Lu-ka 18
18
Arkatê ka kwan an thong urang kamei bilau
1Pô Yê-su binô ka anưk xêh arkatê piêh ka khol nhu ƀôh hajat xang lang kar takung, ôh mưda aic hatai. 2Bhô bican: “Dalam dhan dêh, hu tha kwan an ôh hôic taka di Pô Lingik lijang ôh kađa tagrơk thei. 3Tha urang kamei bilau dalam dhan nan kưk mưrai pathau thong ong laic: ‘Likau xang pachang bican ganap kahanôt thong pahadah ka dahlak, piêh mưradhag vơk ra thutruh dahlak.’ 4Kwan an kamlah tha tuk vag. Min hadei di nan, ong êng xanưng: ‘Kanê Ita ôh hôic di Pô Lingik lijang ôh kađa tagrơk thei, 5min kaywa urang kamei bilau ni ngak binhôl Ita, nan ka mưca Ita pachang bican kahanôt thong pahadah ka muk, ô mưca muk kưk mưrai hamiêt ngak ka ita cao ci.’” 6Pô bican: “Khol hư hu pang panôic kwan an tidak adil nan đôm lei? 7Yau nan, gađi halei Pô Lingik ôh pachang bican kahanôt thong pahadah ka dôm urang bihu Bhô rwah, nạn urang harei mưlam iêu likau di Bhô, bloh gilaic mưdei vơk dong paklah khol nhu ô? 8Ita đôm thong khol hư, mưca Bhô xamar drah pachang bican kahanôt thong pahadah ka khol nhu. Yau nan min, tuk Anưk Mưnuix mưrai, mưca Bhô dok ƀôh sagar di ngok tanưh kaic?”
Arkatê ka mưnuix Pha-ri-si thong mưnuix mưk jiư
9Pô Yê-su gilaic binô arkatê ni ka tha thanôn urang êng brei ka drei nạn kahanôt bloh paong dôm urang pakan: 10“Hu dwa urang tagôk huji lang kar: tha urang Pha-ri-si thong tha urang mưk jiư. 11Urang Pha-ri-si dang tagôk thong lang kar ka drei#18:11 dang tagôk thong lang kar ka drei: Dalam tha thanôn blah vak tangin nạn dang lang kar karei. yau ni: ‘Pô Lingik lơy, dahlak đwa karun Bhô, kaywa dahlak ôh njaup yau urang pakan: tathrưg lagơh, tablơk lôg, payar, lijang ôh njaup yau urang mưk jiư ni. 12Dahlak ikak tian ơk dwa ƀang yāup akok karaup, thong limah tha bhan tha pluh ka abih laba dahlak hu.’ 13Dok urang mưk jiư dang atah atah, ôh khin talāk mưta tagôk lingik, ciêt cabak tada drei thuuk: ‘Pô Lingik lơy, likau athur alim dahlak kaywa dahlak nạn tha urang glaic!’ 14#Mat 23:12; Lu 14:11.Ita đôm thong khol hư, urang ni gilaic mai thang drei, bihu mong yau kahanôt mih ôh njaup urang dêh. Kaywa thei êng papôk glong mưca gok paglơh trun, dok thei êng paglơh trun, mưca bihu papôk glong.”
Pô Yê-su tadhau phôl ka anưk rineh
(Ma-thi-ơ 19:13-15; Mag 10:13-16)
15Mưnuix urang lijang ba dôm anưk rineh mưrai tom Pô Yê-su piêh Bhô ravơk khol nhu. Ƀôh yau nan dôm anưk xêh xayok dôm urang ba mai. 16Min Pô Yê-su iêu khol nhu mai bloh bican laic: “Xang lôi dôm anưk rineh mưrai mưthong Ita, jôi ghak drưh khol nhu; kaywa Dit Biya Pô Lingik bha di dôm urang drơh yau anưk rineh nan. 17Biak jơh, Ita bican thong khol hư, thei ôh takabal Dit Biya Pô Lingik yau tha anưk raneh yơ mưca ôh tamư tak nan bihu.”
