Lu-ka 21
21
Kamei bilau ƀai limah
(Mag 12:41-44)
1Pô Yê-su talāk mưta tagôk, ƀôh dôm urang ginup mưda dok buh jiên limah anưd khol nhu tamư hôp limah. 2Bhô lijang ƀôh tha urang kamei bilau kathot limah dwa boh jiên. 3Bhô bican: “Biak jơh, Ita đôm thong khol hư, urang kamei bilau kathot ni krung hu limah ralô hơl abih dôm urang pakan. 4Kaywa abih drei lijang mưk jiên libeh drei bloh limah, dok urang kamei bilau ni biak kathot riƀah min krung hu limah abih dôm haget muk nan hu piêh rong drei diup.”
Pô Yê-su brei thau dahlau ka gruk thubang Huji Yê-ru-sa-lem
(Ma-thi-ơ 24:1-2; Mag 13:1-13)
5Tuk hu dôm urang đôm ka bruk huji bihu liơn mưng patau ghơh thong panôja, Pô Yê-su bican: 6“Mưca hu harei abih dôm haget khol hư ƀôh sani mưca gok drup jalơh abih, ôh dok tha boh patau halei dak ngok boh patau pakan.”
Dôm habang ka bangyau taluic
(Ma-thi-ơ 24:3-14; Mag 13:3-13)
7Khol nhu tanhi Bhô: “Pathau Gru, tuk halei dôm bruk ni mưca mưjiơng mưrai, thong hu kakun haget brei thau dôm bruk nan thi mưjiơng tabiak?” 8Bhô thuuk: “Xang tayơt, jôi lôi thei palwô pagat khol hư, kaywa mưca hu ralô ra baniai angan Ita mưrai bloh đôm laic: ‘Êng Ita nạn Dê nan thong bangyau krung hu mưrai jek!’ Khol hư jôi tui khol nhu. 9Tuk khol hư hamit đôm ka kalin, kalin kal yơ jôi hôic tatơk drei; kaywa dôm bruk nan xang mưjiơng tabiak, min ô ka njaup taluic binhêt ô.”
10Bloh Bhô bican vơk: “Bôl ni mưca brôk tagôk pagan gađi thubik bôl dêh, dit biya dêh mưradhag di dit biya pakan; 11mưca hu dôm binhôr tatôn tanưh riya prong, ơk lipa mưthong jit rwak pak ralô libik; mưca hu dôm bruk lamưng thong nưm crih prong ngok lingik. 12Min dahlau di tuk dôm kabha nan mưjiơng tabiak, mưca khol hư kaywa di angan Ita bloh gok mưnuix urang gơk tatơk, jao hakak khol hư ka thang nhom thong thang danuh; mưca khol hư gok hwa mưrai pak anak dôm patao thong kwan pakrang nưgar. 13Sani nạn barat piêh khol hư ngak kaxan. 14#Lu 12:11,12.Yau nan khol hư xang kanal tanat dalam mat, jôi kahria xanưng dahlau xang kar dađaup drei yau halei. 15Mưca Ita ƀai brei ka khol hư panôic kadha thong gruk jag karag bloh ôh ra thutruh halei hu mưda padhag thong paraduh bihu. 16Khol hư mưca gok amek amư, dei ai, gaup patian, ayut côi drei mưk jao, thong khol nhu mưca pamưtai hadôm urang dalam khol hư. 17Khol hư mưca gok graup urang mưbai limuk kaywa di angan Ita. 18Min tha arak ƀuk ngok akok khol hư lijang ôh lihik. 19Nhơ di gruk khang hatai khol hư khik bihu thap xwan drei.
Pô Yê-su brei thau dahlau ka dhan Yê-ru-sa-lem gok phak parong
(Ma-thi-ơ 24:15-21; Mag 13:14-19)
20Tuk khol hư ƀôh dhan Yê-ru-sa-lem gok bôl bala pavang yơ thau laic gruk parong pareh dhan nan thi mưrai. 21Tuk nạn thei dok dalam nưgar Yu-đê xang daup tagôk cơk; thei dok dalam dhan, xang tabiak lingiu; thei dok di lingiu, jôi gilaic tamư dhan. 22Ywa nan ka nạn dôm harei biyar mưbai, piêh ka dôm panôic krung hu vak bihu thit. 23Dalam dôm harei nan, lihin din ka urang kamei bak tian thong dôm muk dok brei ka anưk mum! Mưca hu marakak prong ngok tanưh thong binhôr dangih mưkek jrang ngok bôl ni. 24Mưca khol nhu jalơh di athar padak, thong mưca gok ba nao ngak halun kloh graup ia. Dhan Yê-ru-sa-lem mưca gok mưnuix Bôl-Lingiu jwak jek ka tal tuk dôm bangyau mưnuix Bôl-Lingiu bihu bibloh.
