Lu-ka 7
7
Pô Yê-su pajru dhit halun kar puk ginôr
(Ma-thi-ơ 8:5-13)
1Hadei di tuk rao lang abih panôic nan ka bôl bhap pang bloh, Pô Yê-su tamư dhan Ka-ƀê-na-um. 2Tha kar puk ginôr hu urang halun biak anit puja krưh rwak trak jek mưtai. 3Tuk hamit đôm ka Pô Yê-su, ong pađar dôm ginôr taha Yo Thaic likau di Bhô mưrai pajru rwak ka halun drei. 4Khol nhu mưrai tom Pô Yê-su neh likau laic: “Kwan pan akok biak đang ka Gru pajup 5kaywa ong anit bôl drei, thong krung hu darap thang nhom ka khol drei.” 6Yau nan, Pô Yê-su nao thong khol nhu. Tuk Bhô jek tal thang, kar puk ginôr pachai dôm ayut drei mưrai pathau thong Bhô: “Pô lơy, ôh khin ngak mưduh Pô yau nan, kaywa dahlak ôh lek thamgôn daa Pô tamư thang. 7Dahlak lijang xanưng drei ôh lek thamgôn piêh mưrai tom Pô. Ciêt likau di Bhô bican tha panôic yơ halun dahlak mưca bihu dhit. 8Kaywa êng dahlak lijang dok ala gon urang pakan, dahlak lijang hu bôl bala ala gon dahlak. Dahlak pađar urang ni: ‘Nao!’ yơ nhu nao, pađar urang dêh: ‘Mưrai!’ yơ nhu mưrai; thong pađar halun dahlak: ‘Ngak bruk ni!’ yơ nhu ngak.” 9Pang đôm panôic nạn Pô Yê-su plơng kadơng ka kar puk ginôr, gaic mai đôm thong tapôr bôl nao tui Bhô laic: “Ita đôm thong khol hư, dalam bôl I-sra-ên, Ita lijang ôh ƀôh sagar halei yau nan.” 10Dôm urang bihu pađar nao gilaic mai thang yơ ƀôh urang halun krung hu khang kadang bloh.
Anưk likei urang kamei bilau tak dhan Na-in
11Hadei di nan ôh livik,#7:11 Hadei di nan ôh livik: Dalam tha thanôn blah vak tangin nạn Harei hadei. Pô Yê-su nao tal dhan iêu nạn Na-in, hu ralô anưk xêh thubik tapôr bôl nao thong Bhô. 12Tuk Bhô mưrai jek pabah dhan, mưnuix urang birau cakông tabiak tha urang mưtai, nạn anưk likei ralai anưd urang kamei bilau. Hu ralô urang dok tak dhan nan nao ba đam mưtai thong muk. 13Pô ƀôh thong padrut tian athur alim muk bloh bican: “Jôi hia!” 14Bhô mưrai jek, ravơk bong, thong dôm urang cakông dơh vơk. Bhô bican: “Hơic pacei dam, Ita pađar hư bruh tagôk.” 15Urang mưtai bruh dok tagôk bloh raup đôm. Pô Yê-su jao nhu gilaic ka amek. 16Abih drei jang thur mưk bloh pôk mưyom Pô Lingik laic: “Hu dê hôr prong hu bhat tabiak krưh khol drei, thong Pô Lingik krung hu ravang bôl Bhô.” 17Khao ni danưy tabiak graup nưgar Yu-đê thong dôm bhum jek taphia.
Yâng Bap-tit pađao
(Ma-thi-ơ 11:2-19)
18Anưk xêh Yâng lak vơk ka ong abih bruk nan. Yâng iêu dwa anưk xêh drei 19bloh pachai khol nhu nao pathau thong Pô: “Gru hu njaup nạn Dê xang mưrai, ngan khol dahlak xang dok cang dê pakan?” 20Khol nhu mưrai tom Pô Yê-su, pathau laic: “Yâng Bap-tit pachai khol dahlak mưrai tanhi Gru: ‘Gru hu njaup nạn Dê xang mưrai, ngan khol dahlak dok cang dê pakan?’” 21Êng tuk nan, Pô Yê-su pajru dhit ka ralô urang rwak, urang jar jok, urang gok agarih yang mưk thong ngak ka ralô urang tagloh ƀôh bihu. 22Bhô thuuk thong khol nhu: “Xang nao lak vơk thong Yâng dôm kabha khol hư krung hu ƀôh thong hamit: Mưnuix tagloh bihu hadah, mưnuix joh bihu nao, mưnuix khalong bihu hacih, mưnuix langoh bihu hamit, mưnuix mưtai bihu diup vơk, mưnuix kathot bihu pang Khao Siam. 23Phôl ka urang halei ôh kalman di Ita!”
