Lu-ka 23
23
Pô Yê-su di anak Phi-lat thong Hê-rôt
(Ma-thi-ơ 27:1-2,11-14; Mag 15:1-5; Yâng 18:28-38)
1Abih Ginum biai dang tagôk ba Pô Yê-su mưrai di anak Phi-lat. 2Khol nhu raup palek palam Bhô laic: “Khol dahlak krung hu dwah ƀôh urang ni pacuh bôl bhap brôk kalin, pakaup khol dahlak hakak jiư ka Sê-sa, thong tao êng drei nạn Dê Krist, nạn patao.” 3Phi-lat tanhi pađao Bhô: “Hư hu njaup patao bôl Yo Thaic halei?” Pô Yê-su thuuk: “Êng hư krung hu đôm yau nan.” 4Phi-lat đôm thong dôm gru mưliêng prong thong bôl bhap: “Ita ôh ƀôh urang ni hu glaic haget.” 5Min khol nhu kưk tha nưm đôm: “urang ni paxut bôl bhap, lang pato graup nưgar Yu-đê, raup mưng nưgar Ga-li-lê ka tal libik ni.”
Pô Yê-su di anak patao Hê-rôt
6Tuk pang kabha nan, Phi-lat tanhi iơk Bhô hu biak nạn mưnuix Ga-li-lê kaic. 7Tuk thau bihu Bhô bha di aco gon Hê-rôt pakrang, Phi-lat brei ba Bhô tal Hê-rôt, kal nan krưh dok tak dhan Yê-ru-sa-lem. 8Hê-rôt ƀôh Pô Yê-su yơ ôn lô, kaywa livik mai patao krung hu hamit đôm ka Bhô thong cong gōk Bhô thong pachôm bihu iơk Bhô ngak thunau crih. 9Ywa nan ka, Patao thôi tanhi ralô kanen, min Bhô ôh thuuk haget ô. 10Dôm gru mưliêng prong thong dôm gru pato adat dang jek nan palek palam Bhô din dan. 11Hê-rôt thong bôl bala paong thong klao bilei Bhô, cuk ka Bhô tha blah ao langau bloh ba jao Bhô ka Phi-lat. 12Dahlau dêh, Phi-lat thong Hê-rôt mưbai di gaup, min dalam harei nan khol nhu gilaic jiơng ayut côi.
Pô Yê-su gok padok an binax
(Ma-thi-ơ 27:15-26; Mag 15:6-15; Yâng 18:39–19:16)
13Phi-lat patom nhom dôm gru mưliêng prong, dôm kar pan akok thong bôl bhap mưrai bloh đôm laic: 14“Dôm ong krung hu ba jao urang ni ka ita ka glaic pacuh bôl brôk kalin; min ita krung hu athul tanhi di anak dôm ong, yơ ôh ƀôh urang nan tanrok tha glaic halei bloh dôm ong krung hu palek palam. 15Hê-rôt lijang ƀôh yau nan, kaywa krung hu ba jao nhu gilaic ka ita. Yau nan, urang ni ôh ngak kabha haget đang mưtai 16nan yơ ka mưca ita tong poh bloh palao tabiak.” 17[Tui adat, dalam harei rija, kwan xang palao tha radanuh ka bôl bhap.]#23:17 Dalam tha thanôn blah vak tangin ôh hu kanen 17.
18Khol nhu prêu tagôk: “Xang pamưtai urang ni thong palao Ƀa-ra-ƀa ka khol dahlak!” 19Ƀa-ra-ƀa gok jam kaywa glaic brôk kalin dalam dhan thong pamưtai mưnuix. 20Phi-lat ưng palao Pô Yê-su, nan ka ran kakal pahalar bôl bhap. 21Min bôl kưk prêu tagôk: “Pang đin nhu ngok gai gan gak! Pang đin nhu ngok gai gan gak!” 22Phi-lat gilaic đôm thong khol nhu tal ƀang ya klau: “Urang ni krung hu ngak kabha ag haget? Ita ôh dwah ƀôh urang ni hu glaic haget đang mưtai. Ywa nan ka, mưca ita tong poh bloh palao tabiak.” 23Min khol nhu bik prêu prong hơl, xang đôk pang đin Bhô tamư gai gan gak; thong xap prêu ot khol nhu krung hu jaiyak. 24Ywa nan ka Phi-lat mư irat tui panôic khol nhu đôk likau. 25Ong palao ban danuh bloh khol nhu krung hu likau, nạn ra brôk tagôk thong pamưtai mưnuix, bloh jao Pô Yê-su ka khol nhu tui jamal khol nhu ưng.
