Lu-ka 24
24
Pô Yê-su diup vơk
(Ma-thi-ơ 28:1-10; Mag 16:1-8; Yâng 20:1-10)
1Harei ya tha akok karaup, tuk hadah ƀrang, dôm urang kamei nan mưk athal harum krung hu thrap gap ba mưrai tanum Bhô. 2Khol nhu ƀôh can patau krung hu galung truh di baƀang tanum, 3min tuk yam tamư yơ ôh ƀôh atau Pô Yê-su halei ô. 4Dalam tuk khol nhu krưh dok parabha tian ka bruk nan, xak hu dwa urang likei cuk ao kok hadah tanrak dang ganak. 5Krưh tuk dôm muk thur mưk grwak ƀok trun di haluk yơ dwa urang nan đôm thong khol nhu: “Habar khol hư dwah mưnuix diup di krưh ra mưtai? 6#Mat 16:21; Mat 17:22,23; Mat 20:18,19; Mag 8:31; Mag 9:31; Mag 10:33,34; Lu 9:22; Lu 18:31-33.Bhô ôh tak ni, Bhô krung hu diup vơk pajơ! Xang kanal vơk tuk dok pak nưgar Ga-li-lê, Bhô đôm thong khol hư 7laic: ‘Anưk Mưnuix xang gok jao dalam tangin ra hu glaic, xang gok pang đin ngok gai gan gak thong harei ya klau xang diup vơk.’” 8Khol nhu kanal vơk dôm panôic Bhô krung hu bican. 9Mưng tanum gilaic mai, khol nhu lak vơk dôm kabha nan ka tha pluh tha Xêh Pachai thong dôm urang pakan. 10Dôm urang krung hu lak vơk dôm kabha nan ka dôm Xêh Pachai nạn Ma-ri Ma-đơ-len, Yan-nơ, Ma-ri amek Ya-kơ, thong dôm urang kamei nao thubik thong khol nhu. 11Min dôm Xêh Pachai ôh dial, brei ka dôm panôic nan nạn kalao bhao. 12[Min, Phi-e-rơ dang tagôk đôic tal tanum thong kuk trun mong, min ciêt ƀôh khan bai paangui. Ong gilaic mai thang, plơng kadơng ka bruk krung hu mưjiơng tabiak.]#24:12 Dalam tha thanôn blah vak tangin ôh hu kanen 12.
Dwa anưk xêh ngok jalan Em-ma-ut
(Mag 16:12-13)
13Lijang dalam harei nan, hu dwa anưk xêh nao tal palei dêh, iêu nạn Em-ma-ut, atah di dhan Yê-ru-sa-lem nôic tha pluh dwa gai angka. 14Khol nhu đôm pôic thong gaup ka dôm bruk krung hu mưjiơng tabiak. 15Krưh tuk khol nhu dok đôm pôic thong xin biai thong gaup, yơ êng Pô Yê-su mưrai jek thong nao thong khol nhu. 16Min mưta dwa urang nạn gok pacang kavơk, ôh krưn hu Bhô. 17Bhô bican thong khol nhu: “Khol hư xin biai haget thong gaup dalam tuk nao di jalan nan?” Khol nhu dơh vơk thong mưnuh drut drôi.#24:17 “Khol hư xin biai haget thong gaup dalam tuk nao di jalan nan?” Khol nhu dơh vơk thong mưnuh drut drôi: Dalam tha thanôn blah vak tangin nạn “Dôm ayut xin biai haget thong gaup dalam tuk nao di jalan thong mưnuh drut drôi?” 18Tha dalam dwa urang, angan Klê-ô-pa thuuk: “Hu njaup ong nan tôi crih ralai dalam dhan Yê-ru-sa-lem ôh thau hamit dôm bruk krung hu mưjiơng tabiak pak nan hadôm harei tapa?” 19Bhô tanhi: “Bruk haget nan?” Khol nhu thuuk: “Nan nạn bruk krung hu mưjiơng tabiak ka Yê-su mưnuix Na-xa-ret, tha pakat hôr hu gon xagta dalam bruk ngak thong panôic đôm di anak Pô Lingik thong abih bôl bhap, 20Min ôh thau kaywa habar dôm gru mưliêng prong mưthong dôm kar pan akok khol dahlak krung hu jao Pô