Lu-ka 8
8
Dôm anưk xêh kamei
1Hadei di nan, Pô Yê-su nao mưng dhan ni tal dhan dêh, palei ni tal palei pakan, pablo thong rao pahơh Khao Siam anưd Dit Biya Pô Lingik. Tha pluh dwa Xêh Pachai nao thubik thong Bhô. 2#Mat 27:55,56; Mag 15:40,41; Lu 23:49.Lijang hu dôm urang kamei nao tui Bhô, nạn dôm urang krung bihu pajru dhit truh di agarih yang thong rwak hakik: Ma-ri iêu nạn Ma-đơ-len, nạn mưnuix bihu Pô Yê-su dong paklah truh di tajuh ajin; 3Yan-nơ hadiup Cu-xa, urang mong iơk thang anưd patao Hê-rôt; Su-xan-nơ thong dôm urang kamei pakan vơk krung hu angui drap ar drei piêh pajup ka Pô Yê-su thong dôm anưk xêh Bhô.
Arkatê ka urang drāk pajeh
(Ma-thi-ơ 13:1-23; Mag 4:1-20)
4Tuk tapôr bôl patom nhom, thong mưnuix urang mưng graup dhan mưrai tom Bhô yơ Bhô angui arkatê bican thong khol nhu: 5“Hu tha urang tabiak nao drāk pajeh. Tuk drāk, tha thanôn athar lek thôi jalan, gok jwak thong cim ƀang abih; 6tha thanôn pakan lek ngok patau, tuk birau tamuh tagôk, bôi binhêt, kaywa u arthak ia; 7tha thanôn pakan lek krưh rôm darôi, mưthong tamuh tagôk thong darôi bloh gok darôi ngak ka tadar var; 8gilaic hu tha thanôn pakan vơk lek ngok tanưh siam, tamuh tagôk, athal jiơng hơl tha rituh ƀang.” Tuk dok bican dôm kadha nan Bhô prong xap: “Thei hu tangi piêh pang, xang pangik pang!”
Lang yah arkatê
9Anưk xêh tanhi Bhô ka ar anưd arkatê nan. 10Bhô thuuk: “Khol hư krung bihu ƀai brei gruk dul thau ka dôm palih kabal anưd Dit Biya Pô Lingik; min thong ra pakan yơ Ita angui arkatê bloh đôm piêh khol nhu
Mong bloh ôh ƀôh,
Pang bloh ôh thau.
11Arkatê nan hu ar yau ni: Athar pajeh nạn Panôic Pô Lingik. 12Dôm athar lek thôi jalan nạn dôm urang krung hu pang anga, min tal hadei Abilêh mưrai mưblah mưk anga nan truh di tian khol nhu, hôic lô khol nhu dial bloh bihu dong kaic. 13Dôm athar lek ngok tanưh patau, nạn mưnuix pang anga bui ôn takabal vêt; min kaywa ôh hu gha, ciêt dial tha kal, nan ka tuk gōk long iơk yơ khol nhu klāk sagar. 14Dôm athar lek di krưh rôm darôi, nạn dôm urang krung hu pang anga min piêh ka gruk uh tarak, ginup mưda, bui xơh rai ni ngak ka tadar var nan ka ôh prong bihu. 15Min dôm athar lek ngok tanưh siam, nạn dôm mưnuix pang thong khik anga thong tian tapak tung thong hatai siam, nhơ gruk kek lithun bloh bihu athal jiơng.
Arkatê ka mưnhưk
(Mag 4:21-25)
16 #
Mat 5:15; Lu 11:33. Ôh thei truic mưnhưk bloh mưk jāk twak vơk, ngan cek ala katong, min cek ngok kapuk mưnhưk, piêh thei yam tamư thang jang ƀôh tanrak hadah. 17#Mat 10:26; Lu 12:2.Kaywa ôh hu kabha haget padaup bloh mưca ôh gok pabiđang tabiak, ôh hu kabha haget halaup bloh ôh gok mưnuix urang thau tal, thong ba tabiak tanrak hadah. 18#Mat 25:29; Lu 19:26.Yau nan, xang ajut ka ganap khol hư pang. Kaywa thei krung hu mưca bihu brei paƀlwak, dok thei ôh hu mưca gok mưk takung kabha khol nhu xanưng nạn drei hu.”
