Lu-ka 9
9
Pô Yê-su pachai Tha Pluh Dwa Xêh Pachai
(Ma-thi-ơ 10:5-15; 14:1-12; Mag 6:7-29)
1Pô Yê-su iêu tha pluh dwa Xêh Pachai nhom vơk ƀai gon xagta thong aco gon piêh tiaup dôm ajin thong pajru rwak. 2Bhô pachai khol nhu nao rao lang Dit Biya Pô Lingik thong pajru dhit urang rwak. 3Bhô pađar khol nhu: “Tuk nao di jalan jôi ba haget tui, jôi ba gai drưg, tabik, tapei, jiên padai; lijang jôi ba dwa blah ao lah. 4Khol hư tamư thang halei, xang dok tak nan ka tal tuk tabiak nao. 5#Bruk 13:51.#Lu 10:4-11.Libik halei mưnuix urang ôh rok daa khol hư yơ tuk tabiak truh di dhan nan xang papơh dhul truh di takai drei yau tha panôic kaxan pagan gađi khol nhu.” 6Dôm Xêh Pachai tabiak nao, tapa dôm palei pala, rao lang Khao Siam graup libik thong pajru dhit rwak hakik.
Gruk kauk hôic anưd patao Hê-rôt
7 #
Mat 16:14; Mag 8:28; Lu 9:19. Kal nan, Hê-rôt nạn patao camưnoh hamit đôm ka dôm bruk mưjiơng tabiak yơ biak rabha tian, kaywa urang ni đôm: “Yâng krung hu mưng lôg mưtai diup vơk;” 8ra dêh yơ laic: “Ê-li krung hu bhat tabiak;” dok urang pakan vơk gilaic đôm: “Tha dalam dôm pakat hôr rai yao krung hu diup vơk.” 9Hê-rôt đôm: “Kami tacoh akok Yâng pajơ, dok urang ni nạn thei, bloh kami hamit krung hu ngak dôm bruk yau nan?” Patao dwah ganap gōk Pô Yê-su.
Pô Yê-su thrơh tapei ka limư ribau urang ƀang
(Ma-thi-ơ 14:13-21; Mag 6:30-44; Yâng 6:1-14)
10Dôm Xêh Pachai gilaic mai pathau thong Pô Yê-su abih bruk khol nhu krung hu ngak. Bhô ba dôm Xêh Pachai tabiak nao karei, tal tha dhan iêu nạn Ƀêt-sai-đa. 11Tuk bôl bhap thau bihu, yơ nao tui Bhô. Pô Yê-su rok daa khol nhu, lang ka Dit Biya Pô Lingik ka khol nhu, thong pajru dhit ka thei hajat pajru dhit. 12Tuk lingik jek thi xup, tha pluh dwa Xêh Pachai mai pathau thong Bhô: “Likau brei bôl bhap nao piêh khol nhu tamư dôm palei pala tom dar ni piêh lơh ywa thong dwah kaya ƀang, kaywa khol drei dok lingui jwa.” 13Min Bhô bican: “Êng khol hư xang brei ka khol nhu ƀang.” Dôm Xêh Pachai pathau: “Khol dahlak ciêt hu limư kleh tapei thong dwa ikan min. Ngan Bhô ưng khol dahlak nao blei kaya ƀang ka tapôr bôl ni habar?” 14Kaywa hu nôic limư ribau urang likei, nan ka Bhô bican thong dôm anưk xêh: “Xang pađar khol nhu dok dala tui kavôm, yāup kavôm limư pluh urang.” 15Dôm anưk xêh kadha thong pađar abih drei dok dala. 16Pô Yê-su mưk limư kleh tapei thong dwa ikan, talāk mưta tagôk lingik, đwa karun bloh pek tabiak yêr ka dôm anưk xêh piêh rabha takhat ka tapôr bôl. 17Abih drei jang ƀang trei laơh. Khol nhu dôn patom vơk bihu tha pluh dwa habai bak dôm kleh tapei libeh.
