Lu-ka 19
19
Pô Yê-su thong Xa-cê
1Pô Yê-su tamư Yê-ri-kô, nao thrang tapa mưdin. 2Tak nan, hu tha urang angan Xa-cê, ginôr pan akok danok mưk jiư thong ginup mưda. 3Ong dwah ganap iơk Pô Yê-su nạn thei, min ôh ƀôh, kaywa tapôr bôl yơ ralô, min ong yơ talut. 4Yau nan, Xa-cê đôic dahlau thong kajān tagôk phun hara piêh mong Bhô, kaywa Bhô thi nao tapa libik nan. 5Tuk Pô Yê-su nao tal libik nan, yơ talāk mưta tagôk thong bican thong ong: “Hơic Xa-cê, xang trun padrah, kaywa harei ni Ita xang dok vơk thang hư.” 6Xa-cê bhưng bhưng kajān trun thong ôn tabôn rok daa Bhô. 7Abih drei ƀôh yau nan jang ih oh: “Urang ni tamư dalam thang ra danuh glaic bloh mưdok!” 8Min Xa-cê dang di anak Pô bloh pathau: “Pô lơy, mưni, dahlak mưk mưtưh ƀang angui dahlak bloh ƀai ka urang kathot; mưyah hu ngak rugi di thei ô hakê bruk haget, mưca dahlak biyar jiơng pāk ƀang.” 9Pô Yê-su bican thong nhu: “Harei ni gruk dong paklah krung hu tamư thang ni, kaywa urang ni lijang nạn anưk taco Ap-ra-ham. 10#Mat 18:11.Kaywa Anưk Mưnuix krung hu mưrai piêh dwah thong dong ra gok pao lihik.”
Arkatê ka dôm boh jiên
(Ma-thi-ơ 25:14-30)
11Dalam tuk khol nhu pang dôm panôic nan, Pô Yê-su binô paƀlwak tha arkatê tra, kaywa Bhô jek thi tal dhan Yê-ru-sa-lem nan ka mưnuix urang xanưng laic Dit Biya Pô Lingik mưca bhat tabiak binhêt. 12Ywa nan ka, Bhô bican: “Hu tha raganup nao tal tha nưgar pakan piêh bihu papôk ngak patao, bloh mưca gilaic mai. 13Ong iêu tha pluh urang dalam thanôn dôm halun ong mai, jao ka khol nhu tha pluh boh jiên thong pađar: ‘Xang ngak laba tabiak ka tal tuk Ita gilaic mai.’ 14Min bôl nưgar ong limuk di ong nan ka pachai kaphwari tui hadei bloh đôm: ‘Khol dahlak ôh ưng ong ni pakrang khol dahlak!’ 15Hadei di tuk bihu papôk ngak patao bloh gilaic mai, patao iêu dôm halun krung hu tôk jiên mưrai piêh thau yāup urang krung hu ngak laba bihu hadôm. 16Halun ya tha mưrai pathau: ‘Pathau pô, boh jiên pô krung hu pajiơng laba tabiak bihu tha pluh boh jiên vơk.’ 17Pô đôm: ‘Hơic halun tapak tape, ghơh lô, kaywa hư krung hu kloh hatai dalam bruk biak xit, mưca hư bihu mong iơk tha pluh dhan.’ 18Mưnuix ya dwa mưrai pathau: ‘Pathau pô, boh jiên pô krung hu laba tabiak bihu limư boh jiên vơk.’ 19Pô lijang đôm: ‘Hư bihu mong iơk limư dhan.’ 20Tha halun pakan mưrai pathau: ‘Pathau pô, mưni, boh jiên pô dahlak krung hu papok dalam xiêup, 21kaywa dahlak hôic di pô, kaywa pô nạn mưnuix thur, mưk dalam libik ôh cek, ywak dalam libik ôh drāk.’ 22Pô đôm: ‘Mưni ban halun xag mưjưy! Kưk tui panôic hư đôm tabiak bloh ita pachang bican. Hu njaup hư krung hu thau ita nạn mưnuix thur, mưk dalam libik ôh cek, ywak dalam libik ôh drāk ô? 23Ywa nan ka habar hư ôh jao jiên ita ka mưnuix xalih jiên piêh tuk ita mai, mưca mưk gam phun thong hajung?’ 24Bloh pô đôm thong mưnuix dang tak nan: ‘Xang mưk boh jiên nhu bloh brei ka mưnuix hu tha pluh boh jiên.’ 25Khol nhu pathau: ‘Pathau pô, urang nan krung hu tha pluh boh jiên pajơ!’ 26#Mat 13:12; Mag 4:25; Lu 8:18.Ita đôm thong khol hư: ‘Thei hu mưca bihu brei paƀlwak vơk, min thei ôh hu yơ mưca gok mưk takung bih kabha khol nhu hu vơk. 27#Mat 25:14-30.Dok nôk dôm ra thutruh thong ita, ôh ưng ita pakrang khol nhu, xang ba khol nhu mưrai tak ni thong pamưtai di anak ita.’” 28Hadei di tuk bican dôm panôic nan, Pô Yê-su nao dahlau, tagôk dhan Yê-ru-sa-lem.