Amek thong dôm adei Pô Yê-su
(Ma-thi-ơ 12:46-50; Mag 3:31-35)
19Amek thong dôm adei Pô Yê-su mưrai dwah Bhô, min kaywa ralô urang, nan ka ôh mưrai jek Bhô bihu. 20Hu mưnuix akhan ka Bhô thau: “Amek thong dôm adei Gru krưh dang pak lingiu ưng gōk Gru.” 21Min Bhô thuuk: “Amek Ita thong dôm dei ai Ita êng nạn dôm urang pang thong ngak tui Panôic Pô Lingik.”
Pô Yê-su ngak gađang ribuk tathik
(Ma-thi-ơ 8:23-27; Mag 4:35-41)
22Tha harei dêh, Pô Yê-su trun gilai thong dôm anưk xêh bloh đôm: “Khol drei xang tapa gah dêh kavei.” Yau nan, khol nhu vah gilai nao. 23Dalam tuk khol nhu krưh vah gilai, yơ Bhô đih. Tha binhôr ribuk brôk tagôk ngok kavei, ia tamư bak gilai, thong khol nhu krưh dok gōk ajandi. 24Dôm anưk xêh mưrai pamưdơh Bhô bloh đôm: “Gru lơy, Gru lơy, khol drei mưtai yơ!” Bhô mưdơh tagôk, xayok angin thong riyak, nhu padơh vêt thong gađang jwa. 25Bhô bican thong dôm anưk xêh: “Sagar khol hư dok pak halei?” Anưk xêh thur mưk thong plơng kadơng tanhi gaup: “Bhô nạn thei bloh ngak ka angin thong ia lijang xang pang gon Bhô?”
Pô Yê-su tiaup ajin pak Ghê-ra-sê
(Ma-thi-ơ 8:28-34; Mag 5:1-20)
26Bhô mưthong anưk xêh đik gilai mưrai bhum Ghê-ra-sê#8:26 Ghê-ra-sê: Dalam tha thanôn blah vak tangin nạn Ga-đa-rê ngan nạn Get-gê-sê. jom nưgar Ga-li-lê. 27Tuk Pô Yê-su tagôk ar, hu tha urang gok dôm ajin mưk tak dhan nan mưrai gōk Bhô. Livik mai urang nan ôh cuk khan ao, ôh dok di thang bloh dok di lingiu gahur. 28Tuk ƀôh Pô Yê-su nhu prêu tagôk, pam rup trun di anak Bhô bloh đôm prong xap: “Pô Yê-su lơy, Anưk Pô Lingik Glong Yatha, dahlak hu tavak tave haget thong Bhô? Dahlak likau di Bhô jôi ngak raƀah dahlak.” 29Kaywa Pô Yê-su krung hu thurah ka tan ok yang xang tabiak truh di nhu. Krung hu ralô ƀang tan ok yang tamư di urang nan; kanê mưnuix urang pathreng, buh anuh thong mong khik, nhu jang joh talei threng, taleh anuh bloh gok ajin ba tamư bhum kamrang. 30Pô Yê-su tanhi: “Hư angan haget?” Nhu pathau: “Jabôl”#8:30 Jabôl: Tha avan pubha jabôl Rô-ma hu nôic 5000-6000 urang. kaywa ralô ajin krung hu tamư dalam urang nan. 31Dôm ajin neh likau di Bhô jôi tiaup mưnok nhu trun barahum. 32Kal nan, hu tha tapôr pabui biak ralô dok ƀang ngok cơk. Dôm ajin likau di Pô Yê-su brei mưnok nhu tamư tapôr pabui nan; Bhô brei idin. 33Yau nan dôm ajin tabiak truh di urang nan bloh tamư tapôr pabui. Tapôr pabui mưng bađen camreh cơk blāk trun kavei thong mưtai karam. 34Dôm urang glang pabui ƀôh yau nan, đôic daup thong akhan khao nan graup mưdin, palei pala. 35Dunya mưrai iơk bruk birau mưjiơng tabiak. Tuk khol nhu mưrai tom Pô Yê-su, ƀôh urang bloh dôm ajin birau tabiak truh, krưh dok tak takai Pô Yê-su, cuk khan ao, amat that jangeh yơ biak thur mưk. 36Dôm urang krung hu ƀôh di mưta apakar lak vơk ka abih drei ka kadha urang gok dôm ajin mưk bihu pajru dhit yau halei. 37Abih bôl bhap yơng bhum Ghê-ra-sê likau di Pô Yê-su niga truh di khol nhu kaywa khol nhu biak thur mưk. Yau nan, Bhô trun gilai gilaic mai. 38Mưnuix bihu Pô Yê-su tiaup ajin likau dok vơk thong Bhô, min Bhô brei nhu nao thang thong kakei: 39“Hư xang nao thang lak vơk dôm bruk prong pabha bloh Pô Lingik krung hu ngak ka hư.” Nan yơ urang nan nao, rao pahơh graup dhan dôm kabha prong pabha bloh Pô Yê-su krung hu ngak ka drei.