24Tuk dôm kaphwari Yâng krung hu nao bloh, Pô Yê-su raup đôm ka Yâng thong bôl bhap laic: “Khol hư nao iơk haget di libik bhum kamrang? Tha phun tabo gok angin mưgei kaic? 25Khol hư iơk haget vơk? Tha urang cuk ao ghwơh ghang kaic? Dêh, dôm urang cuk ao ghwơh ghang thong diup mưkhwơh yơ dok dalam mưdhir patao! 26Yau nan, khol hư dok nao iơk haget vơk? Tha pakat hôr kaic? Njaup, Ita đôm thong khol hư, hu mưnuix dok hơl di bih pakat hôr vơk. 27Hu panôic vak ka urang nan laic:
‘Mưni, Ita pachai kaphwari nao di anak Anưk,
Mưnuix mưca dagah jalan dahlau ka Anưk.’
28Ita đôm thong khol hư, dalam dôm urang kaywa urang kamei mưnưk tabiak, ôh thei ƀlwak hơl Yâng Bap-tit; min mưnuix axit yatha dalam Dit Biya Pô Lingik dok glong banrik hơl di ong nan.” 29#Mat 21:32; Lu 3:12.Abih bôl bhap thong dôm mưnuix mưk jiư krung hu ciup ka Yâng ngak ƀap-tem pang Bhô lang jang pakrưn Pô Lingik nạn kahanôt. 30Min mưnuix Pha-ri-si thong dôm gru adat ôh ciup Yâng ngak ƀap-tem yơ kamlah klāk kaxat anưd Pô Lingik piêh ka khol nhu. 31“Ywa nan ka, mưca Ita pagap dôm urang anưd rai rak ni thong haget, thong khol nhu drơh thei? 32Khol nhu drơh yau rineh dok lingiu ƀlang darak, iêu gaup bloh đôm: ‘Khol dahlak yuk pi bloh dôm ayut ôh tamia, khol dahlak doh kadha drut drôi bloh dôm ayut ôh hia cok.’ 33Kaywa Yâng Bap-tit krung hu mưrai, ôh ƀang tapei, ôh mưnhum alag yơ khol hư laic: ‘Ong nan gok ajin mưk.’ 34Dok Anưk Mưnuix mưrai, ƀang thong mưnhum yơ khol hư gilaic đôm: ‘Dêh, nan nạn urang jhak ƀang harang mưnhum, ayut thong mưnuix mưk jiư thong ra hu glaic.’ 35Min gruk jag karag bihu sahadah nhơ di athal jiơng nhu.”