Phi-e-rơ pađang akhan Pô Yê-su nạn Anưk Pô Lingik
(Ma-thi-ơ 16:13-19; Mag 8:27-29)
18Tuk Pô Yê-su dok lang kar karei, dôm anưk xêh tom nhom yơng Bhô. Bhô tanhi khol nhu: “Bôl bhap đôm Ita nạn thei?” 19#Mat 14:1,2; Mag 6:14,15; Lu 9:7,8.Khol nhu pathau: “Mưnuix ni đôm nạn Yâng Bap-tit, ra pakan đôm nạn Ê-li; mưnuix pakan vơk đôm nạn tha dalam dôm pakat hôr rai yao diup vơk.” 20#Yâ 6:68,69.Bhô gilaic tanhi khol nhu: “Dok khol hư yơ đôm Ita nạn thei?” Phi-e-rơ thuuk: “Gru nạn Dê Krist anưd Pô Lingik.” 21Pô Yê-su pakaup thong thurah ka dôm anưk xêh ôh đôm kabha nan thong pathar pathar thei.
Pô Yê-su brei thau dahlau gruk Bhô mưtai thong diup vơk
(Ma-thi-ơ 16:21-28; Mag 8:31–9:1)
22Pô Yê-su bican: “Anưk Mưnuix xang ciup ralô kabha khak, xang gok dôm ginôr taha, dôm gru mưliêng prong thong dôm gru pato adat kamlah klāk, xang gok pamưtai, tal harei ya klau xang diup vơk.” 23#Mat 10:38; Lu 14:27.Bhô bican thong abih drei: “Mưyah thei ưng tui Ita, xang kamlah klāk êng drei, yāup harei gilam gai gan gak drei bloh tui Ita. 24#Mat 10:39; Lu 17:33; Yâ 12:25.Kaywa thei ưng dong xwan diup drei yơ mưca lihik, dok thei kaywa Ita bloh lihik xwan diup drei yơ mưca dong hu xwan diup drei. 25Mưyah urang halei hu abih dunya bloh êng drei gok pao lihik ngan xang ciup an tamar yơ hu hanim haget? 26Mưyah thei mưlau mưlit ka Ita thong panôic Ita yơ mưca Anưk Mưnuix mưlau mưlit ka mưnuix nạn tuk Bhô biđang mưrai dalam xêh mưlang drei, Amư thong dôm umat nưbi. 27Biak jơh, Ita đôm thong khol hư, tha thanôn urang dang tak ni, mưca ôh mưtai dahlau di tuk ƀôh Dit Biya Pô Lingik.”
Pô Yê-su thrơh thek
(Ma-thi-ơ 17:1-8; Mag 9:2-8)
28Nôic hadei di dalipan harei tuk bican dôm panôic ni, Pô Yê-su ba Phi-e-rơ, Yâng thong Ya-kơ nao thong Bhô tagôk cơk piêh lang kar. 29Krưh tuk lang kar, ia ƀok Bhô xalih pakan, ao Bhô gilaic ƀông thong hadah tanrak. 30Dêh hu dwa urang đôm pôic thong Bhô, nan nạn Mô-se thong Ê-li. 31Khol nhu bhat tabiak dalam xêh mưlang thong đôm ka gruk Bhô mưtai, nạn bruk Bhô thi ngak thit tak dhan Yê-ru-sa-lem. 32Phi-e-rơ thong dôm ayut ong biak tơk vah, min tuk drưg mưdơh, khol nhu ƀôh xêh mưlang Pô Yê-su thong dwa urang dang thong Bhô. 33Tuk dwa urang niga truh di Pô Yê-su, Phi-e-rơ pathau thong Bhô laic: “Pathau Gru, khol drei dok tak ni biak siam, likau brei khol dahlak ngak klau boh hadai: tha ka Gru, tha ka Mô-se, thong tha ka Ê-li.” Ong đôm min ôh thau drei đôm haget. 34Tuk Phi-e-rơ krưh đôm, hu tha halong taganum katung mưrai tulam khol nhu; dôm anưk xêh thur mưk tuk tamư dalam halong taganum. 35#Mat 3:17; Mat 12:18; Mag 1:11; Lu 3:22.#II Phi 1:17,18.Bloh hu xap mưng dalam halong taganum bican laic: “Sani nạn Anưk Ita, Mưnuix bloh Ita krung hu rwah, xang pang kadha Mưnuix.” 36Tuk xap nan birau kloh, yơ ciêt dok vơk tha drei Pô Yê-su min. Dalam dôm harei nan, dôm anưk xêh khik gađang krap, ôh đôm ka thei thau dôm haget drei krung hu ƀôh di mưta.