Yê-su piêh padok an binax thong pang đin Bhô ngok gai gan gak. 21Khol dahlak pachôm Bhô nạn Dê mưca dong tabuh bôl I-sra-ên. Kahlom, yơ bruk ni lijang krung hu mưjiơng tabiak klau harei pajơ. 22Hơl vơk, hu hadôm urang kamei dalam thanôn khol dahlak krung hu ngak ka khol dahlak plơng kadơng: Tuk hadah ƀrang, khol nhu mưrai tanum 23min ôh ƀôh atau Bhô, bloh khol nhu gilaic mai đôm laic hu umat bhat mưrai brei thau Bhô dok diup. 24Hadôm urang dalam thanôn khol dahlak lijang nao ravang tanum thong ƀôh dôm kabha njaup yau panôic dôm muk nan đôm, dok Bhô yơ khol nhu ôh ƀôh.” 25Kal nạn Pô Yê-su bican thong khol nhu: “Khol hư biak gila gilit thong hu tian thrôi dial panôic dôm pakat hôr krung hu đôm! 26Ôh njaup Dê Krist hajat xang ciup pađik pađwa yau nan bloh mưng yam tamư xêh mưlang drei ô?” 27Bloh Bhô raup mưng Mô-se tal abih pakat hôr bloh lang yah ka khol nhu dôm panôic vak ka Bhô dalam abih Agal Nưbi.
28Tuk dwa anưk xêh mưrai jek palei khol nhu jarô nao, yơ Pô Yê-su mưda yau ưng nao atah hơl vơk. 29Min khol nhu ep Bhô: “Likau dok vơk khol dahlak kaywa krung hu ia harei glơh thong thi xup pajơ.” Yau nan, Bhô tamư dok vơk thong khol nhu. 30Krưh tuk dok ƀang thong dwa urang, Bhô mưk tapei, đwa karun thong pek tabiak yêr ka khol nhu. 31Kal nan mưta khol nhu pơh tabiak thong krưn thau Bhô, min Bhô thrơh lihik vêt. 32Dwa urang đôm thong gaup: “Dalam tuk nao di jalan, Bhô đôm pôic thong lang yah Agal Nưbi ka khol drei, tian khol drei krung hu ôh pađiak blau ô?” 33Êng tuk nan, khol nhu dang tagôk vêt, gilaic mai dhan Yê-ru-sa-lem, gōk tha pluh tha Xêh Pachai thong dôm anưk xêh pakan krưh dok nhom, 34thong đôm: “Pô biak krung hu diup vơk thong bhat tabiak thong Si-môn!” 35Bloh dwa anưk xêh lak vơk bruk krung hu mưjiơng tabiak dalam tuk nao di jalan thong khol nhu krưn thau Bhô tuk pek tapei yau halei.
Pô Yê-su bhat tabiak thong Tha Pluh Tha Xêh Pachai
(Ma-thi-ơ 28:16-20; Mag 16:14-18; Yâng 20:19-23; Dôm Bruk Ngak 1:6-8)
36Tuk dwa anưk xêh krưh dok đôm ka dôm bruk nan, yơ Pô Yê-su bhat tabiak di krưh khol nhu [thong bican: “Thug siam ka khol hư!”]#24:36 [thong... hư]: Dalam tha thanôn blah vak tangin ôh hu dôm akhar ni. 37Dôm anưk xêh lijang takatwak pachang đaka ƀôh bhut. 38Bhô bican: “Ywa haget khol hư mưbuk mưbar, thong tian khol hư jang dok kalman yau nan? 39Xang iơk tangin thong takai Ita, biak êng Ita! Xang ravơk Ita iơk! Yang libang yơ ôh hu rilo talang, min khol hư ƀôh Ita hu sani!” 40[Đôm bloh Bhô yêr tangin thong takai tabiak ka khol nhu iơk.]#24:40 Dalam tha thanôn blah vak tangin ôh hu kanen 40. 41Dalam tuk dôm anưk xêh ô ka dial kaywa biak bui ôn thong plơng kadơng yơ Bhô bican thong khol nhu: “Pak ni khol hư hu haget ƀang halei?” 42Dôm anưk xêh yêr ka Bhô tha kleh ikan am. 43Bhô tôk mưk thong ƀang di anak khol nhu.