Urang kamei danuh glaic bihu ampun
36Tha urang Pha-ri-si daa Pô Yê-su ƀang vār thong drei. Bhô tamư thang mưnuix Pha-ri-si nan thong dok di paban. 37#Mat 26:7; Mag 14:3; Yâ 12:3.Hu tha urang kamei danuh glaic mưdok di dhan nan hamit laic Bhô krưh dok ƀang tak thang mưnuix Pha-ri-si, nan ka ba mưrai tha kalok mưng mưtei padang mưnhưk hangau bak. 38Nai dang gah likuk di libik takai Pô Yê-su bloh hia, ia mưta pathah bak takai Bhô; bloh nai mưk ƀuk drei wak, cum takai Bhô thong luk mưnhưk hangau di ngok. 39Mưnuix Pha-ri-si krung hu daa Bhô, ƀôh yau nan, mưnưgxa: “Mưyah urang ni biak nạn pakat hôr, kardak krung hu thau urang kamei ravơk gok drei nạn thei, bha pakat mưnuix halei, kaywa nai nạn ra danuh glaic.” 40Pô Yê-su bican thong ong: “Hơic Si-môn, Ita hu hadôm panôic đôm thong hư.” Ong thuuk: “Likau Gru kưk đôm.” 41Bhô bican: “Tha pô thre hu dwa urang tavak thre: Tha urang tavak thre limư rituh đơ-ni-ê, urang dêh tavak thre limư pluh. 42Kaywa dwa urang ôh hu haget piêh biyar, nan ka pô thre pakloh ka bih dwa. Yau nan, dalam dwa urang nan, thei anit pô thre hơl?” 43Si-môn thuuk: “Dahlak xanưng nạn urang bloh pô krung hu pakloh ralô thre hơl.” Pô Yê-su bican: “Hư dơx xanưng njaup lô.” 44Bhô gaic vơk gah urang kamei thong bican thong Si-môn: “Hư ƀôh urang kamei ni halei thoh? Ita tamư thang hư, hư ôh brei ia rao takai; min urang kamei nan krung hu mưk ia mưta njok pathah takai Ita, bloh mưk ƀuk drei bloh wak. 45Hư ôh cum Ita, min mưng tuk Ita tamư thang hư, urang kamei nan takung cum takai Ita. 46Hư ôh luk mưnhưk ngok akok Ita, min urang kamei nan mưk mưnhưk hangau luk di takai Ita. 47Yau nan, Ita đôm thong hư, danuh glaic urang kamei ni ralô lô, min krung bihu ampun bih, nan ka urang kamei anit ranam ralô; dok urang bihu ampun takik yơ anit ranam takik.” 48Bloh Bhô bican thong urang kamei: “Danuh glaic hư krung bihu ampun.” 49Dôm urang dok mưthong paban thong Bhô đôm thong gaup: “Urang ni nạn thei mai hu gon ampun glaic?” 50Min Bhô bican thong urang kamei: “Sagar hư krung hu dong paklah hư, xang nao thug siam.”
Actualmente seleccionado:
Lu-ka 7: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 7
7
Pô Yê-su pajru dhit halun kar puk ginôr
(Ma-thi-ơ 8:5-13)
1Hadei di tuk rao lang abih panôic nan ka bôl bhap pang bloh, Pô Yê-su tamư dhan Ka-ƀê-na-um. 2Tha kar puk ginôr hu urang halun biak anit puja krưh rwak trak jek mưtai. 3Tuk hamit đôm ka Pô Yê-su, ong pađar dôm ginôr taha Yo Thaic likau di Bhô mưrai pajru rwak ka halun drei. 4Khol nhu mưrai tom Pô Yê-su neh likau laic: “Kwan pan akok biak đang ka Gru pajup 5kaywa ong anit bôl drei, thong krung hu darap thang nhom ka khol drei.” 6Yau nan, Pô Yê-su nao thong khol nhu. Tuk Bhô jek tal thang, kar puk ginôr pachai dôm ayut drei mưrai pathau thong Bhô: “Pô lơy, ôh khin ngak mưduh Pô yau nan, kaywa dahlak ôh lek thamgôn daa Pô tamư thang. 7Dahlak lijang xanưng drei ôh lek thamgôn piêh mưrai tom Pô. Ciêt likau di Bhô bican tha panôic yơ halun dahlak mưca bihu dhit. 8Kaywa êng dahlak lijang dok ala gon urang pakan, dahlak lijang hu bôl bala ala gon dahlak. Dahlak pađar urang ni: ‘Nao!’ yơ nhu nao, pađar urang dêh: ‘Mưrai!’ yơ nhu mưrai; thong pađar halun dahlak: ‘Ngak bruk ni!’ yơ nhu ngak.” 9Pang đôm panôic nạn Pô Yê-su plơng kadơng ka kar puk ginôr, gaic mai đôm thong tapôr bôl nao tui Bhô laic: “Ita đôm thong khol hư, dalam bôl I-sra-ên, Ita lijang ôh ƀôh sagar halei yau nan.” 10Dôm urang bihu pađar nao gilaic mai thang yơ ƀôh urang halun krung hu khang kadang bloh.
