Lu-ka 22
22
Pô Yê-su ciup pađik pađwa, ciup mưtai thong diup vơk
(22:1 – 24:53)
Anngak pamưtai Pô Yê-su
(Ma-thi-ơ 26:1-5; Mag 14:1-2; Yâng 11:47-53)
1Rija Tapei Kun, lijang bihu iêu nạn Rija Gan Tapa krung hu mưrai jek. 2Dôm gru mưliêng prong thong dôm gru pato adat dwah ganap piêh pamưtai Pô Yê-su, kaywa khol nhu hôic di bôl bhap.
Yu-đa lambil Pô
(Ma-thi-ơ 26:14-16; Mag 14:10-11)
3Tuk nan, Sa-tan tamư di Yu-đa, iêu nạn Ic-ka-ri-ôt, nạn tha dalam tha pluh dwa Xêh Pachai. 4Nhu nao biai thong dôm gru mưliêng prong mưthong dôm kar janưng mong iơk ka ganap bloh nhu hu mưda jao Bhô ka khol nhu. 5Khol nhu ôn lô thong he mưca brei ka nhu jiên padai. 6Nhu krung hu bram thong dwah gôn piêh jao Pô Yê-su dalam tuk bôl bhap ôh hu dok pak nan.
Pô Yê-su ƀang Rija Gan Tapa thong dôm anưk xêh
(Ma-thi-ơ 26:17-25; Mag 14:12-21; Yâng 13:21-30)
7Tal harei Rija Tapei Kun, nạn harei mưnuix urang xang ngak rilo pabo anưk Rija Gan Tapa, 8Pô Yê-su pachai Phi-e-rơ thong Yâng nao, bloh bican laic: “Xang nao thrap gap Rija Gan Tapa piêh khol drei ƀang thubik.” 9Dwa urang pathau: “Gru ưng khol dahlak thrap gap rija nan tak halei?” 10Bhô thuuk: “Tuk tamư dhan, hu tha urang gui abuk ia mưca gōk khol hư; xang tui urang nan tamư thang 11bloh đôm thong pô thang: ‘Gru tanhi ong laic: Kati tôi bloh Ita thong dôm anưk xêh mưca ƀang Rija Gan Tapa pak halei?’ 12Mưca pô thang pato ka khol hư tha kati prong ngok lơw, kaya kar thudia. Bloh khol hư xang thai pak nan.” 13Dwa anưk xêh nao thong gōk dôm kabha njaup yau Bhô krung hu đôm, bloh khol nhu thrap gap Rija Gan Tapa.
Pô Yê-su padang Rija Vār Ƀang Likam
(Ma-thi-ơ 26:26-30; Mag 14:22-26; I Kô-rir-tô 11:23-25)
14Tal tuk, Bhô dok di paban thong dôm Xêh Pachai dok mưthong Bhô. 15Bhô bican thong khol nhu: “Ita biak ưng ƀang Rija Gan Tapa ni thong khol hư dahlau di tuk Ita ciup pađik pađwa. 16Kaywa Ita đôm thong khol hư, mưca Ita ôh ƀang rija ni vơk ka tal tuk rija nan bihu pathik dalam Dit Biya Pô Lingik.” 17Bhô mưk panhin, đwa karun bloh bican: “Xang mưk thong rabha takhat ka gaup. 18Kaywa Ita đôm mưthong khol hư, mưng ni mưca Ita ôh mưnhum ia nho ni vơk ka tal tuk Dit Biya Pô Lingik mưrai.” 19Bloh Bhô mưk tapei, đwa karun pek tabiak, rabha takhat ka dôm anưk xêh thong bican: “Sani nạn rup pabhap Ita kaywa di khol hư bloh limah brei. Xang ngak kabha ni piêh kanal tal Ita.” 20Tuk ƀang bloh, Bhô lijang ngak yau nan rei, mưk panhin yêr ka dôm anưk xêh thong bican: “Panhin ni nạn jan ji birau dalam darah Ita kaywa di khol hư bloh tuh tabiak.#22:19-20 kaywa di khol hư... bloh tuh tabiak: Dalam tha thanôn blah vak tangin ôh hu dôm akhar ni. 21Mưni, palāk tangin ra lambil Ita dok cek ngok paban thong Ita. 22Anưk Mưnuix nao tui yau kabha krung hu jarô, min lihin din ka ra lambil Anưk Mưnuix!” 23Dôm anưk xêh raup tanhi gaup iơk thei dalam thanôn khol nhu nạn mưnuix mưca ngak kabha nan.