Gruk biđang mưrai anưd Anưk Mưnuix
(Ma-thi-ơ 24:29-31; Mag 13:24-27)
25 #
Cat 6:12,13. Mưca hu dôm kakun crih ngok ia harei, ia bilan thong dôm patuk; dok ala tanưh, dôm bôl drut drôi racol di anak tathik gamram. 26Mưnuix urang lingưk nao kaywa hôic tatơk drei dalam tuk mong akok dôm haget thi mưjiơng tabiak ka nưrah kaywa dôm xagti ngok lingik mưca gok tayun mưgei. 27#Cat 1:7.Kal nan, mưca dunya ƀôh Anưk Mưnuix mưk gon prong, xêh mưlang prong bloh biđang mưrai di krưh halong taganum. 28Tuk halei dôm bruk nan raup mưjiơng tabiak, xang dang tapak, talāk akok tagôk, kaywa gruk dong paklah khol hư krưh mưrai jek.”
Kadha baic mưng phun hara
(Ma-thi-ơ 24:32-35; Mag 13:28-31)
29Bhô binô ka khol nhu tha arkatê: “Xang iơk phun hara thong abih phun pakan. 30Tuk nhu birau tabiak taduk, khol hư ƀôh yơ thau laic bal điak jek mưrai. 31Lijang yau nan, tuk khol hư ƀôh dôm kabha nan mưjiơng tabiak yơ thau Dit Biya Pô Lingik krung hu mai jek. 32Biak jơh, Ita đôm thong khol hư, rai rak ni mưca ôh tapa nao ka tal tuk dôm bruk dêh mưjiơng tabiak. 33Lingik thong tanưh mưca tapa nao, min panôic Ita đôm mưca ôh tuk halei tapa ô.
Xang pamưdơh miêt miêt
34Yau nan, xang ajut! Kađa laic kaywa gruk ƀang mưnhum tapa di nưm, mưbuk thong gruk uh tarak lôg ni ngak ka tian khol hư hatai lwak phik kaic; thong Harei nan mưrai asak yau rajwak glơh ngok khol hư, 35lijang yau ngok abih drei dok graup dunya. 36Yau nan, xang pamưdơh miêt miêt thong lang kar piêh ka khol hư tal prưn pleh truh dôm kabha mưca mưjiơng tabiak, thong dang di anak Anưk Mưnuix.”
37 #
Lu 19:47. Harei, Pô Yê-su pato pakai dalam huji, dok tal xup Bhô tabiak nao thong dok tapa mưlam ngok cơk Ô-liu. 38Gôk pagê, abih bôl bhap mưrai tom Bhô dalam huji piêh pang Bhô lang pato.
Actualmente seleccionado:
Lu-ka 21: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 21
21
Kamei bilau ƀai limah
(Mag 12:41-44)
1Pô Yê-su talāk mưta tagôk, ƀôh dôm urang ginup mưda dok buh jiên limah anưd khol nhu tamư hôp limah. 2Bhô lijang ƀôh tha urang kamei bilau kathot limah dwa boh jiên. 3Bhô bican: “Biak jơh, Ita đôm thong khol hư, urang kamei bilau kathot ni krung hu limah ralô hơl abih dôm urang pakan. 4Kaywa abih drei lijang mưk jiên libeh drei bloh limah, dok urang kamei bilau ni biak kathot riƀah min krung hu limah abih dôm haget muk nan hu piêh rong drei diup.”
Pô Yê-su brei thau dahlau ka gruk thubang Huji Yê-ru-sa-lem
(Ma-thi-ơ 24:1-2; Mag 13:1-13)
5Tuk hu dôm urang đôm ka bruk huji bihu liơn mưng patau ghơh thong panôja, Pô Yê-su bican: 6“Mưca hu harei abih dôm haget khol hư ƀôh sani mưca gok drup jalơh abih, ôh dok tha boh patau halei dak ngok boh patau pakan.”
Dôm habang ka bangyau taluic
(Ma-thi-ơ 24:3-14; Mag 13:3-13)
7Khol nhu tanhi Bhô: “Pathau Gru, tuk halei dôm bruk ni mưca mưjiơng mưrai, thong hu kakun haget brei thau dôm bruk nan thi mưjiơng tabiak?” 8Bhô thuuk: “Xang tayơt, jôi lôi thei palwô pagat khol hư, kaywa mưca hu ralô ra baniai angan Ita mưrai bloh đôm laic: ‘Êng Ita nạn Dê nan thong bangyau krung hu mưrai jek!’ Khol hư jôi tui khol nhu. 9Tuk khol hư hamit đôm ka kalin, kalin kal yơ jôi hôic tatơk drei; kaywa dôm bruk nan xang mưjiơng tabiak, min ô ka njaup taluic binhêt ô.”