Anưk likei urang kamei bilau tak dhan Na-in
11Hadei di nan ôh livik,#7:11 Hadei di nan ôh livik: Dalam tha thanôn blah vak tangin nạn Harei hadei. Pô Yê-su nao tal dhan iêu nạn Na-in, hu ralô anưk xêh thubik tapôr bôl nao thong Bhô. 12Tuk Bhô mưrai jek pabah dhan, mưnuix urang birau cakông tabiak tha urang mưtai, nạn anưk likei ralai anưd urang kamei bilau. Hu ralô urang dok tak dhan nan nao ba đam mưtai thong muk. 13Pô ƀôh thong padrut tian athur alim muk bloh bican: “Jôi hia!” 14Bhô mưrai jek, ravơk bong, thong dôm urang cakông dơh vơk. Bhô bican: “Hơic pacei dam, Ita pađar hư bruh tagôk.” 15Urang mưtai bruh dok tagôk bloh raup đôm. Pô Yê-su jao nhu gilaic ka amek. 16Abih drei jang thur mưk bloh pôk mưyom Pô Lingik laic: “Hu dê hôr prong hu bhat tabiak krưh khol drei, thong Pô Lingik krung hu ravang bôl Bhô.” 17Khao ni danưy tabiak graup nưgar Yu-đê thong dôm bhum jek taphia.
Yâng Bap-tit pađao
(Ma-thi-ơ 11:2-19)
18Anưk xêh Yâng lak vơk ka ong abih bruk nan. Yâng iêu dwa anưk xêh drei 19bloh pachai khol nhu nao pathau thong Pô: “Gru hu njaup nạn Dê xang mưrai, ngan khol dahlak xang dok cang dê pakan?” 20Khol nhu mưrai tom Pô Yê-su, pathau laic: “Yâng Bap-tit pachai khol dahlak mưrai tanhi Gru: ‘Gru hu njaup nạn Dê xang mưrai, ngan khol dahlak dok cang dê pakan?’” 21Êng tuk nan, Pô Yê-su pajru dhit ka ralô urang rwak, urang jar jok, urang gok agarih yang mưk thong ngak ka ralô urang tagloh ƀôh bihu. 22Bhô thuuk thong khol nhu: “Xang nao lak vơk thong Yâng dôm kabha khol hư krung hu ƀôh thong hamit: Mưnuix tagloh bihu hadah, mưnuix joh bihu nao, mưnuix khalong bihu hacih, mưnuix langoh bihu hamit, mưnuix mưtai bihu diup vơk, mưnuix kathot bihu pang Khao Siam. 23Phôl ka urang halei ôh kalman di Ita!”
24Tuk dôm kaphwari Yâng krung hu nao bloh, Pô Yê-su raup đôm ka Yâng thong bôl bhap laic: “Khol hư nao iơk haget di libik bhum kamrang? Tha phun tabo gok angin mưgei kaic? 25Khol hư iơk haget vơk? Tha urang cuk ao ghwơh ghang kaic? Dêh, dôm urang cuk ao ghwơh ghang thong diup mưkhwơh yơ dok dalam mưdhir patao! 26Yau nan, khol hư dok nao iơk haget vơk? Tha pakat hôr kaic? Njaup, Ita đôm thong khol hư, hu mưnuix dok hơl di bih pakat hôr vơk. 27Hu panôic vak ka urang nan laic:
‘Mưni, Ita pachai kaphwari nao di anak Anưk,
Mưnuix mưca dagah jalan dahlau ka Anưk.’