Gruk kamlah cah di dôm anưk xêh
(Ma-thi-ơ 18:1; Mag 9:34; Lu-ka 9:46)
24 #
Mat 18:1; Mag 9:34; Lu 9:46. Dôm anưk xêh gilaic kamlah cah thong gaup iơk thei di dalam khol nhu mưca nạn mưnuix prong hơl di bih. 25Min Bhô bican thong khol nhu: “Dôm patao Bôl-Lingiu mưk gon bloh pakrang, dôm pakat apan gon bihu iêu nạn mưnuix brei karun, takhat phôl. 26#Mat 23:11; Mag 9:35.#Mat 20:25-27; Mag 10:42-44.Dok nôk khol hư jôi ngak yau nan, min thei prong yatha dalam khol hư xang gilaic jiơng yau ra axit yatha, thong thei ngak mưnuix pan akok, xang yau mưnuix ragxa. 27#Yâ 13:12-15.Kaywa di krưh mưnuix dok ƀang thong mưnuix ragxa, thei nạn mưnuix samkhan hơl? Hu njaup mưnuix dok ƀang halei? Min Ita dok krưh khol hư yau mưnuix ragxa rei. 28Khol hư krung hu capagam thong Ita dalam dôm long iơk anưd Ita, 29nan ka Ita ƀai brei dit biya ka khol hư lijang yau Amư Ita krung hu ƀai brei ka Ita rei, 30#Mat 19:28.piêh khol hư bihu ƀang mưnhum harung paban thong Ita dalam dit biya Ita thong bihu dok di ngok thing mưnga piêh bican inư tha pluh dwa mông I-sra-ên.”
Pô Yê-su brei thau dahlau Phi-e-rơ kamlah di Bhô
(Ma-thi-ơ 26:30-35; Mag 14:26-31; Yâng 13:36-38)
31“Hơic Si-môn, Si-môn, pang ni, Sa-tan đôk haring tapei khol hư yau padai abei. 32Min Ita krung hu lang kar ka hư piêh hư ôh u sagar. Yau nan, tuk hư gilaic vơk, xang ngak ka dei ai hư kati katang.” 33Phi-e-rơ thuuk: “Pathau Pô, dahlak thudia nao tamư thang danuh thong ciup mưtai thong Pô.” 34Pô Yê-su bican: “Hơic Phi-e-rơ, Ita đôm ka hư thau, harei ni tuk mưnuk kanjot, mưca hư klau ƀang kamlah ôh thau Ita.”
Kadung jiên, Tabik, thong Padak
35 #
Mat 10:9,10; Mag 6:8,9; Lu 9:3; Lu 10:4. Bhô gilaic bican: “Tuk Ita pachai khol hư nao, ô ba kadung jiên, tabik, kalik jwak gêk trah, khol hư hu u haget halei?” Dôm anưk xêh thuuk: “Ôh u haget.” 36Bhô bican: “Min urak ni, thei hu kadung jiên xang ba tui; thei hu tabik, lijang yau nan; thei ôh hu padak; xang pablei ao lingiu bloh blei. 37Kaywa Ita đôm thong khol hư, panôic Agal Nưbi ni xang bihu thit tapa Ita: ‘Bhô krung hu hakê tamư thanôn ra tanrok adat.’ Biak jơh, panôic vak ka Ita dok krưh bihu thit.” 38Khol nhu thuuk laic: “Pô lơy, hu dwa ƀek padak ni.” Bhô bican: “Kaywa nạn tal bloh.”
