Lu-ka 17
17
Dôm panôic lang pato pakan
(Ma-thi-ơ 18:6-7,21-22; Mag 9:42)
1Pô Yê-su bican thong dôm anưk xêh: “Ôh mưda ôh hu dôm kabha ngak ka hanek tanrok, min lihin din ka urang halei ngak ka kabha nan! 2Dak ikak lathung patau di takôi urang nan bloh parah trun tathik dok hơl nạn lôi ka urang nan ngak ka tha dalam dôm ban xit ni tanrok glaic.
3 #
Mat 18:15. Khol hư xang khik êng drei. Mưyah dei ai hư tanrok glaic, xang xayok! Mưyah khol nhu tumal, xang ampun! 4Kanê dalam tha harei, dei ai hư tanrok glaic thong hư tajuh ƀang, thong tajuh ƀang gilaic vơk mưthong hư bloh đôm: ‘Dahlak tumal’ yơ hư lijang xang ampun.”
Sagar
5Dôm Xêh Pachai pathau thong Pô: “Likau paƀlwak sagar ka khol dahlak!” 6Pô thuuk: “Mưyah khol hư hu sagar yau tha athar kachwa, khol hư hu mưda pađar phun hanjo ni laic: ‘Xang buic tagôk bloh pala dalam tathik’, yơ mưca nhu pang gon khol hư.
Halun katôl
7Thei dalam khol hư hu halun nao liwa ngan nao glang pabo, tuk nhu birau dok lingiu hamu mưrai bloh pađar: ‘Xang mưrai bidrah dok dala tak ni bloh ƀang!’ 8Gilaic vơk, ôh njaup khol hư pađar nhu laic: ‘Xang thai ka ita ƀang, girak kaing ragxa ita ka tal tuk ita lôi hwa ƀang lôi, bloh ka hư mưng ƀang mưnhum ô?’ 9Halun pang gon bloh ngak yơ pô hu thau karun nhu kaic? 10Khol hư lijang yau nan, tuk ngak bloh abih bruk bihu thurah xang ngak yơ xang đôm: ‘Khol dahlak nạn dôm halun katôl, kabha khol dahlak krung hu ngak bloh ciêt nạn kabha khol dahlak xang ngak min.’”
Tha pluh urang khalong bihu pajru dhit
11Ngok jalan mưrai dhan Yê-ru-sa-lem, Pô Yê-su nao tapa cam ia krưh nưgar Sa-ma-ri thong Ga-li-lê. 12Tuk tamư tha palei dêh hu tha pluh urang khalong mưrai rok Bhô. Khol nhu dang mưng atah 13thong iêu prong: “Pô Yê-su lơy, Gru lơy, likau athur alim khol dahlak!” 14Tuk ƀôh khol nhu, Bhô bican: “Xang nao biđang ƀok thong dôm gru mưliêng.” Tuk khol nhu krưh dok nao yơ khalong bihu hacih. 15Hu tha urang dalam khol nhu ƀôh drei krung bihu pajru dhit gilaic vơk vêt, prong xap tahamid Pô Lingik, 16thong mưrai pam rup di takai Pô Yê-su bloh đwa karun Bhô. Urang nan nạn mưnuix Sa-ma-ri. 17Pô Yê-su bican: “Ôh njaup tha pluh urang jang bihu hacih abih ô? Dok thalipan urang dêh dok pak halei? 18Ôh thei gilaic vơk tahamid Pô Lingik, ciêt hu tha urang diya lingiu ni min?” 19Bloh Bhô bican thong urang nan: “Xang dang tagôk bloh nao, sagar hư krung hu pajru dhit ka hư!”