Anưk kamei Yai-ru thong urang kamei gok darah mai
(Ma-thi-ơ 9:18-26; Mag 5:21-43)
40Tuk Pô Yê-su gilaic mai, tapôr bôl rok daa Bhô kaywa abih drei jang mong akok Bhô. 41Hu tha kar mong iơk thang nhom angan Yai-ru mưrai pam rup di takai Pô Yê-su thong neh likau Bhô tamư thang drei, 42kaywa ong hu anưk kamei ralai, tha pluh dwa thun krưh tôk yava prong.
Tuk Pô Yê-su krưh nao, bôl bhap jhel ep tom dar Bhô. 43Hu tha urang kamei gok darah mai krung hu tha pluh dwa thun; [kanê krung hu karang abih jiên padai ka ralô gru bet],#8:43 [kanê krung hu karang abih jiên padai ka ralô gru bet]: Dalam tha thanôn blah vak tangin ôh hu dôm akhar ni. min ôh thei pajru bihu ka muk. 44Muk mưrai gah likuk thong ravơk jih ao Bhô yơ binhêt darah bơk vơk. 45Pô Yê-su bican: “Thei krung hu gōk tal Ita?” Ôh tha urang halei tôk trah, nan ka Phi-e-rơ#8:45 Phi-e-rơ: Dalam tha thanôn blah vak tangin nạn Phi-e-rơ thong yut côi. đôm: “Pathau Gru, tapôr bôl vang yơng thong jhel ep Gru min!” 46Pô Yê-su bican: “Hu thei krung hu ravơk Ita, kaywa Ita krưn thau hu xagta mưng Ita papar tabiak.” 47Tuk ƀôh drei ôh mưda padaup bihu vơk, muk hôic tatơk drei mưrai khôi pak anak Bhô thong đôm di anak bôl bhap habar muk krung hu ravơk Bhô thong binhêt bihu pajru dhit yau halei. 48Pô Yê-su bican thong muk: “Hơic anưk kamei Ita, sagar anưk krung hu pajru dhit ka anưk; xang nao thug siam!” 49Dalam tuk Bhô krưh đôm, yơ hu mưnuix mưng thang kar mong iơk thang nhom mưrai akhan: “Anưk kamei ong mưtai pajơ; jôi ngak mưduh Gru vơk.” 50Pô Yê-su hamit yau nan ka bican thong Yai-ru: “Jôi hôic, ciêt ukat dial yơ anưk hư mưca bihu dong diup vơk.” 51Tuk tal thang, Bhô ôh brei ka thei yam tamư thong Bhô, klāk tabiak Phi-e-rơ, Ya-kơ, Yâng, thong amek amư ban xit. 52Abih drei dok hia, patak parai ka nhu; min Bhô laic: “Jôi hia, kaywa nhu ôh mưtai, min dok đih.” 53Khol nhu klao bilei Bhô kaywa thau nhu mưtai biak pajơ. 54Pô Yê-su apan tangin kamei xit iêu prong xap: “Anưk lơy, xang bruh tagôk!” 55Thap xwan gilaic vơk, anưk kamei bruh tagôk vêt, thong Bhô pađar brei nhu ƀang. 56Amek amư ban xit biak plơng kadơng, min Bhô thurah ka khol nhu ôh bihu đôm thong pathar pathar urang halei ka bruk krung hu mưjiơng tabiak.