Bơn Ghêt-sê-ma-nê
(Ma-thi-ơ 26:36-46; Mag 14:32-42)
39Hadei di nan, Pô Yê-su tabiak nao thong tagôk cơk Ô-liu tui yau tana rađap, dôm anưk xêh nao thubik Bhô. 40Tuk krung hu nao tal libik, Bhô bican thong dôm anưk xêh: “Xang lang kar piêh khol hư klah di lek tamư gruk palwô ngal.” 41Bhô nao truh di dôm anưk xêh, nôic yom glam tha boh patau, bloh khôi trun bloh lang kar 42laic: “Amư lơy, mưyah Amư ưng, likau ramik panhin ni truh di Anưk! Yau nan min, likau jamal Amư bihu hajiơng, mih ôh tui jamal Anưk!” 43[Hu tha umat mưng thôr riga bhat mưrai thong paƀlwak prưn ka Bhô. 44Dalam binhôr biak pađik pađwa, Bhô lang kar bik jamji, ia haup gilaic jiơng yau dôm tanhjoh darah njoh trun di tanưh.]#22:43-44 [Hu tha umat... njoh trun di tanưh.]: Dalam tha thanôn blah vak tangin ôh hu dôm akhar ni. 45Lang kar bloh, Bhô tagôk dang gilaic vơk thong dôm anưk xêh bloh ƀôh khol nhu krưh dok đih kaywa ligah ligôi rau ri. 46Bhô bican: “Habar khol hư đih? Xang bruh tagôk lang kar piêh khol hư klah di lek tamư gruk palwô ngal.”
Pô Yê-su gok mưk
(Ma-thi-ơ 26:47-56; Mag 14:43-50; Yâng 18:3-11)
47Tuk Bhô krưh đôm, dêh, tha tapôr ralô katung mưrai kaywa di Yu-đa Ic-ka-ri-ôt nạn tha dalam tha pluh dwa Xêh Pachai ba jalan. Nhu mai jek Pô Yê-su piêh cum Bhô. 48Min Pô Yê-su đôm: “Hơic Yu-đa hư mưk kapu cum piêh lambil Anưk Mưnuix habar?” 49Dôm urang dok thong Bhô ƀôh bruk thi mưjiơng tabiak, đôm vêt: “Pathau Pô, khol dahlak angui padak atong kaic?” 50Tha urang dalam khol nhu tong halun gru mưliêng glong yatha thong tacoh kleh tangi gah hanuk. 51Min Pô Yê-su ghak: “Padơh vơk!” Bloh Bhô ravơk tangi halun nan bloh pajru dhit ka nhu. 52Pô Yê-su bican thong dôm gru mưliêng prong, dôm kar janưng pacang khik huji thong dôm ginôr taha mưrai mưk Bhô laic: “Habar khol hư ba padak thong gai drưg mưrai mưk Ita yau mưk ban poh blah yau nan? 53#Lu 19:47; Lu 21:37.Yāup harei Ita dok dalam huji thong khol hư bloh khol hư ôh mưk Ita. Min urak ni nạn tuk vag anưd khol hư thong anưd xagti xup palup.”
Phi-e-rơ kamlah Pô Yê-su
(Ma-thi-ơ 26:57-58,69-75; Mag 14:53-54,66-72; Yâng 18:12-18,25-27)
54Khol nhu mưk Pô Yê-su thong ba Bhô nao tal thang gru mưliêng glong yatha. Phi-e-rơ tui Bhô atah atah. 55Khol nhu patug apui di krưh ƀlang bloh dok thong gaup, Phi-e-rơ lijang dok thong khol nhu. 56Tha halun kamei ƀôh Phi-e-rơ dok dala jek ƀuk apui yơ mong ong ƀlan ƀlan thong đôm: “Ong ni lijang dok thong urang nan.” 57Min Phi-e-rơ kamlah vêt thong đôm: “Mưni nai dêh, dahlak ôh thau ong nan ô!” 58Tha tuk vag hadei, hu urang pakan ƀôh Phi-e-rơ thong đôm: “Ong lijang bha di mưnok nan!” Phi-e-rơ thuuk: “Mưni xaai, ôh njaup ô!” 59Nôic tha tuk hadei, hu ra pakan mat laic: “Kardak ong ni lijang dok thong Yê-su, kaywa ong ni nạn lijang mưnuix Ga-li-lê.” 60Min Phi-e-rơ đôm: “Mưni xaai, dahlak ôh thau xaai đôm haget!” Êng tuk Phi-e-rơ krưh đôm yơ mưnuk kanjot. 61Pô gaic mong Phi-e-rơ. Ong kanal vơk panôic Pô krung hu đôm: “Harei ni, tuk mưnuk ôh ka kanjot, mưca hư kamlah di Ita klau ƀang.” 62Phi-e-rơ tabiak lingiu hia cok phik plak.