Kar kwan ginup mưda
(Ma-thi-ơ 19:16-30; Mag 10:17-31)
18Hu tha kar kwan tanhi Pô Yê-su: “Pathau Gru siam phôl, dahlak xang ngak haget piêh bihu liêng gruk diup rit rai?” 19Bhô thuuk: “Ywa haget hư iêu Ita nạn siam phôl? Klāk tha drei Pô Lingik tabiak, ôh hu thei nạn siam phôl trah. 20Hư thau dôm vahi ni: ‘Jôi pamưtai mưnuix; jôi tanrok glaic ƀang glai mưtah; jôi klek xavah; jôi ngak kaxan lor; xang pôkja amek amư hư.’” 21Ong nan thuuk: “Dahlak krung hu khik dôm kabha nan mưng tuk dok rineh.” 22Tuk Pô Yê-su pang kabha nan ka Bhô bican: “Hư dok u tha kabha: Xang pablei abih haget hư hu bloh rabha takhat ka urang kathot yơ mưca hư hu gilang banrik ngok thôr riga bloh xang mưrai tui Ita.” 23Min tuk pang dôm kabha ni, ong biak rau ri, kaywa ong biak ginup mưda. 24Pô Yê-su mong ong thong bican: “Urang mưda tamư Dit Biya Pô Lingik biak kan lô! 25Kaywa unta lwak tapa gilong jarum dok ƀôn hơl mưnuix ginup mưda tamư Dit Biya Pô Lingik!” 26Dôm urang pang kabha nan đôm laic: “Yau nan yơ thei mưda bihu dong paklah?” 27Bhô thuuk: “Kabha mưrôxak ôh ngak bihu yơ Pô Lingik ngak bihu.” 28Phi-e-rơ pathau: “Mưni, khol dahlak krung hu klāk dôm haget drei hu bloh tui Gru.” 29Bhô thuuk: “Biak jơh, Ita đôm thong khol hư, ôh thei kamlah klāk thang danok, amek amư, dei ai, hadiup anưk kaywa Dit Biya Pô Lingik 30bloh gilaic ôh bihu tôk ƀlwak nôk hơl dalam rai ni, thong bihu gruk diup rit rai dalam rai hadei.”
Ƀang ya klau Pô Yê-su brei thau dahlau ka gruk Bhô mưtai thong diup vơk
(Ma-thi-ơ 20:17-19; Mag 10:32-34)
31Pô Yê-su ba tha pluh dwa Xêh Pachai tabiak karei thong bican thong khol nhu: “Mưni, khol drei nao tagôk dhan Yê-ru-sa-lem; abih kabha bloh dôm pakat hôr krung hu vak ka Anưk Mưnuix mưca bihu thit. 32Kaywa mưca Bhô gok jao ka mưnuix Bôl-Lingiu, gok klao bilei, gok pôic drak thong gok gahak kacôic tamư ƀok. 33Mưca khol nhu atong poh thong pamưtai Bhô; tal harei ya klau, mưca Bhô diup vơk.” 34Min dôm anưk xêh ôh thau haget tra, kaywa dôm panôic nan dok gok padaup kađaup jom thong khol nhu, thong khol nhu ôh thau Pô ưng đôm haget.
Pô Yê-su pajru dhit urang tagloh pak Yê-ri-kô
(Ma-thi-ơ 20:29-34; Mag 10:46-52)
35Tuk Pô Yê-su mưrai jek dhan Yê-ri-kô, hu tha urang tagloh dok likau ƀang gah jalan. 36Hamit tapôr bôl nao gan, urang nan tanhi ravang hu kadha haget. 37Mưnuix urang brei ka nhu thau Pô Yê-su, mưnuix Na-xa-ret krưh dok nao tapa. 38Urang tagloh binhêt prêu tagôk: “Pô Yê-su, Anưk patao Đa-vit lơy, likau athur alim dahlak!” 39Dôm urang nao dahlau pôic ka nhu, pađar gađang mek. Min nhu bik prêu prong hơl: “Anưk patao Đa-vit lơy, likau athur alim dahlak!” 40Pô Yê-su dơh vơk, thurah ba urang tagloh mưrai. Tuk nhu mưrai jek, Bhô tanhi: 41“Hư ưng Ita ngak haget ka hư?” Nhu pathau: “Pô lơy, likau brei ka dahlak bihu hadah mưta vơk.” 42Pô Yê-su bican: “Mưta xang hadah vơk! Sagar hư krung hu pajru dhit ka hư.” 43Binhêt, urang tagloh bihu hadah mưta, nao tui Bhô thong tahamid Pô Lingik. Abih bôl bhap ƀôh bruk nan jang pôk mưyom Pô Lingik.