Actualmente seleccionado:
Lu-ka 8: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 8
8
Dôm anưk xêh kamei
1Hadei di nan, Pô Yê-su nao mưng dhan ni tal dhan dêh, palei ni tal palei pakan, pablo thong rao pahơh Khao Siam anưd Dit Biya Pô Lingik. Tha pluh dwa Xêh Pachai nao thubik thong Bhô. 2#Mat 27:55,56; Mag 15:40,41; Lu 23:49.Lijang hu dôm urang kamei nao tui Bhô, nạn dôm urang krung bihu pajru dhit truh di agarih yang thong rwak hakik: Ma-ri iêu nạn Ma-đơ-len, nạn mưnuix bihu Pô Yê-su dong paklah truh di tajuh ajin; 3Yan-nơ hadiup Cu-xa, urang mong iơk thang anưd patao Hê-rôt; Su-xan-nơ thong dôm urang kamei pakan vơk krung hu angui drap ar drei piêh pajup ka Pô Yê-su thong dôm anưk xêh Bhô.
Arkatê ka urang drāk pajeh
(Ma-thi-ơ 13:1-23; Mag 4:1-20)
4Tuk tapôr bôl patom nhom, thong mưnuix urang mưng graup dhan mưrai tom Bhô yơ Bhô angui arkatê bican thong khol nhu: 5“Hu tha urang tabiak nao drāk pajeh. Tuk drāk, tha thanôn athar lek thôi jalan, gok jwak thong cim ƀang abih; 6tha thanôn pakan lek ngok patau, tuk birau tamuh tagôk, bôi binhêt, kaywa u arthak ia; 7tha thanôn pakan lek krưh rôm darôi, mưthong tamuh tagôk thong darôi bloh gok darôi ngak ka tadar var; 8gilaic hu tha thanôn pakan vơk lek ngok tanưh siam, tamuh tagôk, athal jiơng hơl tha rituh ƀang.” Tuk dok bican dôm kadha nan Bhô prong xap: “Thei hu tangi piêh pang, xang pangik pang!”
Lang yah arkatê
9Anưk xêh tanhi Bhô ka ar anưd arkatê nan. 10Bhô thuuk: “Khol hư krung bihu ƀai brei gruk dul thau ka dôm palih kabal anưd Dit Biya Pô Lingik; min thong ra pakan yơ Ita angui arkatê bloh đôm piêh khol nhu
Mong bloh ôh ƀôh,
Pang bloh ôh thau.
11Arkatê nan hu ar yau ni: Athar pajeh nạn Panôic Pô Lingik. 12Dôm athar lek thôi jalan nạn dôm urang krung hu pang anga, min tal hadei Abilêh mưrai mưblah mưk anga nan truh di tian khol nhu, hôic lô khol nhu dial bloh bihu dong kaic. 13Dôm athar lek ngok tanưh patau, nạn mưnuix pang anga bui ôn takabal vêt; min kaywa ôh hu gha, ciêt dial tha kal, nan ka tuk gōk long iơk yơ khol nhu klāk sagar. 14Dôm athar lek di krưh rôm darôi, nạn dôm urang krung hu pang anga min piêh ka gruk uh tarak, ginup mưda, bui xơh rai ni ngak ka tadar var nan ka ôh prong bihu. 15Min dôm athar lek ngok tanưh siam, nạn dôm mưnuix pang thong khik anga thong tian tapak tung thong hatai siam, nhơ gruk kek lithun bloh bihu athal jiơng.
Arkatê ka mưnhưk
(Mag 4:21-25)
16 #
Mat 5:15; Lu 11:33. Ôh thei truic mưnhưk bloh mưk jāk twak vơk, ngan cek ala katong, min cek ngok kapuk mưnhưk, piêh thei yam tamư thang jang ƀôh tanrak hadah. 17#Mat 10:26; Lu 12:2.Kaywa ôh hu kabha haget padaup bloh mưca ôh gok pabiđang tabiak, ôh hu kabha haget halaup bloh ôh gok mưnuix urang thau tal, thong ba tabiak tanrak hadah. 18#Mat 25:29; Lu 19:26.Yau nan, xang ajut ka ganap khol hư pang. Kaywa thei krung hu mưca bihu brei paƀlwak, dok thei ôh hu mưca gok mưk takung kabha khol nhu xanưng nạn drei hu.”