Pô Yê-su tiaup tan ok yang ka ban xit
(Ma-thi-ơ 7:14-18; Mag 8:14-27)
37Harei hadei, tuk Pô Yê-su mưthong anưk xêh mưng cơk trun, hu tapôr bôl mưrai gōk Bhô. 38Dêh, hu tha urang dalam tapôr ralô prêu tagôk laic: “Gru lơy, likau di Gru athur alim anưk likei dahlak, kaywa nhu nạn anưk ralai dahlak. 39Tuk gok tan ok yang mưk, kamôn asak prêu tagôk, paboh drei ju ia pabah, ngak birah rup pabhap thong takik tuk nhu ciup niga truh di kamôn. 40Dahlak krung hu likau di dôm anưk xêh Gru tiaup ajin nan, min khol nhu tiaup ôh bihu.” 41Pô Yê-su thuuk: “Hơic rai rak ôh dial thong panik dêh! Mưca Ita dok thong khol hư, dadôn khol hư ka tal tuk halei? Xang ba anưk likei hư mai sani!” 42Tuk ban xit birau mai jek, ajin paboh katang nhu trun di tanưh, paboh drei nhu. Min Pô Yê-su xayok tan ok yang thong pajru dhit ban xit nan, bloh jao vơk ka amư nhu.
Pô Yê-su gilaic brei thau dahlau ka gruk Bhô mưtai thong diup vơk
(Ma-thi-ơ 17:22,23; Mag 9:30-32)
43Abih drei jang plơng kadơng ka gon xagta glong yatha anưd Pô Lingik. Dalam tuk abih drei krưh plơng kadơng ka abih bruk Pô Yê-su krung hu ngak, yơ Bhô bican thong dôm anưk xêh: 44“Khol hư xang pang tanat dôm panôic ni: Anưk Mưnuix mưca gok jao dalam tangin mưnuix urang.” 45Min dôm anưk xêh ôh thau panôic nan. Jom thong khol nhu, panôic nan dok gok pacang kavơk ngak ka khol nhu ôh thwat tik bihu, min khol nhu hôic ôh khin tanhi Bhô.
Gruk glong banrik biak
(Ma-thi-ơ 18:1-5; Mag 9:33-40)
46 #
Lu 22:24. Dôm anưk xêh jajek thong gaup, iơk thei dalam thanôn khol nhu nạn mưnuix glong banrik yatha. 47Pô Yê-su thau thangka dalam tian khol nhu, nan ka ba tha adei xit cek di ganak drei 48#Mat 10:40; Lu 10:16; Yâ 13:20.bloh bican thong khol nhu: “Urang halei kaywa angan Ita rok daa ban xit ni ar nạn rok daa Ita, dok thei rok daa Ita ar nạn rok daa Dê krung hu pachai Ita. Kaywa urang halei axit yatha dalam khol hư êng nạn mưnuix glong banrik yatha.”
Thei ôh mưradhag di khol drei nạn bha di khol drei
(Mag 9:38-40)
49Yâng thuuk laic: “Pathau Gru, khol dahlak ƀôh tha urang nưmax angan Gru bloh tiaup dôm ajin, khol dahlak krung hu pakaup kaywa urang nan ôh tui khol drei.” 50Min Pô Yê-su bican thong ong: “Jôi pakaup, kaywa thei ôh pagan gađi thong khol hư nạn ligeh thong khol hư.”