Pô Yê-su gok bôl bala klao bilei thong atong poh
63Dôm ra mong khik Pô Yê-su klao bilei thong tong Bhô. 64Khol nhu pabang mưta Bhô vơk, bloh tanhi: “Xang đôm hôr iơk! Thei tong hư nan?” 65Khol nhu dok pôic ralô panôic pakan jhơk jhel Bhô.
Pô Yê-su di anak Ginum Biai Mưdhir An
(Ma-thi-ơ 26:59-66; Mag 14:55-64)
66Tal hadah harei hadei, dôm ginôr taha dalam bôl, dôm gru mưliêng prong thong dôm gru pato adat nhom vơk, bloh khol nhu ba Pô Yê-su mưrai Ginum Biai Mưdhir An. 67Khol nhu tanhi: “Mưyah hư nạn Dê Krist, xang đôm ka khol drei thau.” Bhô thuuk: “Mưyah Ita đôm, mưca khol hư ôh dial; 68mưyah Ita tanhi, yơ mưca khol hư ôh thuuk. 69Min mưng ni tal hadei, Anưk Mưnuix mưca dok gah hanuk Pô Lingik gon xagta.” 70Abih drei jang tanhi: “Yau nan hư nạn Anưk Pô Lingik habar?” Bhô thuuk: “Êng khol hư krung hu đôm yau nan.” 71Khol nhu đôm: “Khol drei ôh hajat paƀlwak kaxan haget vơk? Êng khol drei krung hu pang mưng pabah nhu đôm pajơ!”
Actualmente seleccionado:
Lu-ka 22: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 22
22
Pô Yê-su ciup pađik pađwa, ciup mưtai thong diup vơk
(22:1 – 24:53)
Anngak pamưtai Pô Yê-su
(Ma-thi-ơ 26:1-5; Mag 14:1-2; Yâng 11:47-53)
1Rija Tapei Kun, lijang bihu iêu nạn Rija Gan Tapa krung hu mưrai jek. 2Dôm gru mưliêng prong thong dôm gru pato adat dwah ganap piêh pamưtai Pô Yê-su, kaywa khol nhu hôic di bôl bhap.
Yu-đa lambil Pô
(Ma-thi-ơ 26:14-16; Mag 14:10-11)
3Tuk nan, Sa-tan tamư di Yu-đa, iêu nạn Ic-ka-ri-ôt, nạn tha dalam tha pluh dwa Xêh Pachai. 4Nhu nao biai thong dôm gru mưliêng prong mưthong dôm kar janưng mong iơk ka ganap bloh nhu hu mưda jao Bhô ka khol nhu. 5Khol nhu ôn lô thong he mưca brei ka nhu jiên padai. 6Nhu krung hu bram thong dwah gôn piêh jao Pô Yê-su dalam tuk bôl bhap ôh hu dok pak nan.
Pô Yê-su ƀang Rija Gan Tapa thong dôm anưk xêh
(Ma-thi-ơ 26:17-25; Mag 14:12-21; Yâng 13:21-30)
7Tal harei Rija Tapei Kun, nạn harei mưnuix urang xang ngak rilo pabo anưk Rija Gan Tapa, 8Pô Yê-su pachai Phi-e-rơ thong Yâng nao, bloh bican laic: “Xang nao thrap gap Rija Gan Tapa piêh khol drei ƀang thubik.” 9Dwa urang pathau: “Gru ưng khol dahlak thrap gap rija nan tak halei?” 10Bhô thuuk: “Tuk tamư dhan, hu tha urang gui abuk ia mưca gōk khol hư; xang tui urang nan tamư thang 11bloh đôm thong pô thang: ‘Gru tanhi ong laic: Kati tôi bloh Ita thong dôm anưk xêh mưca ƀang Rija Gan Tapa pak halei?’ 12Mưca pô thang pato ka khol hư tha kati prong ngok lơw, kaya kar thudia. Bloh khol hư xang thai pak nan.” 13Dwa anưk xêh nao thong gōk dôm kabha njaup yau Bhô krung hu đôm, bloh khol nhu thrap gap Rija Gan Tapa.