Amek thong dôm adei Pô Yê-su
(Ma-thi-ơ 12:46-50; Mag 3:31-35)
19Amek thong dôm adei Pô Yê-su mưrai dwah Bhô, min kaywa ralô urang, nan ka ôh mưrai jek Bhô bihu. 20Hu mưnuix akhan ka Bhô thau: “Amek thong dôm adei Gru krưh dang pak lingiu ưng gōk Gru.” 21Min Bhô thuuk: “Amek Ita thong dôm dei ai Ita êng nạn dôm urang pang thong ngak tui Panôic Pô Lingik.”
Pô Yê-su ngak gađang ribuk tathik
(Ma-thi-ơ 8:23-27; Mag 4:35-41)
22Tha harei dêh, Pô Yê-su trun gilai thong dôm anưk xêh bloh đôm: “Khol drei xang tapa gah dêh kavei.” Yau nan, khol nhu vah gilai nao. 23Dalam tuk khol nhu krưh vah gilai, yơ Bhô đih. Tha binhôr ribuk brôk tagôk ngok kavei, ia tamư bak gilai, thong khol nhu krưh dok gōk ajandi. 24Dôm anưk xêh mưrai pamưdơh Bhô bloh đôm: “Gru lơy, Gru lơy, khol drei mưtai yơ!” Bhô mưdơh tagôk, xayok angin thong riyak, nhu padơh vêt thong gađang jwa. 25Bhô bican thong dôm anưk xêh: “Sagar khol hư dok pak halei?” Anưk xêh thur mưk thong plơng kadơng tanhi gaup: “Bhô nạn thei bloh ngak ka angin thong ia lijang xang pang gon Bhô?”
Pô Yê-su tiaup ajin pak Ghê-ra-sê
(Ma-thi-ơ 8:28-34; Mag 5:1-20)
26Bhô mưthong anưk xêh đik gilai mưrai bhum Ghê-ra-sê#8:26 Ghê-ra-sê: Dalam tha thanôn blah vak tangin nạn Ga-đa-rê ngan nạn Get-gê-sê. jom nưgar Ga-li-lê. 27Tuk Pô Yê-su tagôk ar, hu tha urang gok dôm ajin mưk tak dhan nan mưrai gōk Bhô. Livik mai urang nan ôh cuk khan ao, ôh dok di thang bloh dok di lingiu gahur. 28Tuk ƀôh Pô Yê-su nhu prêu tagôk, pam rup trun di anak Bhô bloh đôm prong xap: “Pô Yê-su lơy, Anưk Pô Lingik Glong Yatha, dahlak hu tavak tave haget thong Bhô? Dahlak likau di Bhô jôi ngak raƀah dahlak.” 29Kaywa Pô Yê-su krung hu thurah ka tan ok yang xang tabiak truh di nhu. Krung hu ralô ƀang tan ok yang tamư di urang nan; kanê mưnuix urang pathreng, buh anuh thong mong khik, nhu jang joh talei threng, taleh anuh bloh gok ajin ba tamư bhum kamrang. 30Pô Yê-su tanhi: “Hư angan haget?” Nhu pathau: “Jabôl”#8:30 Jabôl: Tha avan pubha jabôl Rô-ma hu nôic 5000-6000 urang. kaywa ralô ajin krung hu tamư dalam urang nan. 31Dôm ajin neh likau di Bhô jôi tiaup mưnok nhu trun barahum. 32Kal nan, hu tha tapôr pabui biak ralô dok ƀang ngok cơk. Dôm ajin likau di Pô Yê-su brei mưnok nhu tamư tapôr pabui nan; Bhô brei idin. 33Yau nan dôm ajin tabiak truh di urang nan bloh tamư tapôr pabui. Tapôr pabui mưng bađen camreh cơk blāk trun kavei thong mưtai karam. 34Dôm urang glang pabui ƀôh yau nan, đôic daup thong akhan khao nan graup mưdin, palei pala. 35Dunya mưrai iơk bruk birau mưjiơng tabiak. Tuk khol nhu mưrai tom Pô Yê-su, ƀôh urang bloh dôm ajin birau tabiak truh, krưh dok tak takai Pô Yê-su, cuk khan ao, amat that jangeh yơ biak thur mưk. 36Dôm urang krung hu ƀôh di mưta apakar lak vơk ka abih drei ka kadha urang gok dôm ajin mưk bihu pajru dhit yau halei. 37Abih bôl bhap yơng bhum Ghê-ra-sê likau di Pô Yê-su niga truh di khol nhu kaywa khol nhu biak thur mưk. Yau nan, Bhô trun gilai gilaic mai. 38Mưnuix bihu Pô Yê-su tiaup ajin likau dok vơk thong Bhô, min Bhô brei nhu nao thang thong kakei: 39“Hư xang nao thang lak vơk dôm bruk prong pabha bloh Pô Lingik krung hu ngak ka hư.” Nan yơ urang nan nao, rao pahơh graup dhan dôm kabha prong pabha bloh Pô Yê-su krung hu ngak ka drei.
