, ebieimbia yakwo; Nyasaye nalola mbu nobulayi. 13Nikubaho mungoloobe, nikubaho mukamba, inyanga yakhataru.
14Nyasaye naboola ari Bibeho ebiashilo mushilama eshibambukhu shielikulu okhwahukhasia eshiteere nende eshilo; nabio bibe biebilolelo, ebietsinduukho, khandi ebietsindaalo nende emiyika; 15nabibe ebiashilo mushilama eshibambukhu shielikulu okhwashila eshialo; nikaba kario. 16Nyasaye yakhola ebiashilo ebikali bibili bienebio; eshiashilo eshikhongo okhuruka eshiteere, nende eshiashilo eshituutu okhuruka eshilo, khandi nende tsinyininyini. 17Nyasaye nabihaana mushilama eshibambukhu shielikulu mbu biashilenje eshialo, 18khandi nende okhuruka eshiteere nende eshilo, nende okhwahukhasia obulafu nende eshiilima; Nyasaye nalola mbu nobulayi. 19Nikubaho mungoloobe, nikubaho mukamba, inyanga yakhane.
20Nyasaye naboola ari Mumatsi biselaselemwo ebilonje ebili nende obulamu, amanyonyi nako kapulushe ikulu weshibala mushilama eshibambukhu shielikulu. 21Nyasaye nalonga eminyeeni emikhongo, nende ebilimwoyo biosi ebimoolanga ebiselasela mumatsi, shinga olwa tsimbia tsiabio tsili, nende buli linyonyi elili nende tsimbaha, shinga olwa imbia yalio yili; Nyasaye nalola mbu nobulayi. 22Nyasaye nabiheelesia ikhabi, naboola ari Mwibulane nimwinjiha, nimwitsula mumatsi akali munyanza, amanyonyi nako keenjihe khushibala. 23Nikubaho mungoloobe, nikubaho mukamba, inyanga yakharaano.
24Nyasaye naboola ari Eshibala shirusie shia eshilimwoyo, shinga olwa imbia yashio yili, mbu tsisolo, nende shia eshimoolanga, nende shia eshilamu eshiokhushialo shinga olwa imbia yashio yili; nikaba kario. 25Nyasaye nakhola shia eshilamu eshiokhushialo shinga olwa imbia yashio yili, netsisolo khumbia yatsio, nende shia eshimoolanga khwiloba khumbia yashio; Nyasaye nalola mbu nobulayi.
26Nyasaye naboola ari Khukhole omundu khwikondo lieefwe, shinga okhufwana khweefwe; khandi baruchenje tsinyeeni etsiomunyanza, nende amanyonyi akokhwikulu, nende tsisolo, nende eshialo shiosi, nende buli shindu eshimoolanga khushialo. 27Nyasaye nalonga omundu khwikondo lilie omwene, khwikondo liaNyasaye nilio elia yamulonjelamwo; omusaatsa nende omukhasi yabalonga. 28Nyasaye nabaheelesia ikhabi; khandi Nyasaye yababoolela ari Mwibulane nimwinjiha, nimwitsula mushibala, nimushihula; khandi muruchenje tsinyeeni etsiomunyanza, nende amanyonyi akokhwikulu, nende buli shilimwoyo shiosi eshichendanga khushibala. 29Nyasaye naboola ari Lole, emuheelesiye buli miani echibalusinjia imwo echili khushibala shiosi, nende buli musaala okulimwo ebiamo biakwo ebili nende imwo; khwinywe bilabeetsanga ebiliibwa bieenywe; 30khandi khubuli shilamu eshiokhushibala, nende khubuli linyonyi eliokhwikulu, nende khubuli shindu eshimoolanga khushibala, eshilimwo obulamu, ndabiheelesiye buli miani chiamasaafu bibe ebiliibwa; nikaba kario. 31Nyasaye nalola buli shindu shiosi eshia yali nakholile, mbu neshilayi muno. Nikubaho mungoloobe, nikubaho mukamba inyanga yakhasasaba.
Actualmente seleccionado:
Genesis 1: OUV
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Oluluyia Union Version © Bible Society of Kenya 1975