Pô Yê-su padang Rija Vār Ƀang Likam
(Ma-thi-ơ 26:26-30; Mag 14:22-26; I Kô-rir-tô 11:23-25)
14Tal tuk, Bhô dok di paban thong dôm Xêh Pachai dok mưthong Bhô. 15Bhô bican thong khol nhu: “Ita biak ưng ƀang Rija Gan Tapa ni thong khol hư dahlau di tuk Ita ciup pađik pađwa. 16Kaywa Ita đôm thong khol hư, mưca Ita ôh ƀang rija ni vơk ka tal tuk rija nan bihu pathik dalam Dit Biya Pô Lingik.” 17Bhô mưk panhin, đwa karun bloh bican: “Xang mưk thong rabha takhat ka gaup. 18Kaywa Ita đôm mưthong khol hư, mưng ni mưca Ita ôh mưnhum ia nho ni vơk ka tal tuk Dit Biya Pô Lingik mưrai.” 19Bloh Bhô mưk tapei, đwa karun pek tabiak, rabha takhat ka dôm anưk xêh thong bican: “Sani nạn rup pabhap Ita kaywa di khol hư bloh limah brei. Xang ngak kabha ni piêh kanal tal Ita.” 20Tuk ƀang bloh, Bhô lijang ngak yau nan rei, mưk panhin yêr ka dôm anưk xêh thong bican: “Panhin ni nạn jan ji birau dalam darah Ita kaywa di khol hư bloh tuh tabiak.#22:19-20 kaywa di khol hư... bloh tuh tabiak: Dalam tha thanôn blah vak tangin ôh hu dôm akhar ni. 21Mưni, palāk tangin ra lambil Ita dok cek ngok paban thong Ita. 22Anưk Mưnuix nao tui yau kabha krung hu jarô, min lihin din ka ra lambil Anưk Mưnuix!” 23Dôm anưk xêh raup tanhi gaup iơk thei dalam thanôn khol nhu nạn mưnuix mưca ngak kabha nan.
Gruk kamlah cah di dôm anưk xêh
(Ma-thi-ơ 18:1; Mag 9:34; Lu-ka 9:46)
24 #
Mat 18:1; Mag 9:34; Lu 9:46. Dôm anưk xêh gilaic kamlah cah thong gaup iơk thei di dalam khol nhu mưca nạn mưnuix prong hơl di bih. 25Min Bhô bican thong khol nhu: “Dôm patao Bôl-Lingiu mưk gon bloh pakrang, dôm pakat apan gon bihu iêu nạn mưnuix brei karun, takhat phôl. 26#Mat 23:11; Mag 9:35.#Mat 20:25-27; Mag 10:42-44.Dok nôk khol hư jôi ngak yau nan, min thei prong yatha dalam khol hư xang gilaic jiơng yau ra axit yatha, thong thei ngak mưnuix pan akok, xang yau mưnuix ragxa. 27#Yâ 13:12-15.Kaywa di krưh mưnuix dok ƀang thong mưnuix ragxa, thei nạn mưnuix samkhan hơl? Hu njaup mưnuix dok ƀang halei? Min Ita dok krưh khol hư yau mưnuix ragxa rei. 28Khol hư krung hu capagam thong Ita dalam dôm long iơk anưd Ita, 29nan ka Ita ƀai brei dit biya ka khol hư lijang yau Amư Ita krung hu ƀai brei ka Ita rei, 30#Mat 19:28.piêh khol hư bihu ƀang mưnhum harung paban thong Ita dalam dit biya Ita thong bihu dok di ngok thing mưnga piêh bican inư tha pluh dwa mông I-sra-ên.”