Anưk kamei Yai-ru thong urang kamei gok darah mai
(Ma-thi-ơ 9:18-26; Mag 5:21-43)
40Tuk Pô Yê-su gilaic mai, tapôr bôl rok daa Bhô kaywa abih drei jang mong akok Bhô. 41Hu tha kar mong iơk thang nhom angan Yai-ru mưrai pam rup di takai Pô Yê-su thong neh likau Bhô tamư thang drei, 42kaywa ong hu anưk kamei ralai, tha pluh dwa thun krưh tôk yava prong.
Tuk Pô Yê-su krưh nao, bôl bhap jhel ep tom dar Bhô. 43Hu tha urang kamei gok darah mai krung hu tha pluh dwa thun; [kanê krung hu karang abih jiên padai ka ralô gru bet],#8:43 [kanê krung hu karang abih jiên padai ka ralô gru bet]: Dalam tha thanôn blah vak tangin ôh hu dôm akhar ni. min ôh thei pajru bihu ka muk. 44Muk mưrai gah likuk thong ravơk jih ao Bhô yơ binhêt darah bơk vơk. 45Pô Yê-su bican: “Thei krung hu gōk tal Ita?” Ôh tha urang halei tôk trah, nan ka Phi-e-rơ#8:45 Phi-e-rơ: Dalam tha thanôn blah vak tangin nạn Phi-e-rơ thong yut côi. đôm: “Pathau Gru, tapôr bôl vang yơng thong jhel ep Gru min!” 46Pô Yê-su bican: “Hu thei krung hu ravơk Ita, kaywa Ita krưn thau hu xagta mưng Ita papar tabiak.” 47Tuk ƀôh drei ôh mưda padaup bihu vơk, muk hôic tatơk drei mưrai khôi pak anak Bhô thong đôm di anak bôl bhap habar muk krung hu ravơk Bhô thong binhêt bihu pajru dhit yau halei. 48Pô Yê-su bican thong muk: “Hơic anưk kamei Ita, sagar anưk krung hu pajru dhit ka anưk; xang nao thug siam!” 49Dalam tuk Bhô krưh đôm, yơ hu mưnuix mưng thang kar mong iơk thang nhom mưrai akhan: “Anưk kamei ong mưtai pajơ; jôi ngak mưduh Gru vơk.” 50Pô Yê-su hamit yau nan ka bican thong Yai-ru: “Jôi hôic, ciêt ukat dial yơ anưk hư mưca bihu dong diup vơk.” 51Tuk tal thang, Bhô ôh brei ka thei yam tamư thong Bhô, klāk tabiak Phi-e-rơ, Ya-kơ, Yâng, thong amek amư ban xit. 52Abih drei dok hia, patak parai ka nhu; min Bhô laic: “Jôi hia, kaywa nhu ôh mưtai, min dok đih.” 53Khol nhu klao bilei Bhô kaywa thau nhu mưtai biak pajơ. 54Pô Yê-su apan tangin kamei xit iêu prong xap: “Anưk lơy, xang bruh tagôk!” 55Thap xwan gilaic vơk, anưk kamei bruh tagôk vêt, thong Bhô pađar brei nhu ƀang. 56Amek amư ban xit biak plơng kadơng, min Bhô thurah ka khol nhu ôh bihu đôm thong pathar pathar urang halei ka bruk krung hu mưjiơng tabiak.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.