Pô Yê-su gok pang đin ngok gai gan gak
(Ma-thi-ơ 27:32-44; Mag 15:21-32; Yâng 19:17-27)
26Tuk ba Pô Yê-su nao, khol nhu mưk tha urang Si-ren, angan Si-môn, mưrai mưng bhum palei tagôk, thong khol nhu tatơk nhu xang gilam gai gan gak tui likuk Bhô. 27Hu tapôr bôl biak ralô nao tui Pô Yê-su thong hu ralô urang kamei cabak tada hia cok ka Bhô. 28Min Pô Yê-su yơng gilaic đôm thong khol nhu: “Hơic anưk kamei Yê-ru-sa-lem, jôi hia ka Ita, min xang hia ka êng khol hư thong anưk bik khol hư. 29Kaywa mưni, dôm harei thi tal, mưca mưnuix urang đôm: ‘Phôl ka urang kamei trak di anưk, ka thang anưk ôh bak tian thong tathau ôh brei anưk mum!’ 30#Cat 6:16.Bloh khol nhu đôm thong cơk: ‘Xang jalơh trun khol dahlak!’ thong đôm thong ƀôn: ‘Xang pacang kavơk padaup khol dahlak!’ 31Mưyah phun that bloh mưnuix urang dok dang yau nan, yơ phun thu mưca yau halei?” 32Khol nhu lijang ba dwa ban tanrok glaic pakan piêh binax harung thong Bhô. 33Tuk nao tal tha libik iêu nạn Ƀôn Hlau, khol nhu pang đin Bhô tamư gai gan gak thubik thong dwa ban tanrok glaic: Tha ban gah hanuk, tha ban gah iu Bhô. 34[Pô Yê-su lang kar laic: “Amư lơy, likau ampun ka khol nhu kaywa khol nhu ôh thau drei ngak kabha haget.”]#23:34 [Pô... haget]: Dalam tha thanôn blah vak tangin ôh hu dôm akhar ni. Bloh khol nhu thwak patik rabha gaup ao lah Bhô. 35Bôl bhap yơ dang mong, dok dôm urang pan akok yơ klao bilei Bhô laic: “Nhu krung hu dong paklah ra pakan, mưyah nhu biak nạn Dê Krist, mưnuix bihu Pô Lingik rwah, yơ xang piêh nhu êng dong drei mek!” 36Bôl bala lijang klao bilei Bhô, mai jek yêr ia taka ka Bhô mưnhum 37thong đôm: “Mưyah hư nạn patao bôl Yo Thaic xang êng dong drei mek!” 38Gah ngok akok Bhô hu talei akhar:#23:38 hu talei akhar: Dalam tha thanôn blah vak tangin nạn hu talei akhar bihu twôk mưng xap Hi-lap, La-tinh, thong Hê-ƀrơ. URANG NI NẠN PATAO BÔL YO THAI.
39Tha dalam dwa ban tanrok glaic gok tôr lijang jhơk jhel Bhô laic: “Ong ôh njaup nạn Dê Krist ô? Xang êng dong drei thong khol dahlak gêk!” 40Min ban dêh xayok nhu: “Hư lijang ciup mưthong tha an tamar, dok ôh hôic di Pô Lingik ô? 41Khol drei gok tamar nạn njaup; kaywa dan dun ita ciup lek thong bruk ita ngak, min urang ni ôh bik ngak tha kabha haget xwel.” 42Bloh nhu đôm: “Pô Yê-su lơy, tuk Bhô tamư dit biya drei bloh, likau kanal tal dahlak!” 43Pô Yê-su thuuk: “Biak jơh, Ita đôm thong hư, harei ni mưca hư bihu dok thong Ita dalam Pa-ra-đi.”#23:43 Pa-ra-đi: Ar nạn thôr riga.