Pô Yê-su brei thau dahlau Phi-e-rơ kamlah di Bhô
(Ma-thi-ơ 26:30-35; Mag 14:26-31; Yâng 13:36-38)
31“Hơic Si-môn, Si-môn, pang ni, Sa-tan đôk haring tapei khol hư yau padai abei. 32Min Ita krung hu lang kar ka hư piêh hư ôh u sagar. Yau nan, tuk hư gilaic vơk, xang ngak ka dei ai hư kati katang.” 33Phi-e-rơ thuuk: “Pathau Pô, dahlak thudia nao tamư thang danuh thong ciup mưtai thong Pô.” 34Pô Yê-su bican: “Hơic Phi-e-rơ, Ita đôm ka hư thau, harei ni tuk mưnuk kanjot, mưca hư klau ƀang kamlah ôh thau Ita.”
Kadung jiên, Tabik, thong Padak
35 #
Mat 10:9,10; Mag 6:8,9; Lu 9:3; Lu 10:4. Bhô gilaic bican: “Tuk Ita pachai khol hư nao, ô ba kadung jiên, tabik, kalik jwak gêk trah, khol hư hu u haget halei?” Dôm anưk xêh thuuk: “Ôh u haget.” 36Bhô bican: “Min urak ni, thei hu kadung jiên xang ba tui; thei hu tabik, lijang yau nan; thei ôh hu padak; xang pablei ao lingiu bloh blei. 37Kaywa Ita đôm thong khol hư, panôic Agal Nưbi ni xang bihu thit tapa Ita: ‘Bhô krung hu hakê tamư thanôn ra tanrok adat.’ Biak jơh, panôic vak ka Ita dok krưh bihu thit.” 38Khol nhu thuuk laic: “Pô lơy, hu dwa ƀek padak ni.” Bhô bican: “Kaywa nạn tal bloh.”
Bơn Ghêt-sê-ma-nê
(Ma-thi-ơ 26:36-46; Mag 14:32-42)
39Hadei di nan, Pô Yê-su tabiak nao thong tagôk cơk Ô-liu tui yau tana rađap, dôm anưk xêh nao thubik Bhô. 40Tuk krung hu nao tal libik, Bhô bican thong dôm anưk xêh: “Xang lang kar piêh khol hư klah di lek tamư gruk palwô ngal.” 41Bhô nao truh di dôm anưk xêh, nôic yom glam tha boh patau, bloh khôi trun bloh lang kar 42laic: “Amư lơy, mưyah Amư ưng, likau ramik panhin ni truh di Anưk! Yau nan min, likau jamal Amư bihu hajiơng, mih ôh tui jamal Anưk!” 43[Hu tha umat mưng thôr riga bhat mưrai thong paƀlwak prưn ka Bhô. 44Dalam binhôr biak pađik pađwa, Bhô lang kar bik jamji, ia haup gilaic jiơng yau dôm tanhjoh darah njoh trun di tanưh.]#22:43-44 [Hu tha umat... njoh trun di tanưh.]: Dalam tha thanôn blah vak tangin ôh hu dôm akhar ni. 45Lang kar bloh, Bhô tagôk dang gilaic vơk thong dôm anưk xêh bloh ƀôh khol nhu krưh dok đih kaywa ligah ligôi rau ri. 46Bhô bican: “Habar khol hư đih? Xang bruh tagôk lang kar piêh khol hư klah di lek tamư gruk palwô ngal.”