Rapajan Pô Yê-su tak dhan Yê-ru-sa-lem
(19:29 – 21:38)
Pô Yê-su tamư dhan Yê-ru-sa-lem
(Ma-thi-ơ 21:1-11; Mag 11:1-11; Yâng 12:12-19)
29Tuk mưrai jek Ƀêt-pha-yê thong Ƀêt-tha-ni, ganak cơk iêu nạn Ô-liu, Pô Yê-su pachai dwa anưk xêh nao 30thong kakei: “Xang nao tamư palei jom. Tuk tamư palei, mưca khol hư ƀôh tha atheh mrek dam ikak tak nan ô ka hu mưda thei đik. Xang taleh nhu tabiak bloh dui mưrai sani. 31Mưyah thei tanhi: ‘Ywa haget dei ai taleh nhu tabiak?’ Khol hư kưk đôm: ‘Pô#19:31 Pô: Ngan nạn Pô tapôr nhu. hajat nhu.’” 32Dwa urang bihu pachai nao gōk dôm kabha njaup yau Pô krung hu bican. 33Tuk khol nhu dok taleh atheh mrek dam, yơ dôm pô đôm thong khol nhu: “Habar dôm xaai taleh atheh mrek dam ni tabiak?” 34Khol nhu đôm: “Pô hajat nhu.” 35Bloh khol nhu dui atheh mrek mai ka Pô Yê-su, mưk ao drei lang ngok kaing atheh mrek dam thong vơh Bhô đik tagôk. 36Tuk Pô Yê-su đik atheh mrek nao, hu ralô urang lang ao ngok jalan. 37Tuk mưrai jek camreh cơk Ô-liu, bih tapôr anưk xêh raup ôn tabôn thong pôk mưyom Pô Lingik ka dôm bruk gon xagta krung hu khol nhu krung hu ƀôh.
38Khol nhu ahei: “Đang pôk mưyom Patao nưmax angan Pô bloh mưrai!
Thug siam ngok thôr riga, thong xêh mưlang ngok libik glong yatha!”
39Hu hadôm mưnuix Pha-ri-si dok dalam tapôr bôl đôm thong Bhô: “Pathau Gru, likau xayok dôm anưk xêh Gru!” 40Bhô thuuk: “Ita đôm thong khol hư, mưyah khol nhu gađang dhit yơ mưca patau prêu tagôk.”
Pô Yê-su hia patak parai ka dhan Yê-ru-sa-lem
41Tuk mưrai jek, mong ƀôh mưdin, Pô Yê-su hia ka nhu thong bican: 42“Cong habar, vêt harei ni, hư thau bihu dôm kabha ngak ka hư thug siam! Min urak ni kabha nạn gok pacang kavơk truh di mưta hư. 43Kaywa mưca hu harei, hư mưca gok bôl khamang bơk biuh, pavang thong taiak kajap pāk adih. 44Mưca khol nhu thubang hư thong anưk bik dok krưh hư gêk. Mưca khol nhu ôh lôi boh patau ni dak ngok boh patau dêh, kaywa hư ôh thau tuk halei drei bihu ravang.”
Pô Yê-su pagah hacih Huji
(Ma-thi-ơ 21:12-17; Mag 11:15-19; Yâng 2:13-22)
45Pô Yê-su tamư Huji, raup tiaup dôm ra pablei talei pak nan tabiak, 46thong bican thong khol nhu: “Hu panôic vak laic: ‘Thang Ita mưca nạn thang lang kar’, min khol hư krung hu xalih libik nan jiơng gôk poh blah.” 47#Lu 21:37.Yāup harei Bhô lang pato dalam Huji. Dôm gru mưliêng prong, dôm gru pato adat, mưthong dôm urang pan akok dalam bôl bhap dwah ganap pamưtai Bhô, 48min khol nhu ôh thau xang ngak yau halei, kaywa abih bôl bhap jang patom mat pang Bhô.