Pô Yê-su nao tagôk Yê-ru-sa-lem
(9:51 – 19:28)
Pô Yê-su dok tak Sa-ma-ri
51Jek tal harei Pô Yê-su bihu rok tagôk thôr riga, Bhô mư irat nao mưrai dhan Yê-ru-sa-lem. 52Bhô pachai dôm kaphwari nao dahlau di drei. Khol nhu nao tamư tha palei anưd mưnuix Sa-ma-ri piêh thrap gap thang padei ka Bhô. 53Min mưnuix Sa-ma-ri ôh rok daa Bhô, kaywa Bhô nao adih dhan Yê-ru-sa-lem. 54Ya-kơ thong Yâng nạn anưk xêh Bhô ƀôh yau nan, pathau: “Pô lơy, Pô hu ưng khol dahlak ngak ka apui mưng lingik trun thubang khol nhu#9:54 thubang khol nhu: Dalam tha thanôn blah vak tangin nạn thubang khol nhu yau Ê-li krung hu ngak. kaic?” 55Min Pô Yê-su gaic vơk xayok dwa urang;#9:55 dwa urang: Dalam tha thanôn blah vak tangin nạn dwa urang bloh đôm: “Khol hư ôh thau yang halei pacuh drei.” Anưk Mưnuix krung hu mưrai ôh njaup piêh thubang rai diup min piêh dong paklah. 56bloh Bhô mưthong dôm anưk xêh tapa palei pakan.
Yom piêh tui Pô Yê-su
(Ma-thi-ơ 8:19-22)
57Tuk nao di jalan, tha urang pathau thong Pô Yê-su: “Gru nao tao, mưca dahlak tui pak nan.” 58Pô Yê-su thuuk: “Mưja hu gôk, cim birim hu thruh, min Anưk Mưnuix ôh hu libik gôl akok.” 59Bhô bican thong tha urang pakan: “Xang tui Ita.” Min urang nan pathau: “Pô lơy, likau brei idin ka dahlak nao thang dar ramik amư dahlak dahlau ka.” 60Min Pô Yê-su bican: “Xang lôi ka mưnuix mưtai dar ra mưtai khol nhu; dok hư xang nao thong rao lang Dit Biya Pô Lingik.” 61Tha urang pakan vơk pathau: “Pô lơy, mưca dahlak tui Pô, min brei idin ka dahlak nao thang likau drei di mưnga vôm dahlak dahlau ka.” 62Pô Yê-su thuuk: “Thei krung hu tho lingan bloh linhe gah likuk yơ ôh lek ligeh thong Dit Biya Pô Lingik.”
Actualmente seleccionado:
Lu-ka 9: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 9
9
Pô Yê-su pachai Tha Pluh Dwa Xêh Pachai
(Ma-thi-ơ 10:5-15; 14:1-12; Mag 6:7-29)
1Pô Yê-su iêu tha pluh dwa Xêh Pachai nhom vơk ƀai gon xagta thong aco gon piêh tiaup dôm ajin thong pajru rwak. 2Bhô pachai khol nhu nao rao lang Dit Biya Pô Lingik thong pajru dhit urang rwak. 3Bhô pađar khol nhu: “Tuk nao di jalan jôi ba haget tui, jôi ba gai drưg, tabik, tapei, jiên padai; lijang jôi ba dwa blah ao lah. 4Khol hư tamư thang halei, xang dok tak nan ka tal tuk tabiak nao. 5#Bruk 13:51.#Lu 10:4-11.Libik halei mưnuix urang ôh rok daa khol hư yơ tuk tabiak truh di dhan nan xang papơh dhul truh di takai drei yau tha panôic kaxan pagan gađi khol nhu.” 6Dôm Xêh Pachai tabiak nao, tapa dôm palei pala, rao lang Khao Siam graup libik thong pajru dhit rwak hakik.
Gruk kauk hôic anưd patao Hê-rôt
7 #
Mat 16:14; Mag 8:28; Lu 9:19. Kal nan, Hê-rôt nạn patao camưnoh hamit đôm ka dôm bruk mưjiơng tabiak yơ biak rabha tian, kaywa urang ni đôm: “Yâng krung hu mưng lôg mưtai diup vơk;” 8ra dêh yơ laic: “Ê-li krung hu bhat tabiak;” dok urang pakan vơk gilaic đôm: “Tha dalam dôm pakat hôr rai yao krung hu diup vơk.” 9Hê-rôt đôm: “Kami tacoh akok Yâng pajơ, dok urang ni nạn thei, bloh kami hamit krung hu ngak dôm bruk yau nan?” Patao dwah ganap gōk Pô Yê-su.