Pô Yê-su gok mưk
(Ma-thi-ơ 26:47-56; Mag 14:43-50; Yâng 18:3-11)
47Tuk Bhô krưh đôm, dêh, tha tapôr ralô katung mưrai kaywa di Yu-đa Ic-ka-ri-ôt nạn tha dalam tha pluh dwa Xêh Pachai ba jalan. Nhu mai jek Pô Yê-su piêh cum Bhô. 48Min Pô Yê-su đôm: “Hơic Yu-đa hư mưk kapu cum piêh lambil Anưk Mưnuix habar?” 49Dôm urang dok thong Bhô ƀôh bruk thi mưjiơng tabiak, đôm vêt: “Pathau Pô, khol dahlak angui padak atong kaic?” 50Tha urang dalam khol nhu tong halun gru mưliêng glong yatha thong tacoh kleh tangi gah hanuk. 51Min Pô Yê-su ghak: “Padơh vơk!” Bloh Bhô ravơk tangi halun nan bloh pajru dhit ka nhu. 52Pô Yê-su bican thong dôm gru mưliêng prong, dôm kar janưng pacang khik huji thong dôm ginôr taha mưrai mưk Bhô laic: “Habar khol hư ba padak thong gai drưg mưrai mưk Ita yau mưk ban poh blah yau nan? 53#Lu 19:47; Lu 21:37.Yāup harei Ita dok dalam huji thong khol hư bloh khol hư ôh mưk Ita. Min urak ni nạn tuk vag anưd khol hư thong anưd xagti xup palup.”
Phi-e-rơ kamlah Pô Yê-su
(Ma-thi-ơ 26:57-58,69-75; Mag 14:53-54,66-72; Yâng 18:12-18,25-27)
54Khol nhu mưk Pô Yê-su thong ba Bhô nao tal thang gru mưliêng glong yatha. Phi-e-rơ tui Bhô atah atah. 55Khol nhu patug apui di krưh ƀlang bloh dok thong gaup, Phi-e-rơ lijang dok thong khol nhu. 56Tha halun kamei ƀôh Phi-e-rơ dok dala jek ƀuk apui yơ mong ong ƀlan ƀlan thong đôm: “Ong ni lijang dok thong urang nan.” 57Min Phi-e-rơ kamlah vêt thong đôm: “Mưni nai dêh, dahlak ôh thau ong nan ô!” 58Tha tuk vag hadei, hu urang pakan ƀôh Phi-e-rơ thong đôm: “Ong lijang bha di mưnok nan!” Phi-e-rơ thuuk: “Mưni xaai, ôh njaup ô!” 59Nôic tha tuk hadei, hu ra pakan mat laic: “Kardak ong ni lijang dok thong Yê-su, kaywa ong ni nạn lijang mưnuix Ga-li-lê.” 60Min Phi-e-rơ đôm: “Mưni xaai, dahlak ôh thau xaai đôm haget!” Êng tuk Phi-e-rơ krưh đôm yơ mưnuk kanjot. 61Pô gaic mong Phi-e-rơ. Ong kanal vơk panôic Pô krung hu đôm: “Harei ni, tuk mưnuk ôh ka kanjot, mưca hư kamlah di Ita klau ƀang.” 62Phi-e-rơ tabiak lingiu hia cok phik plak.
Pô Yê-su gok bôl bala klao bilei thong atong poh
63Dôm ra mong khik Pô Yê-su klao bilei thong tong Bhô. 64Khol nhu pabang mưta Bhô vơk, bloh tanhi: “Xang đôm hôr iơk! Thei tong hư nan?” 65Khol nhu dok pôic ralô panôic pakan jhơk jhel Bhô.
Pô Yê-su di anak Ginum Biai Mưdhir An
(Ma-thi-ơ 26:59-66; Mag 14:55-64)
66Tal hadah harei hadei, dôm ginôr taha dalam bôl, dôm gru mưliêng prong thong dôm gru pato adat nhom vơk, bloh khol nhu ba Pô Yê-su mưrai Ginum Biai Mưdhir An. 67Khol nhu tanhi: “Mưyah hư nạn Dê Krist, xang đôm ka khol drei thau.” Bhô thuuk: “Mưyah Ita đôm, mưca khol hư ôh dial; 68mưyah Ita tanhi, yơ mưca khol hư ôh thuuk. 69Min mưng ni tal hadei, Anưk Mưnuix mưca dok gah hanuk Pô Lingik gon xagta.” 70Abih drei jang tanhi: “Yau nan hư nạn Anưk Pô Lingik habar?” Bhô thuuk: “Êng khol hư krung hu đôm yau nan.” 71Khol nhu đôm: “Khol drei ôh hajat paƀlwak kaxan haget vơk? Êng khol drei krung hu pang mưng pabah nhu đôm pajơ!”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.