44Bhô bican: “Sani nạn dôm panôic Ita krung hu bican thong khol hư tuk Ita krưh dok thong khol hư: Abih kabha krung hu vak ka Ita dalam Hakum Jakar Mô-se, dôm tapuk Hôr thubik dôm tapuk Ariya Likam xang bihu thit.” 45Kal nan, Bhô pơh amat ka dôm anưk xêh piêh dul thau Agal Nưbi. 46Bhô bican: “Hu panôic vak laic Dê Krist xang ciup pađik pađwa, tal harei ya klau mưca mưng lôg mưtai diup vơk; 47mưnuix urang xang nưmax angan Bhô bloh rao lang ka abih diya ka gruk tumal piêh bihu ampun glaic, raup mưng dhan Yê-ru-sa-lem. 48Khol hư nạn dôm rakaxan ka dôm bruk nan. Ita ni, mưca brei ka khol hư kabha Amư Ita krung hu he; 49dok nôk khol hư xang cang dalam dhan ka tal tuk bihu cuk mưk gon xagta mưng ngok glong.”#Bruk 1:4.
Pô Yê-su tagôk thôr riga
(Mag 16:19-20; Dôm Bruk Ngak 1:9-11)
50 #
Bruk 1:9-11. Hadei di nan, Bhô ba dôm anưk xêh mưrai jek dhan Ƀêt-tha-ni thong yêr tangin tagôk tadhau phôl ka khol nhu. 51Krưh dok tuk tadhau phôl, Bhô niga dôm anưk xêh [thong bihu ba tagôk thôr riga.]#24:51 [thong... riga.]: Dalam tha thanôn blah vak tangin ôh hu dôm akhar ni. 52Dôm anưk xêh bhuktik Bhô, bloh gilaic mai dhan Yê-ru-sa-lem thong pakal bui mưthik mưdar. 53Khol nhu kakal dok dalam huji, pôk mưyom Pô Lingik.
Actualmente seleccionado:
Lu-ka 24: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 24
24
Pô Yê-su diup vơk
(Ma-thi-ơ 28:1-10; Mag 16:1-8; Yâng 20:1-10)
1Harei ya tha akok karaup, tuk hadah ƀrang, dôm urang kamei nan mưk athal harum krung hu thrap gap ba mưrai tanum Bhô. 2Khol nhu ƀôh can patau krung hu galung truh di baƀang tanum, 3min tuk yam tamư yơ ôh ƀôh atau Pô Yê-su halei ô. 4Dalam tuk khol nhu krưh dok parabha tian ka bruk nan, xak hu dwa urang likei cuk ao kok hadah tanrak dang ganak. 5Krưh tuk dôm muk thur mưk grwak ƀok trun di haluk yơ dwa urang nan đôm thong khol nhu: “Habar khol hư dwah mưnuix diup di krưh ra mưtai? 6#Mat 16:21; Mat 17:22,23; Mat 20:18,19; Mag 8:31; Mag 9:31; Mag 10:33,34; Lu 9:22; Lu 18:31-33.Bhô ôh tak ni, Bhô krung hu diup vơk pajơ! Xang kanal vơk tuk dok pak nưgar Ga-li-lê, Bhô đôm thong khol hư 7laic: ‘Anưk Mưnuix xang gok jao dalam tangin ra hu glaic, xang gok pang đin ngok gai gan gak thong harei ya klau xang diup vơk.’” 8Khol nhu kanal vơk dôm panôic Bhô krung hu bican. 9Mưng tanum gilaic mai, khol nhu lak vơk dôm kabha nan ka tha pluh tha Xêh Pachai thong dôm urang pakan. 10Dôm urang krung hu lak vơk dôm kabha nan ka dôm Xêh Pachai nạn Ma-ri Ma-đơ-len, Yan-nơ, Ma-ri amek Ya-kơ, thong dôm urang kamei nao thubik thong khol nhu. 11Min dôm Xêh Pachai ôh dial, brei ka dôm panôic nan nạn kalao bhao. 12[Min, Phi-e-rơ dang tagôk đôic tal tanum thong kuk trun mong, min ciêt ƀôh khan bai paangui. Ong gilaic mai thang, plơng kadơng ka bruk krung hu mưjiơng tabiak.]#24:12 Dalam tha thanôn blah vak tangin ôh hu kanen 12.