Actualmente seleccionado:
Lu-ka 19: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 19
19
Pô Yê-su thong Xa-cê
1Pô Yê-su tamư Yê-ri-kô, nao thrang tapa mưdin. 2Tak nan, hu tha urang angan Xa-cê, ginôr pan akok danok mưk jiư thong ginup mưda. 3Ong dwah ganap iơk Pô Yê-su nạn thei, min ôh ƀôh, kaywa tapôr bôl yơ ralô, min ong yơ talut. 4Yau nan, Xa-cê đôic dahlau thong kajān tagôk phun hara piêh mong Bhô, kaywa Bhô thi nao tapa libik nan. 5Tuk Pô Yê-su nao tal libik nan, yơ talāk mưta tagôk thong bican thong ong: “Hơic Xa-cê, xang trun padrah, kaywa harei ni Ita xang dok vơk thang hư.” 6Xa-cê bhưng bhưng kajān trun thong ôn tabôn rok daa Bhô. 7Abih drei ƀôh yau nan jang ih oh: “Urang ni tamư dalam thang ra danuh glaic bloh mưdok!” 8Min Xa-cê dang di anak Pô bloh pathau: “Pô lơy, mưni, dahlak mưk mưtưh ƀang angui dahlak bloh ƀai ka urang kathot; mưyah hu ngak rugi di thei ô hakê bruk haget, mưca dahlak biyar jiơng pāk ƀang.” 9Pô Yê-su bican thong nhu: “Harei ni gruk dong paklah krung hu tamư thang ni, kaywa urang ni lijang nạn anưk taco Ap-ra-ham. 10#Mat 18:11.Kaywa Anưk Mưnuix krung hu mưrai piêh dwah thong dong ra gok pao lihik.”
Arkatê ka dôm boh jiên
(Ma-thi-ơ 25:14-30)
11Dalam tuk khol nhu pang dôm panôic nan, Pô Yê-su binô paƀlwak tha arkatê tra, kaywa Bhô jek thi tal dhan Yê-ru-sa-lem nan ka mưnuix urang xanưng laic Dit Biya Pô Lingik mưca bhat tabiak binhêt. 12Ywa nan ka, Bhô bican: “Hu tha raganup nao tal tha nưgar pakan piêh bihu papôk ngak patao, bloh mưca gilaic mai. 13Ong iêu tha pluh urang dalam thanôn dôm halun ong mai, jao ka khol nhu tha pluh boh jiên thong pađar: ‘Xang ngak laba tabiak ka tal tuk Ita gilaic mai.’ 14Min bôl nưgar ong limuk di ong nan ka pachai kaphwari tui hadei bloh đôm: ‘Khol dahlak ôh ưng ong ni pakrang khol dahlak!’ 15Hadei di tuk bihu papôk ngak patao bloh gilaic mai, patao iêu dôm halun krung hu tôk jiên mưrai piêh thau yāup urang krung hu ngak laba bihu hadôm. 16Halun ya tha mưrai pathau: ‘Pathau pô, boh jiên pô krung hu pajiơng laba tabiak bihu tha pluh boh jiên vơk.’ 17Pô đôm: ‘Hơic halun tapak tape, ghơh lô, kaywa hư krung hu kloh hatai dalam bruk biak xit, mưca hư bihu mong iơk tha pluh dhan.’ 18Mưnuix ya dwa mưrai pathau: ‘Pathau pô, boh jiên pô krung hu laba tabiak bihu limư boh jiên vơk.’ 19Pô lijang đôm: ‘Hư bihu mong iơk limư dhan.’ 20Tha halun pakan mưrai pathau: ‘Pathau pô, mưni, boh jiên pô dahlak krung hu papok dalam xiêup, 21kaywa dahlak hôic di pô, kaywa pô nạn mưnuix thur, mưk dalam libik ôh cek, ywak dalam libik ôh drāk.’ 22Pô đôm: ‘Mưni ban halun xag mưjưy! Kưk tui panôic hư đôm tabiak bloh ita pachang bican. Hu njaup hư krung hu thau ita nạn mưnuix thur, mưk dalam libik ôh cek, ywak dalam libik ôh drāk ô? 23Ywa nan ka habar hư ôh jao jiên ita ka mưnuix xalih jiên piêh tuk ita mai, mưca mưk gam phun thong hajung?’ 24Bloh pô đôm thong mưnuix dang tak nan: ‘Xang mưk boh jiên nhu bloh brei ka mưnuix hu tha pluh boh jiên.’ 25Khol nhu pathau: ‘Pathau pô, urang nan krung hu tha pluh boh jiên pajơ!’ 26#Mat 13:12; Mag 4:25; Lu 8:18.Ita đôm thong khol hư: ‘Thei hu mưca bihu brei paƀlwak vơk, min thei ôh hu yơ mưca gok mưk takung bih kabha khol nhu hu vơk. 27#Mat 25:14-30.Dok nôk dôm ra thutruh thong ita, ôh ưng ita pakrang khol nhu, xang ba khol nhu mưrai tak ni thong pamưtai di anak ita.’” 28Hadei di tuk bican dôm panôic nan, Pô Yê-su nao dahlau, tagôk dhan Yê-ru-sa-lem.