Pô Yê-su thrơh tapei ka limư ribau urang ƀang
(Ma-thi-ơ 14:13-21; Mag 6:30-44; Yâng 6:1-14)
10Dôm Xêh Pachai gilaic mai pathau thong Pô Yê-su abih bruk khol nhu krung hu ngak. Bhô ba dôm Xêh Pachai tabiak nao karei, tal tha dhan iêu nạn Ƀêt-sai-đa. 11Tuk bôl bhap thau bihu, yơ nao tui Bhô. Pô Yê-su rok daa khol nhu, lang ka Dit Biya Pô Lingik ka khol nhu, thong pajru dhit ka thei hajat pajru dhit. 12Tuk lingik jek thi xup, tha pluh dwa Xêh Pachai mai pathau thong Bhô: “Likau brei bôl bhap nao piêh khol nhu tamư dôm palei pala tom dar ni piêh lơh ywa thong dwah kaya ƀang, kaywa khol drei dok lingui jwa.” 13Min Bhô bican: “Êng khol hư xang brei ka khol nhu ƀang.” Dôm Xêh Pachai pathau: “Khol dahlak ciêt hu limư kleh tapei thong dwa ikan min. Ngan Bhô ưng khol dahlak nao blei kaya ƀang ka tapôr bôl ni habar?” 14Kaywa hu nôic limư ribau urang likei, nan ka Bhô bican thong dôm anưk xêh: “Xang pađar khol nhu dok dala tui kavôm, yāup kavôm limư pluh urang.” 15Dôm anưk xêh kadha thong pađar abih drei dok dala. 16Pô Yê-su mưk limư kleh tapei thong dwa ikan, talāk mưta tagôk lingik, đwa karun bloh pek tabiak yêr ka dôm anưk xêh piêh rabha takhat ka tapôr bôl. 17Abih drei jang ƀang trei laơh. Khol nhu dôn patom vơk bihu tha pluh dwa habai bak dôm kleh tapei libeh.
Phi-e-rơ pađang akhan Pô Yê-su nạn Anưk Pô Lingik
(Ma-thi-ơ 16:13-19; Mag 8:27-29)
18Tuk Pô Yê-su dok lang kar karei, dôm anưk xêh tom nhom yơng Bhô. Bhô tanhi khol nhu: “Bôl bhap đôm Ita nạn thei?” 19#Mat 14:1,2; Mag 6:14,15; Lu 9:7,8.Khol nhu pathau: “Mưnuix ni đôm nạn Yâng Bap-tit, ra pakan đôm nạn Ê-li; mưnuix pakan vơk đôm nạn tha dalam dôm pakat hôr rai yao diup vơk.” 20#Yâ 6:68,69.Bhô gilaic tanhi khol nhu: “Dok khol hư yơ đôm Ita nạn thei?” Phi-e-rơ thuuk: “Gru nạn Dê Krist anưd Pô Lingik.” 21Pô Yê-su pakaup thong thurah ka dôm anưk xêh ôh đôm kabha nan thong pathar pathar thei.
Pô Yê-su brei thau dahlau gruk Bhô mưtai thong diup vơk
(Ma-thi-ơ 16:21-28; Mag 8:31–9:1)
22Pô Yê-su bican: “Anưk Mưnuix xang ciup ralô kabha khak, xang gok dôm ginôr taha, dôm gru mưliêng prong thong dôm gru pato adat kamlah klāk, xang gok pamưtai, tal harei ya klau xang diup vơk.” 23#Mat 10:38; Lu 14:27.Bhô bican thong abih drei: “Mưyah thei ưng tui Ita, xang kamlah klāk êng drei, yāup harei gilam gai gan gak drei bloh tui Ita. 24#Mat 10:39; Lu 17:33; Yâ 12:25.Kaywa thei ưng dong xwan diup drei yơ mưca lihik, dok thei kaywa Ita bloh lihik xwan diup drei yơ mưca dong hu xwan diup drei. 25Mưyah urang halei hu abih dunya bloh êng drei gok pao lihik ngan xang ciup an tamar yơ hu hanim haget? 26Mưyah thei mưlau mưlit ka Ita thong panôic Ita yơ mưca Anưk Mưnuix mưlau mưlit ka mưnuix nạn tuk Bhô biđang mưrai dalam xêh mưlang drei, Amư thong dôm umat nưbi. 27Biak jơh, Ita đôm thong khol hư, tha thanôn urang dang tak ni, mưca ôh mưtai dahlau di tuk ƀôh Dit Biya Pô Lingik.”