Dwa anưk xêh ngok jalan Em-ma-ut
(Mag 16:12-13)
13Lijang dalam harei nan, hu dwa anưk xêh nao tal palei dêh, iêu nạn Em-ma-ut, atah di dhan Yê-ru-sa-lem nôic tha pluh dwa gai angka. 14Khol nhu đôm pôic thong gaup ka dôm bruk krung hu mưjiơng tabiak. 15Krưh tuk khol nhu dok đôm pôic thong xin biai thong gaup, yơ êng Pô Yê-su mưrai jek thong nao thong khol nhu. 16Min mưta dwa urang nạn gok pacang kavơk, ôh krưn hu Bhô. 17Bhô bican thong khol nhu: “Khol hư xin biai haget thong gaup dalam tuk nao di jalan nan?” Khol nhu dơh vơk thong mưnuh drut drôi.#24:17 “Khol hư xin biai haget thong gaup dalam tuk nao di jalan nan?” Khol nhu dơh vơk thong mưnuh drut drôi: Dalam tha thanôn blah vak tangin nạn “Dôm ayut xin biai haget thong gaup dalam tuk nao di jalan thong mưnuh drut drôi?” 18Tha dalam dwa urang, angan Klê-ô-pa thuuk: “Hu njaup ong nan tôi crih ralai dalam dhan Yê-ru-sa-lem ôh thau hamit dôm bruk krung hu mưjiơng tabiak pak nan hadôm harei tapa?” 19Bhô tanhi: “Bruk haget nan?” Khol nhu thuuk: “Nan nạn bruk krung hu mưjiơng tabiak ka Yê-su mưnuix Na-xa-ret, tha pakat hôr hu gon xagta dalam bruk ngak thong panôic đôm di anak Pô Lingik thong abih bôl bhap, 20Min ôh thau kaywa habar dôm gru mưliêng prong mưthong dôm kar pan akok khol dahlak krung hu jao Pô Yê-su piêh padok an binax thong pang đin Bhô ngok gai gan gak. 21Khol dahlak pachôm Bhô nạn Dê mưca dong tabuh bôl I-sra-ên. Kahlom, yơ bruk ni lijang krung hu mưjiơng tabiak klau harei pajơ. 22Hơl vơk, hu hadôm urang kamei dalam thanôn khol dahlak krung hu ngak ka khol dahlak plơng kadơng: Tuk hadah ƀrang, khol nhu mưrai tanum 23min ôh ƀôh atau Bhô, bloh khol nhu gilaic mai đôm laic hu umat bhat mưrai brei thau Bhô dok diup. 24Hadôm urang dalam thanôn khol dahlak lijang nao ravang tanum thong ƀôh dôm kabha njaup yau panôic dôm muk nan đôm, dok Bhô yơ khol nhu ôh ƀôh.” 25Kal nạn Pô Yê-su bican thong khol nhu: “Khol hư biak gila gilit thong hu tian thrôi dial panôic dôm pakat hôr krung hu đôm! 26Ôh njaup Dê Krist hajat xang ciup pađik pađwa yau nan bloh mưng yam tamư xêh mưlang drei ô?” 27Bloh Bhô raup mưng Mô-se tal abih pakat hôr bloh lang yah ka khol nhu dôm panôic vak ka Bhô dalam abih Agal Nưbi.