Rapajan Pô Yê-su tak dhan Yê-ru-sa-lem
(19:29 – 21:38)
Pô Yê-su tamư dhan Yê-ru-sa-lem
(Ma-thi-ơ 21:1-11; Mag 11:1-11; Yâng 12:12-19)
29Tuk mưrai jek Ƀêt-pha-yê thong Ƀêt-tha-ni, ganak cơk iêu nạn Ô-liu, Pô Yê-su pachai dwa anưk xêh nao 30thong kakei: “Xang nao tamư palei jom. Tuk tamư palei, mưca khol hư ƀôh tha atheh mrek dam ikak tak nan ô ka hu mưda thei đik. Xang taleh nhu tabiak bloh dui mưrai sani. 31Mưyah thei tanhi: ‘Ywa haget dei ai taleh nhu tabiak?’ Khol hư kưk đôm: ‘Pô#19:31 Pô: Ngan nạn Pô tapôr nhu. hajat nhu.’” 32Dwa urang bihu pachai nao gōk dôm kabha njaup yau Pô krung hu bican. 33Tuk khol nhu dok taleh atheh mrek dam, yơ dôm pô đôm thong khol nhu: “Habar dôm xaai taleh atheh mrek dam ni tabiak?” 34Khol nhu đôm: “Pô hajat nhu.” 35Bloh khol nhu dui atheh mrek mai ka Pô Yê-su, mưk ao drei lang ngok kaing atheh mrek dam thong vơh Bhô đik tagôk. 36Tuk Pô Yê-su đik atheh mrek nao, hu ralô urang lang ao ngok jalan. 37Tuk mưrai jek camreh cơk Ô-liu, bih tapôr anưk xêh raup ôn tabôn thong pôk mưyom Pô Lingik ka dôm bruk gon xagta krung hu khol nhu krung hu ƀôh.
38Khol nhu ahei: “Đang pôk mưyom Patao nưmax angan Pô bloh mưrai!
Thug siam ngok thôr riga, thong xêh mưlang ngok libik glong yatha!”
39Hu hadôm mưnuix Pha-ri-si dok dalam tapôr bôl đôm thong Bhô: “Pathau Gru, likau xayok dôm anưk xêh Gru!” 40Bhô thuuk: “Ita đôm thong khol hư, mưyah khol nhu gađang dhit yơ mưca patau prêu tagôk.”
Pô Yê-su hia patak parai ka dhan Yê-ru-sa-lem
41Tuk mưrai jek, mong ƀôh mưdin, Pô Yê-su hia ka nhu thong bican: 42“Cong habar, vêt harei ni, hư thau bihu dôm kabha ngak ka hư thug siam! Min urak ni kabha nạn gok pacang kavơk truh di mưta hư. 43Kaywa mưca hu harei, hư mưca gok bôl khamang bơk biuh, pavang thong taiak kajap pāk adih. 44Mưca khol nhu thubang hư thong anưk bik dok krưh hư gêk. Mưca khol nhu ôh lôi boh patau ni dak ngok boh patau dêh, kaywa hư ôh thau tuk halei drei bihu ravang.”
Pô Yê-su pagah hacih Huji
(Ma-thi-ơ 21:12-17; Mag 11:15-19; Yâng 2:13-22)
45Pô Yê-su tamư Huji, raup tiaup dôm ra pablei talei pak nan tabiak, 46thong bican thong khol nhu: “Hu panôic vak laic: ‘Thang Ita mưca nạn thang lang kar’, min khol hư krung hu xalih libik nan jiơng gôk poh blah.” 47#Lu 21:37.Yāup harei Bhô lang pato dalam Huji. Dôm gru mưliêng prong, dôm gru pato adat, mưthong dôm urang pan akok dalam bôl bhap dwah ganap pamưtai Bhô, 48min khol nhu ôh thau xang ngak yau halei, kaywa abih bôl bhap jang patom mat pang Bhô.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.