Pô Yê-su thrơh thek
(Ma-thi-ơ 17:1-8; Mag 9:2-8)
28Nôic hadei di dalipan harei tuk bican dôm panôic ni, Pô Yê-su ba Phi-e-rơ, Yâng thong Ya-kơ nao thong Bhô tagôk cơk piêh lang kar. 29Krưh tuk lang kar, ia ƀok Bhô xalih pakan, ao Bhô gilaic ƀông thong hadah tanrak. 30Dêh hu dwa urang đôm pôic thong Bhô, nan nạn Mô-se thong Ê-li. 31Khol nhu bhat tabiak dalam xêh mưlang thong đôm ka gruk Bhô mưtai, nạn bruk Bhô thi ngak thit tak dhan Yê-ru-sa-lem. 32Phi-e-rơ thong dôm ayut ong biak tơk vah, min tuk drưg mưdơh, khol nhu ƀôh xêh mưlang Pô Yê-su thong dwa urang dang thong Bhô. 33Tuk dwa urang niga truh di Pô Yê-su, Phi-e-rơ pathau thong Bhô laic: “Pathau Gru, khol drei dok tak ni biak siam, likau brei khol dahlak ngak klau boh hadai: tha ka Gru, tha ka Mô-se, thong tha ka Ê-li.” Ong đôm min ôh thau drei đôm haget. 34Tuk Phi-e-rơ krưh đôm, hu tha halong taganum katung mưrai tulam khol nhu; dôm anưk xêh thur mưk tuk tamư dalam halong taganum. 35#Mat 3:17; Mat 12:18; Mag 1:11; Lu 3:22.#II Phi 1:17,18.Bloh hu xap mưng dalam halong taganum bican laic: “Sani nạn Anưk Ita, Mưnuix bloh Ita krung hu rwah, xang pang kadha Mưnuix.” 36Tuk xap nan birau kloh, yơ ciêt dok vơk tha drei Pô Yê-su min. Dalam dôm harei nan, dôm anưk xêh khik gađang krap, ôh đôm ka thei thau dôm haget drei krung hu ƀôh di mưta.
Pô Yê-su tiaup tan ok yang ka ban xit
(Ma-thi-ơ 7:14-18; Mag 8:14-27)
37Harei hadei, tuk Pô Yê-su mưthong anưk xêh mưng cơk trun, hu tapôr bôl mưrai gōk Bhô. 38Dêh, hu tha urang dalam tapôr ralô prêu tagôk laic: “Gru lơy, likau di Gru athur alim anưk likei dahlak, kaywa nhu nạn anưk ralai dahlak. 39Tuk gok tan ok yang mưk, kamôn asak prêu tagôk, paboh drei ju ia pabah, ngak birah rup pabhap thong takik tuk nhu ciup niga truh di kamôn. 40Dahlak krung hu likau di dôm anưk xêh Gru tiaup ajin nan, min khol nhu tiaup ôh bihu.” 41Pô Yê-su thuuk: “Hơic rai rak ôh dial thong panik dêh! Mưca Ita dok thong khol hư, dadôn khol hư ka tal tuk halei? Xang ba anưk likei hư mai sani!” 42Tuk ban xit birau mai jek, ajin paboh katang nhu trun di tanưh, paboh drei nhu. Min Pô Yê-su xayok tan ok yang thong pajru dhit ban xit nan, bloh jao vơk ka amư nhu.
Pô Yê-su gilaic brei thau dahlau ka gruk Bhô mưtai thong diup vơk
(Ma-thi-ơ 17:22,23; Mag 9:30-32)
43Abih drei jang plơng kadơng ka gon xagta glong yatha anưd Pô Lingik. Dalam tuk abih drei krưh plơng kadơng ka abih bruk Pô Yê-su krung hu ngak, yơ Bhô bican thong dôm anưk xêh: 44“Khol hư xang pang tanat dôm panôic ni: Anưk Mưnuix mưca gok jao dalam tangin mưnuix urang.” 45Min dôm anưk xêh ôh thau panôic nan. Jom thong khol nhu, panôic nan dok gok pacang kavơk ngak ka khol nhu ôh thwat tik bihu, min khol nhu hôic ôh khin tanhi Bhô.