28Tuk dwa anưk xêh mưrai jek palei khol nhu jarô nao, yơ Pô Yê-su mưda yau ưng nao atah hơl vơk. 29Min khol nhu ep Bhô: “Likau dok vơk khol dahlak kaywa krung hu ia harei glơh thong thi xup pajơ.” Yau nan, Bhô tamư dok vơk thong khol nhu. 30Krưh tuk dok ƀang thong dwa urang, Bhô mưk tapei, đwa karun thong pek tabiak yêr ka khol nhu. 31Kal nan mưta khol nhu pơh tabiak thong krưn thau Bhô, min Bhô thrơh lihik vêt. 32Dwa urang đôm thong gaup: “Dalam tuk nao di jalan, Bhô đôm pôic thong lang yah Agal Nưbi ka khol drei, tian khol drei krung hu ôh pađiak blau ô?” 33Êng tuk nan, khol nhu dang tagôk vêt, gilaic mai dhan Yê-ru-sa-lem, gōk tha pluh tha Xêh Pachai thong dôm anưk xêh pakan krưh dok nhom, 34thong đôm: “Pô biak krung hu diup vơk thong bhat tabiak thong Si-môn!” 35Bloh dwa anưk xêh lak vơk bruk krung hu mưjiơng tabiak dalam tuk nao di jalan thong khol nhu krưn thau Bhô tuk pek tapei yau halei.
Pô Yê-su bhat tabiak thong Tha Pluh Tha Xêh Pachai
(Ma-thi-ơ 28:16-20; Mag 16:14-18; Yâng 20:19-23; Dôm Bruk Ngak 1:6-8)
36Tuk dwa anưk xêh krưh dok đôm ka dôm bruk nan, yơ Pô Yê-su bhat tabiak di krưh khol nhu [thong bican: “Thug siam ka khol hư!”]#24:36 [thong... hư]: Dalam tha thanôn blah vak tangin ôh hu dôm akhar ni. 37Dôm anưk xêh lijang takatwak pachang đaka ƀôh bhut. 38Bhô bican: “Ywa haget khol hư mưbuk mưbar, thong tian khol hư jang dok kalman yau nan? 39Xang iơk tangin thong takai Ita, biak êng Ita! Xang ravơk Ita iơk! Yang libang yơ ôh hu rilo talang, min khol hư ƀôh Ita hu sani!” 40[Đôm bloh Bhô yêr tangin thong takai tabiak ka khol nhu iơk.]#24:40 Dalam tha thanôn blah vak tangin ôh hu kanen 40. 41Dalam tuk dôm anưk xêh ô ka dial kaywa biak bui ôn thong plơng kadơng yơ Bhô bican thong khol nhu: “Pak ni khol hư hu haget ƀang halei?” 42Dôm anưk xêh yêr ka Bhô tha kleh ikan am. 43Bhô tôk mưk thong ƀang di anak khol nhu.
44Bhô bican: “Sani nạn dôm panôic Ita krung hu bican thong khol hư tuk Ita krưh dok thong khol hư: Abih kabha krung hu vak ka Ita dalam Hakum Jakar Mô-se, dôm tapuk Hôr thubik dôm tapuk Ariya Likam xang bihu thit.” 45Kal nan, Bhô pơh amat ka dôm anưk xêh piêh dul thau Agal Nưbi. 46Bhô bican: “Hu panôic vak laic Dê Krist xang ciup pađik pađwa, tal harei ya klau mưca mưng lôg mưtai diup vơk; 47mưnuix urang xang nưmax angan Bhô bloh rao lang ka abih diya ka gruk tumal piêh bihu ampun glaic, raup mưng dhan Yê-ru-sa-lem. 48Khol hư nạn dôm rakaxan ka dôm bruk nan. Ita ni, mưca brei ka khol hư kabha Amư Ita krung hu he; 49dok nôk khol hư xang cang dalam dhan ka tal tuk bihu cuk mưk gon xagta mưng ngok glong.”#Bruk 1:4.
Pô Yê-su tagôk thôr riga
(Mag 16:19-20; Dôm Bruk Ngak 1:9-11)
50 #
Bruk 1:9-11. Hadei di nan, Bhô ba dôm anưk xêh mưrai jek dhan Ƀêt-tha-ni thong yêr tangin tagôk tadhau phôl ka khol nhu. 51Krưh dok tuk tadhau phôl, Bhô niga dôm anưk xêh [thong bihu ba tagôk thôr riga.]#24:51 [thong... riga.]: Dalam tha thanôn blah vak tangin ôh hu dôm akhar ni. 52Dôm anưk xêh bhuktik Bhô, bloh gilaic mai dhan Yê-ru-sa-lem thong pakal bui mưthik mưdar. 53Khol nhu kakal dok dalam huji, pôk mưyom Pô Lingik.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.