28Ita đôm thong khol hư, dalam dôm urang kaywa urang kamei mưnưk tabiak, ôh thei ƀlwak hơl Yâng Bap-tit; min mưnuix axit yatha dalam Dit Biya Pô Lingik dok glong banrik hơl di ong nan.” 29#Mat 21:32; Lu 3:12.Abih bôl bhap thong dôm mưnuix mưk jiư krung hu ciup ka Yâng ngak ƀap-tem pang Bhô lang jang pakrưn Pô Lingik nạn kahanôt. 30Min mưnuix Pha-ri-si thong dôm gru adat ôh ciup Yâng ngak ƀap-tem yơ kamlah klāk kaxat anưd Pô Lingik piêh ka khol nhu. 31“Ywa nan ka, mưca Ita pagap dôm urang anưd rai rak ni thong haget, thong khol nhu drơh thei? 32Khol nhu drơh yau rineh dok lingiu ƀlang darak, iêu gaup bloh đôm: ‘Khol dahlak yuk pi bloh dôm ayut ôh tamia, khol dahlak doh kadha drut drôi bloh dôm ayut ôh hia cok.’ 33Kaywa Yâng Bap-tit krung hu mưrai, ôh ƀang tapei, ôh mưnhum alag yơ khol hư laic: ‘Ong nan gok ajin mưk.’ 34Dok Anưk Mưnuix mưrai, ƀang thong mưnhum yơ khol hư gilaic đôm: ‘Dêh, nan nạn urang jhak ƀang harang mưnhum, ayut thong mưnuix mưk jiư thong ra hu glaic.’ 35Min gruk jag karag bihu sahadah nhơ di athal jiơng nhu.”
Urang kamei danuh glaic bihu ampun
36Tha urang Pha-ri-si daa Pô Yê-su ƀang vār thong drei. Bhô tamư thang mưnuix Pha-ri-si nan thong dok di paban. 37#Mat 26:7; Mag 14:3; Yâ 12:3.Hu tha urang kamei danuh glaic mưdok di dhan nan hamit laic Bhô krưh dok ƀang tak thang mưnuix Pha-ri-si, nan ka ba mưrai tha kalok mưng mưtei padang mưnhưk hangau bak. 38Nai dang gah likuk di libik takai Pô Yê-su bloh hia, ia mưta pathah bak takai Bhô; bloh nai mưk ƀuk drei wak, cum takai Bhô thong luk mưnhưk hangau di ngok. 39Mưnuix Pha-ri-si krung hu daa Bhô, ƀôh yau nan, mưnưgxa: “Mưyah urang ni biak nạn pakat hôr, kardak krung hu thau urang kamei ravơk gok drei nạn thei, bha pakat mưnuix halei, kaywa nai nạn ra danuh glaic.” 40Pô Yê-su bican thong ong: “Hơic Si-môn, Ita hu hadôm panôic đôm thong hư.” Ong thuuk: “Likau Gru kưk đôm.” 41Bhô bican: “Tha pô thre hu dwa urang tavak thre: Tha urang tavak thre limư rituh đơ-ni-ê, urang dêh tavak thre limư pluh. 42Kaywa dwa urang ôh hu haget piêh biyar, nan ka pô thre pakloh ka bih dwa. Yau nan, dalam dwa urang nan, thei anit pô thre hơl?” 43Si-môn thuuk: “Dahlak xanưng nạn urang bloh pô krung hu pakloh ralô thre hơl.” Pô Yê-su bican: “Hư dơx xanưng njaup lô.” 44Bhô gaic vơk gah urang kamei thong bican thong Si-môn: “Hư ƀôh urang kamei ni halei thoh? Ita tamư thang hư, hư ôh brei ia rao takai; min urang kamei nan krung hu mưk ia mưta njok pathah takai Ita, bloh mưk ƀuk drei bloh wak. 45Hư ôh cum Ita, min mưng tuk Ita tamư thang hư, urang kamei nan takung cum takai Ita. 46Hư ôh luk mưnhưk ngok akok Ita, min urang kamei nan mưk mưnhưk hangau luk di takai Ita. 47Yau nan, Ita đôm thong hư, danuh glaic urang kamei ni ralô lô, min krung bihu ampun bih, nan ka urang kamei anit ranam ralô; dok urang bihu ampun takik yơ anit ranam takik.” 48Bloh Bhô bican thong urang kamei: “Danuh glaic hư krung bihu ampun.” 49Dôm urang dok mưthong paban thong Bhô đôm thong gaup: “Urang ni nạn thei mai hu gon ampun glaic?” 50Min Bhô bican thong urang kamei: “Sagar hư krung hu dong paklah hư, xang nao thug siam.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.