Gruk mưtai anưd Pô Yê-su
(Ma-thi-ơ 27:45-56; Mag 15:33-41; Yâng 19:28-30)
44Kal nan, graup tanưh jang xup palup mưng nôic krưh pađiak ka tal tuk klau biêr harei. 45Ia harei gilaic jiơng xup, thubai lidu dalam huji hu tahak ngak dwa. 46Pô Yê-su prêu prong tagôk laic: “Amư lơy, Anưk likau jao thap xwan vơk dalam tangin Amư!” Bhô birau đôm bloh yơ tuh yava xwan taluic. 47Ƀôh apakar krung hu mưjiơng tabiak, kar puk ginôr tahamid Pô Lingik laic: “Urang ni biak nạn mưnuix kahanôt!” 48Abih tapôr bôl patom nhom vơk piêh iơk tathwik ni; Tuk ƀôh dôm kabha krung hu mưjiơng tabiak yơ khol nhu cabak tada gilaic mai. 49#Lu 8:2,3.Abih mưnuix krưn bưn Pô Yê-su thong dôm urang kamei tui Bhô mưng Ga-li-lê jang dang mưng atah ƀôh di mưta dôm bruk nan.
Gruk dar Pô Yê-su
(Ma-thi-ơ 27:57-61; Mag 15:42-47; Yâng 19:38-42)
50Hu tha urang angan Yô-sep, tha ginôr dalam Ginum Biai Mưdhir An, nạn mưnuix siam thong kahanôt, 51ôh bram ka mư irat thong angak anưd dôm urang dêh. Yô-sep palei pak dhan A-ri-ma-thê bha nưgar Yu-đê nạn mưnuix dok mong akok Dit Biya Pô Lingik. 52Ong mưrai tom Phi-lat likau atau Pô Yê-su. 53Tuk krung hu ba atau Bhô trun, Yô-sep mưk khan bai bong papok atau Bhô, bloh pađih Bhô dalam tanum krung hu ƀoh dalam patau, libik ô ka dar thei. 54Kal nan, nạn harei Thrap Gap thong harei Sa-ƀat thi tal. 55Dôm urang kamei nao thubik thong Pô Yê-su mưng nưgar Ga-li-lê lijang tui nao piêh iơk tanum thong ganap khol nhu dar Bhô. Bloh khol nhu gilaic mai, thrap gap athal harum thong mưnhưk hangau. 56Harei Sa-ƀat khol nhu padei gleh tui adat.
Actualmente seleccionado:
Lu-ka 23: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 23
23
Pô Yê-su di anak Phi-lat thong Hê-rôt
(Ma-thi-ơ 27:1-2,11-14; Mag 15:1-5; Yâng 18:28-38)
1Abih Ginum biai dang tagôk ba Pô Yê-su mưrai di anak Phi-lat. 2Khol nhu raup palek palam Bhô laic: “Khol dahlak krung hu dwah ƀôh urang ni pacuh bôl bhap brôk kalin, pakaup khol dahlak hakak jiư ka Sê-sa, thong tao êng drei nạn Dê Krist, nạn patao.” 3Phi-lat tanhi pađao Bhô: “Hư hu njaup patao bôl Yo Thaic halei?” Pô Yê-su thuuk: “Êng hư krung hu đôm yau nan.” 4Phi-lat đôm thong dôm gru mưliêng prong thong bôl bhap: “Ita ôh ƀôh urang ni hu glaic haget.” 5Min khol nhu kưk tha nưm đôm: “urang ni paxut bôl bhap, lang pato graup nưgar Yu-đê, raup mưng nưgar Ga-li-lê ka tal libik ni.”
Pô Yê-su di anak patao Hê-rôt
6Tuk pang kabha nan, Phi-lat tanhi iơk Bhô hu biak nạn mưnuix Ga-li-lê kaic. 7Tuk thau bihu Bhô bha di aco gon Hê-rôt pakrang, Phi-lat brei ba Bhô tal Hê-rôt, kal nan krưh dok tak dhan Yê-ru-sa-lem. 8Hê-rôt ƀôh Pô Yê-su yơ ôn lô, kaywa livik mai patao krung hu hamit đôm ka Bhô thong cong gōk Bhô thong pachôm bihu iơk Bhô ngak thunau crih. 9Ywa nan ka, Patao thôi tanhi ralô kanen, min Bhô ôh thuuk haget ô. 10Dôm gru mưliêng prong thong dôm gru pato adat dang jek nan palek palam Bhô din dan. 11Hê-rôt thong bôl bala paong thong klao bilei Bhô, cuk ka Bhô tha blah ao langau bloh ba jao Bhô ka Phi-lat. 12Dahlau dêh, Phi-lat thong Hê-rôt mưbai di gaup, min dalam harei nan khol nhu gilaic jiơng ayut côi.