Gruk glong banrik biak
(Ma-thi-ơ 18:1-5; Mag 9:33-40)
46 #
Lu 22:24. Dôm anưk xêh jajek thong gaup, iơk thei dalam thanôn khol nhu nạn mưnuix glong banrik yatha. 47Pô Yê-su thau thangka dalam tian khol nhu, nan ka ba tha adei xit cek di ganak drei 48#Mat 10:40; Lu 10:16; Yâ 13:20.bloh bican thong khol nhu: “Urang halei kaywa angan Ita rok daa ban xit ni ar nạn rok daa Ita, dok thei rok daa Ita ar nạn rok daa Dê krung hu pachai Ita. Kaywa urang halei axit yatha dalam khol hư êng nạn mưnuix glong banrik yatha.”
Thei ôh mưradhag di khol drei nạn bha di khol drei
(Mag 9:38-40)
49Yâng thuuk laic: “Pathau Gru, khol dahlak ƀôh tha urang nưmax angan Gru bloh tiaup dôm ajin, khol dahlak krung hu pakaup kaywa urang nan ôh tui khol drei.” 50Min Pô Yê-su bican thong ong: “Jôi pakaup, kaywa thei ôh pagan gađi thong khol hư nạn ligeh thong khol hư.”
Pô Yê-su nao tagôk Yê-ru-sa-lem
(9:51 – 19:28)
Pô Yê-su dok tak Sa-ma-ri
51Jek tal harei Pô Yê-su bihu rok tagôk thôr riga, Bhô mư irat nao mưrai dhan Yê-ru-sa-lem. 52Bhô pachai dôm kaphwari nao dahlau di drei. Khol nhu nao tamư tha palei anưd mưnuix Sa-ma-ri piêh thrap gap thang padei ka Bhô. 53Min mưnuix Sa-ma-ri ôh rok daa Bhô, kaywa Bhô nao adih dhan Yê-ru-sa-lem. 54Ya-kơ thong Yâng nạn anưk xêh Bhô ƀôh yau nan, pathau: “Pô lơy, Pô hu ưng khol dahlak ngak ka apui mưng lingik trun thubang khol nhu#9:54 thubang khol nhu: Dalam tha thanôn blah vak tangin nạn thubang khol nhu yau Ê-li krung hu ngak. kaic?” 55Min Pô Yê-su gaic vơk xayok dwa urang;#9:55 dwa urang: Dalam tha thanôn blah vak tangin nạn dwa urang bloh đôm: “Khol hư ôh thau yang halei pacuh drei.” Anưk Mưnuix krung hu mưrai ôh njaup piêh thubang rai diup min piêh dong paklah. 56bloh Bhô mưthong dôm anưk xêh tapa palei pakan.
Yom piêh tui Pô Yê-su
(Ma-thi-ơ 8:19-22)
57Tuk nao di jalan, tha urang pathau thong Pô Yê-su: “Gru nao tao, mưca dahlak tui pak nan.” 58Pô Yê-su thuuk: “Mưja hu gôk, cim birim hu thruh, min Anưk Mưnuix ôh hu libik gôl akok.” 59Bhô bican thong tha urang pakan: “Xang tui Ita.” Min urang nan pathau: “Pô lơy, likau brei idin ka dahlak nao thang dar ramik amư dahlak dahlau ka.” 60Min Pô Yê-su bican: “Xang lôi ka mưnuix mưtai dar ra mưtai khol nhu; dok hư xang nao thong rao lang Dit Biya Pô Lingik.” 61Tha urang pakan vơk pathau: “Pô lơy, mưca dahlak tui Pô, min brei idin ka dahlak nao thang likau drei di mưnga vôm dahlak dahlau ka.” 62Pô Yê-su thuuk: “Thei krung hu tho lingan bloh linhe gah likuk yơ ôh lek ligeh thong Dit Biya Pô Lingik.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.