Actualmente seleccionado:
Lu-ka 18: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 18
18
Arkatê ka kwan an thong urang kamei bilau
1Pô Yê-su binô ka anưk xêh arkatê piêh ka khol nhu ƀôh hajat xang lang kar takung, ôh mưda aic hatai. 2Bhô bican: “Dalam dhan dêh, hu tha kwan an ôh hôic taka di Pô Lingik lijang ôh kađa tagrơk thei. 3Tha urang kamei bilau dalam dhan nan kưk mưrai pathau thong ong laic: ‘Likau xang pachang bican ganap kahanôt thong pahadah ka dahlak, piêh mưradhag vơk ra thutruh dahlak.’ 4Kwan an kamlah tha tuk vag. Min hadei di nan, ong êng xanưng: ‘Kanê Ita ôh hôic di Pô Lingik lijang ôh kađa tagrơk thei, 5min kaywa urang kamei bilau ni ngak binhôl Ita, nan ka mưca Ita pachang bican kahanôt thong pahadah ka muk, ô mưca muk kưk mưrai hamiêt ngak ka ita cao ci.’” 6Pô bican: “Khol hư hu pang panôic kwan an tidak adil nan đôm lei? 7Yau nan, gađi halei Pô Lingik ôh pachang bican kahanôt thong pahadah ka dôm urang bihu Bhô rwah, nạn urang harei mưlam iêu likau di Bhô, bloh gilaic mưdei vơk dong paklah khol nhu ô? 8Ita đôm thong khol hư, mưca Bhô xamar drah pachang bican kahanôt thong pahadah ka khol nhu. Yau nan min, tuk Anưk Mưnuix mưrai, mưca Bhô dok ƀôh sagar di ngok tanưh kaic?”
Arkatê ka mưnuix Pha-ri-si thong mưnuix mưk jiư
9Pô Yê-su gilaic binô arkatê ni ka tha thanôn urang êng brei ka drei nạn kahanôt bloh paong dôm urang pakan: 10“Hu dwa urang tagôk huji lang kar: tha urang Pha-ri-si thong tha urang mưk jiư. 11Urang Pha-ri-si dang tagôk thong lang kar ka drei#18:11 dang tagôk thong lang kar ka drei: Dalam tha thanôn blah vak tangin nạn dang lang kar karei. yau ni: ‘Pô Lingik lơy, dahlak đwa karun Bhô, kaywa dahlak ôh njaup yau urang pakan: tathrưg lagơh, tablơk lôg, payar, lijang ôh njaup yau urang mưk jiư ni. 12Dahlak ikak tian ơk dwa ƀang yāup akok karaup, thong limah tha bhan tha pluh ka abih laba dahlak hu.’ 13Dok urang mưk jiư dang atah atah, ôh khin talāk mưta tagôk lingik, ciêt cabak tada drei thuuk: ‘Pô Lingik lơy, likau athur alim dahlak kaywa dahlak nạn tha urang glaic!’ 14#Mat 23:12; Lu 14:11.Ita đôm thong khol hư, urang ni gilaic mai thang drei, bihu mong yau kahanôt mih ôh njaup urang dêh. Kaywa thei êng papôk glong mưca gok paglơh trun, dok thei êng paglơh trun, mưca bihu papôk glong.”
Pô Yê-su tadhau phôl ka anưk rineh
(Ma-thi-ơ 19:13-15; Mag 10:13-16)
15Mưnuix urang lijang ba dôm anưk rineh mưrai tom Pô Yê-su piêh Bhô ravơk khol nhu. Ƀôh yau nan dôm anưk xêh xayok dôm urang ba mai. 16Min Pô Yê-su iêu khol nhu mai bloh bican laic: “Xang lôi dôm anưk rineh mưrai mưthong Ita, jôi ghak drưh khol nhu; kaywa Dit Biya Pô Lingik bha di dôm urang drơh yau anưk rineh nan. 17Biak jơh, Ita bican thong khol hư, thei ôh takabal Dit Biya Pô Lingik yau tha anưk raneh yơ mưca ôh tamư tak nan bihu.”