10Bloh Bhô bican vơk: “Bôl ni mưca brôk tagôk pagan gađi thubik bôl dêh, dit biya dêh mưradhag di dit biya pakan; 11mưca hu dôm binhôr tatôn tanưh riya prong, ơk lipa mưthong jit rwak pak ralô libik; mưca hu dôm bruk lamưng thong nưm crih prong ngok lingik. 12Min dahlau di tuk dôm kabha nan mưjiơng tabiak, mưca khol hư kaywa di angan Ita bloh gok mưnuix urang gơk tatơk, jao hakak khol hư ka thang nhom thong thang danuh; mưca khol hư gok hwa mưrai pak anak dôm patao thong kwan pakrang nưgar. 13Sani nạn barat piêh khol hư ngak kaxan. 14#Lu 12:11,12.Yau nan khol hư xang kanal tanat dalam mat, jôi kahria xanưng dahlau xang kar dađaup drei yau halei. 15Mưca Ita ƀai brei ka khol hư panôic kadha thong gruk jag karag bloh ôh ra thutruh halei hu mưda padhag thong paraduh bihu. 16Khol hư mưca gok amek amư, dei ai, gaup patian, ayut côi drei mưk jao, thong khol nhu mưca pamưtai hadôm urang dalam khol hư. 17Khol hư mưca gok graup urang mưbai limuk kaywa di angan Ita. 18Min tha arak ƀuk ngok akok khol hư lijang ôh lihik. 19Nhơ di gruk khang hatai khol hư khik bihu thap xwan drei.
Pô Yê-su brei thau dahlau ka dhan Yê-ru-sa-lem gok phak parong
(Ma-thi-ơ 24:15-21; Mag 13:14-19)
20Tuk khol hư ƀôh dhan Yê-ru-sa-lem gok bôl bala pavang yơ thau laic gruk parong pareh dhan nan thi mưrai. 21Tuk nạn thei dok dalam nưgar Yu-đê xang daup tagôk cơk; thei dok dalam dhan, xang tabiak lingiu; thei dok di lingiu, jôi gilaic tamư dhan. 22Ywa nan ka nạn dôm harei biyar mưbai, piêh ka dôm panôic krung hu vak bihu thit. 23Dalam dôm harei nan, lihin din ka urang kamei bak tian thong dôm muk dok brei ka anưk mum! Mưca hu marakak prong ngok tanưh thong binhôr dangih mưkek jrang ngok bôl ni. 24Mưca khol nhu jalơh di athar padak, thong mưca gok ba nao ngak halun kloh graup ia. Dhan Yê-ru-sa-lem mưca gok mưnuix Bôl-Lingiu jwak jek ka tal tuk dôm bangyau mưnuix Bôl-Lingiu bihu bibloh.
Gruk biđang mưrai anưd Anưk Mưnuix
(Ma-thi-ơ 24:29-31; Mag 13:24-27)
25 #
Cat 6:12,13. Mưca hu dôm kakun crih ngok ia harei, ia bilan thong dôm patuk; dok ala tanưh, dôm bôl drut drôi racol di anak tathik gamram. 26Mưnuix urang lingưk nao kaywa hôic tatơk drei dalam tuk mong akok dôm haget thi mưjiơng tabiak ka nưrah kaywa dôm xagti ngok lingik mưca gok tayun mưgei. 27#Cat 1:7.Kal nan, mưca dunya ƀôh Anưk Mưnuix mưk gon prong, xêh mưlang prong bloh biđang mưrai di krưh halong taganum. 28Tuk halei dôm bruk nan raup mưjiơng tabiak, xang dang tapak, talāk akok tagôk, kaywa gruk dong paklah khol hư krưh mưrai jek.”
Kadha baic mưng phun hara
(Ma-thi-ơ 24:32-35; Mag 13:28-31)
29Bhô binô ka khol nhu tha arkatê: “Xang iơk phun hara thong abih phun pakan. 30Tuk nhu birau tabiak taduk, khol hư ƀôh yơ thau laic bal điak jek mưrai. 31Lijang yau nan, tuk khol hư ƀôh dôm kabha nan mưjiơng tabiak yơ thau Dit Biya Pô Lingik krung hu mai jek. 32Biak jơh, Ita đôm thong khol hư, rai rak ni mưca ôh tapa nao ka tal tuk dôm bruk dêh mưjiơng tabiak. 33Lingik thong tanưh mưca tapa nao, min panôic Ita đôm mưca ôh tuk halei tapa ô.
Xang pamưdơh miêt miêt
34Yau nan, xang ajut! Kađa laic kaywa gruk ƀang mưnhum tapa di nưm, mưbuk thong gruk uh tarak lôg ni ngak ka tian khol hư hatai lwak phik kaic; thong Harei nan mưrai asak yau rajwak glơh ngok khol hư, 35lijang yau ngok abih drei dok graup dunya. 36Yau nan, xang pamưdơh miêt miêt thong lang kar piêh ka khol hư tal prưn pleh truh dôm kabha mưca mưjiơng tabiak, thong dang di anak Anưk Mưnuix.”
37 #
Lu 19:47. Harei, Pô Yê-su pato pakai dalam huji, dok tal xup Bhô tabiak nao thong dok tapa mưlam ngok cơk Ô-liu. 38Gôk pagê, abih bôl bhap mưrai tom Bhô dalam huji piêh pang Bhô lang pato.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.