Pô Yê-su gok padok an binax
(Ma-thi-ơ 27:15-26; Mag 15:6-15; Yâng 18:39–19:16)
13Phi-lat patom nhom dôm gru mưliêng prong, dôm kar pan akok thong bôl bhap mưrai bloh đôm laic: 14“Dôm ong krung hu ba jao urang ni ka ita ka glaic pacuh bôl brôk kalin; min ita krung hu athul tanhi di anak dôm ong, yơ ôh ƀôh urang nan tanrok tha glaic halei bloh dôm ong krung hu palek palam. 15Hê-rôt lijang ƀôh yau nan, kaywa krung hu ba jao nhu gilaic ka ita. Yau nan, urang ni ôh ngak kabha haget đang mưtai 16nan yơ ka mưca ita tong poh bloh palao tabiak.” 17[Tui adat, dalam harei rija, kwan xang palao tha radanuh ka bôl bhap.]#23:17 Dalam tha thanôn blah vak tangin ôh hu kanen 17.
18Khol nhu prêu tagôk: “Xang pamưtai urang ni thong palao Ƀa-ra-ƀa ka khol dahlak!” 19Ƀa-ra-ƀa gok jam kaywa glaic brôk kalin dalam dhan thong pamưtai mưnuix. 20Phi-lat ưng palao Pô Yê-su, nan ka ran kakal pahalar bôl bhap. 21Min bôl kưk prêu tagôk: “Pang đin nhu ngok gai gan gak! Pang đin nhu ngok gai gan gak!” 22Phi-lat gilaic đôm thong khol nhu tal ƀang ya klau: “Urang ni krung hu ngak kabha ag haget? Ita ôh dwah ƀôh urang ni hu glaic haget đang mưtai. Ywa nan ka, mưca ita tong poh bloh palao tabiak.” 23Min khol nhu bik prêu prong hơl, xang đôk pang đin Bhô tamư gai gan gak; thong xap prêu ot khol nhu krung hu jaiyak. 24Ywa nan ka Phi-lat mư irat tui panôic khol nhu đôk likau. 25Ong palao ban danuh bloh khol nhu krung hu likau, nạn ra brôk tagôk thong pamưtai mưnuix, bloh jao Pô Yê-su ka khol nhu tui jamal khol nhu ưng.
Pô Yê-su gok pang đin ngok gai gan gak
(Ma-thi-ơ 27:32-44; Mag 15:21-32; Yâng 19:17-27)
26Tuk ba Pô Yê-su nao, khol nhu mưk tha urang Si-ren, angan Si-môn, mưrai mưng bhum palei tagôk, thong khol nhu tatơk nhu xang gilam gai gan gak tui likuk Bhô. 27Hu tapôr bôl biak ralô nao tui Pô Yê-su thong hu ralô urang kamei cabak tada hia cok ka Bhô. 28Min Pô Yê-su yơng gilaic đôm thong khol nhu: “Hơic anưk kamei Yê-ru-sa-lem, jôi hia ka Ita, min xang hia ka êng khol hư thong anưk bik khol hư. 29Kaywa mưni, dôm harei thi tal, mưca mưnuix urang đôm: ‘Phôl ka urang kamei trak di anưk, ka thang anưk ôh bak tian thong tathau ôh brei anưk mum!’ 30#Cat 6:16.Bloh khol nhu đôm thong cơk: ‘Xang jalơh trun khol dahlak!’ thong đôm thong ƀôn: ‘Xang pacang kavơk padaup khol dahlak!’ 31Mưyah phun that bloh mưnuix urang dok dang yau nan, yơ phun thu mưca yau halei?” 32Khol nhu lijang ba dwa ban tanrok glaic pakan piêh binax harung thong Bhô. 33Tuk nao tal tha libik iêu nạn Ƀôn Hlau, khol nhu pang đin Bhô tamư gai gan gak thubik thong dwa ban tanrok glaic: Tha ban gah hanuk, tha ban gah iu Bhô. 34[Pô Yê-su lang kar laic: “Amư lơy, likau ampun ka khol nhu kaywa khol nhu ôh thau drei ngak kabha haget.”]#23:34 [Pô... haget]: Dalam tha thanôn blah vak tangin ôh hu dôm akhar ni. Bloh khol nhu thwak patik rabha gaup ao lah Bhô. 35Bôl bhap yơ dang mong, dok dôm urang pan akok yơ klao bilei Bhô laic: “Nhu krung hu dong paklah ra pakan, mưyah nhu biak nạn Dê Krist, mưnuix bihu Pô Lingik rwah, yơ xang piêh nhu êng dong drei mek!” 36Bôl bala lijang klao bilei Bhô, mai jek yêr ia taka ka Bhô mưnhum 37thong đôm: “Mưyah hư nạn patao bôl Yo Thaic xang êng dong drei mek!” 38Gah ngok akok Bhô hu talei akhar:#23:38 hu talei akhar: Dalam tha thanôn blah vak tangin nạn hu talei akhar bihu twôk mưng xap Hi-lap, La-tinh, thong Hê-ƀrơ. URANG NI NẠN PATAO BÔL YO THAI.