Kar kwan ginup mưda
(Ma-thi-ơ 19:16-30; Mag 10:17-31)
18Hu tha kar kwan tanhi Pô Yê-su: “Pathau Gru siam phôl, dahlak xang ngak haget piêh bihu liêng gruk diup rit rai?” 19Bhô thuuk: “Ywa haget hư iêu Ita nạn siam phôl? Klāk tha drei Pô Lingik tabiak, ôh hu thei nạn siam phôl trah. 20Hư thau dôm vahi ni: ‘Jôi pamưtai mưnuix; jôi tanrok glaic ƀang glai mưtah; jôi klek xavah; jôi ngak kaxan lor; xang pôkja amek amư hư.’” 21Ong nan thuuk: “Dahlak krung hu khik dôm kabha nan mưng tuk dok rineh.” 22Tuk Pô Yê-su pang kabha nan ka Bhô bican: “Hư dok u tha kabha: Xang pablei abih haget hư hu bloh rabha takhat ka urang kathot yơ mưca hư hu gilang banrik ngok thôr riga bloh xang mưrai tui Ita.” 23Min tuk pang dôm kabha ni, ong biak rau ri, kaywa ong biak ginup mưda. 24Pô Yê-su mong ong thong bican: “Urang mưda tamư Dit Biya Pô Lingik biak kan lô! 25Kaywa unta lwak tapa gilong jarum dok ƀôn hơl mưnuix ginup mưda tamư Dit Biya Pô Lingik!” 26Dôm urang pang kabha nan đôm laic: “Yau nan yơ thei mưda bihu dong paklah?” 27Bhô thuuk: “Kabha mưrôxak ôh ngak bihu yơ Pô Lingik ngak bihu.” 28Phi-e-rơ pathau: “Mưni, khol dahlak krung hu klāk dôm haget drei hu bloh tui Gru.” 29Bhô thuuk: “Biak jơh, Ita đôm thong khol hư, ôh thei kamlah klāk thang danok, amek amư, dei ai, hadiup anưk kaywa Dit Biya Pô Lingik 30bloh gilaic ôh bihu tôk ƀlwak nôk hơl dalam rai ni, thong bihu gruk diup rit rai dalam rai hadei.”
Ƀang ya klau Pô Yê-su brei thau dahlau ka gruk Bhô mưtai thong diup vơk
(Ma-thi-ơ 20:17-19; Mag 10:32-34)
31Pô Yê-su ba tha pluh dwa Xêh Pachai tabiak karei thong bican thong khol nhu: “Mưni, khol drei nao tagôk dhan Yê-ru-sa-lem; abih kabha bloh dôm pakat hôr krung hu vak ka Anưk Mưnuix mưca bihu thit. 32Kaywa mưca Bhô gok jao ka mưnuix Bôl-Lingiu, gok klao bilei, gok pôic drak thong gok gahak kacôic tamư ƀok. 33Mưca khol nhu atong poh thong pamưtai Bhô; tal harei ya klau, mưca Bhô diup vơk.” 34Min dôm anưk xêh ôh thau haget tra, kaywa dôm panôic nan dok gok padaup kađaup jom thong khol nhu, thong khol nhu ôh thau Pô ưng đôm haget.
Pô Yê-su pajru dhit urang tagloh pak Yê-ri-kô
(Ma-thi-ơ 20:29-34; Mag 10:46-52)
35Tuk Pô Yê-su mưrai jek dhan Yê-ri-kô, hu tha urang tagloh dok likau ƀang gah jalan. 36Hamit tapôr bôl nao gan, urang nan tanhi ravang hu kadha haget. 37Mưnuix urang brei ka nhu thau Pô Yê-su, mưnuix Na-xa-ret krưh dok nao tapa. 38Urang tagloh binhêt prêu tagôk: “Pô Yê-su, Anưk patao Đa-vit lơy, likau athur alim dahlak!” 39Dôm urang nao dahlau pôic ka nhu, pađar gađang mek. Min nhu bik prêu prong hơl: “Anưk patao Đa-vit lơy, likau athur alim dahlak!” 40Pô Yê-su dơh vơk, thurah ba urang tagloh mưrai. Tuk nhu mưrai jek, Bhô tanhi: 41“Hư ưng Ita ngak haget ka hư?” Nhu pathau: “Pô lơy, likau brei ka dahlak bihu hadah mưta vơk.” 42Pô Yê-su bican: “Mưta xang hadah vơk! Sagar hư krung hu pajru dhit ka hư.” 43Binhêt, urang tagloh bihu hadah mưta, nao tui Bhô thong tahamid Pô Lingik. Abih bôl bhap ƀôh bruk nan jang pôk mưyom Pô Lingik.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.