39Tha dalam dwa ban tanrok glaic gok tôr lijang jhơk jhel Bhô laic: “Ong ôh njaup nạn Dê Krist ô? Xang êng dong drei thong khol dahlak gêk!” 40Min ban dêh xayok nhu: “Hư lijang ciup mưthong tha an tamar, dok ôh hôic di Pô Lingik ô? 41Khol drei gok tamar nạn njaup; kaywa dan dun ita ciup lek thong bruk ita ngak, min urang ni ôh bik ngak tha kabha haget xwel.” 42Bloh nhu đôm: “Pô Yê-su lơy, tuk Bhô tamư dit biya drei bloh, likau kanal tal dahlak!” 43Pô Yê-su thuuk: “Biak jơh, Ita đôm thong hư, harei ni mưca hư bihu dok thong Ita dalam Pa-ra-đi.”#23:43 Pa-ra-đi: Ar nạn thôr riga.
Gruk mưtai anưd Pô Yê-su
(Ma-thi-ơ 27:45-56; Mag 15:33-41; Yâng 19:28-30)
44Kal nan, graup tanưh jang xup palup mưng nôic krưh pađiak ka tal tuk klau biêr harei. 45Ia harei gilaic jiơng xup, thubai lidu dalam huji hu tahak ngak dwa. 46Pô Yê-su prêu prong tagôk laic: “Amư lơy, Anưk likau jao thap xwan vơk dalam tangin Amư!” Bhô birau đôm bloh yơ tuh yava xwan taluic. 47Ƀôh apakar krung hu mưjiơng tabiak, kar puk ginôr tahamid Pô Lingik laic: “Urang ni biak nạn mưnuix kahanôt!” 48Abih tapôr bôl patom nhom vơk piêh iơk tathwik ni; Tuk ƀôh dôm kabha krung hu mưjiơng tabiak yơ khol nhu cabak tada gilaic mai. 49#Lu 8:2,3.Abih mưnuix krưn bưn Pô Yê-su thong dôm urang kamei tui Bhô mưng Ga-li-lê jang dang mưng atah ƀôh di mưta dôm bruk nan.
Gruk dar Pô Yê-su
(Ma-thi-ơ 27:57-61; Mag 15:42-47; Yâng 19:38-42)
50Hu tha urang angan Yô-sep, tha ginôr dalam Ginum Biai Mưdhir An, nạn mưnuix siam thong kahanôt, 51ôh bram ka mư irat thong angak anưd dôm urang dêh. Yô-sep palei pak dhan A-ri-ma-thê bha nưgar Yu-đê nạn mưnuix dok mong akok Dit Biya Pô Lingik. 52Ong mưrai tom Phi-lat likau atau Pô Yê-su. 53Tuk krung hu ba atau Bhô trun, Yô-sep mưk khan bai bong papok atau Bhô, bloh pađih Bhô dalam tanum krung hu ƀoh dalam patau, libik ô ka dar thei. 54Kal nan, nạn harei Thrap Gap thong harei Sa-ƀat thi tal. 55Dôm urang kamei nao thubik thong Pô Yê-su mưng nưgar Ga-li-lê lijang tui nao piêh iơk tanum thong ganap khol nhu dar Bhô. Bloh khol nhu gilaic mai, thrap gap athal harum thong mưnhưk hangau. 56Harei Sa-ƀat khol nhu padei gleh tui adat.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.