Gruk bhat mưrai anưd Dit Biya Pô Lingik
(Ma-thi-ơ 24:23-28, 37-41)
20Mưnuix Pha-ri-si tanhi Pô Yê-su tuk halei Dit Biya Pô Lingik mưrai, Bhô thuuk: “Dit biya Pô Lingik ôh mưrai tha ganap jalang jalôi piêh hu mưda glang pachang; 21mưca mưnuix urang ôh đôm: Dêh nhu tak ni ngan tak nan! Kaywa Dit Biya Pô Lingik pak dalam khol hư.” 22Bhô bican vơk thong dôm anưk xêh: “Mưca hu bangyau khol hư cong takrư bihu ƀôh tha harei Anưk Mưnuix mưrai bloh ôh ƀôh bihu. 23Mưca mưnuix urang đôm thong khol hư: ‘Bhô tak ni’ ngan ‘Bhô dok tak nan’ yơ jôi nao thong jôi đôic tui khol nhu. 24Kaywa yau cakala hadah ƀlet mưng adih lingik ni tal adih lingik dêh, yơ Anưk Mưnuix [dalam harei anưd Bhô]#17:24 [dalam harei anưd Bhô]: Dalam tha thanôn blah vak tangin ôh hu dôm akhar ni. lijang yau nan. 25Min dahlau yatha, Bhô xang ciup ralô kabha pađik pađwa, thong gok rai rak ni kamlah klāk. 26Dalam bangyau Nô-ê yau halei yơ dalam harei Anưk Mưnuix lijang yau nan: 27Mưnuix urang ƀang thong mưnhum, khing likei, khing kamei, ka tal harei Nô-ê tamư gilai bloh ia xwa blak mai thubang abih. 28Bangyau Lot lijang yau nan rei, mưnuix urang ƀang mưnhum, pablei talei, pala paliu, darap. 29Min tal harei Lot tabiak truh di Sô-đôm yơ hajān apui thong tamong pathar mưng lingik thubang abih. 30Harei Anưk Mưnuix bhat tabiak lijang yau nan. 31#Mat 24:17,18; Mag 13:15,16.Dalam harei nan, thei dok ngok pabung thang bloh hu drap ar dalam thang yơ jôi trun mưk. Lijang yau nan, thei dok lingiu hamu yơ jôi gilaic mai thang. 32Xang kanal vơk hadiup Lot. 33#Mat 10:39; Mat 16:25; Mag 8:35; Lu 9:24; Yâ 12:25.Thei dwah ganap dong xwan diup drei yơ mưca lihik, dok thei lihik xwan diup drei yơ mưca bihu vơk. 34Ita bican thong khol hư, dalam mưlam nan, dwa urang đih harung katong: mưca tha bihu ba nao, tha gok klāk vơk. 35Dwa urang kamei dok chai lathung: mưca tha bihu ba nao, tha gok klāk vơk. 36[Dwa urang likei krưh dok di lingiu hamu, mưca tha bihu ba nao, tha gok klāk vơk.”]#17:36 Dalam tha thanôn blah vak tangin ôh hu kanen 36. 37Dôm anưk xêh pathau thong Bhô: “Pathau Pô, kabha nan mưca mưjiơng tabiak pak halei?” Bhô thuuk: “Atau pak halei, grơk mưca njuk vơk pak nan.”
Actualmente seleccionado:
Lu-ka 17: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 17
17
Dôm panôic lang pato pakan
(Ma-thi-ơ 18:6-7,21-22; Mag 9:42)
1Pô Yê-su bican thong dôm anưk xêh: “Ôh mưda ôh hu dôm kabha ngak ka hanek tanrok, min lihin din ka urang halei ngak ka kabha nan! 2Dak ikak lathung patau di takôi urang nan bloh parah trun tathik dok hơl nạn lôi ka urang nan ngak ka tha dalam dôm ban xit ni tanrok glaic.
3 #
Mat 18:15. Khol hư xang khik êng drei. Mưyah dei ai hư tanrok glaic, xang xayok! Mưyah khol nhu tumal, xang ampun! 4Kanê dalam tha harei, dei ai hư tanrok glaic thong hư tajuh ƀang, thong tajuh ƀang gilaic vơk mưthong hư bloh đôm: ‘Dahlak tumal’ yơ hư lijang xang ampun.”
Sagar
5Dôm Xêh Pachai pathau thong Pô: “Likau paƀlwak sagar ka khol dahlak!” 6Pô thuuk: “Mưyah khol hư hu sagar yau tha athar kachwa, khol hư hu mưda pađar phun hanjo ni laic: ‘Xang buic tagôk bloh pala dalam tathik’, yơ mưca nhu pang gon khol hư.
Halun katôl
7Thei dalam khol hư hu halun nao liwa ngan nao glang pabo, tuk nhu birau dok lingiu hamu mưrai bloh pađar: ‘Xang mưrai bidrah dok dala tak ni bloh ƀang!’ 8Gilaic vơk, ôh njaup khol hư pađar nhu laic: ‘Xang thai ka ita ƀang, girak kaing ragxa ita ka tal tuk ita lôi hwa ƀang lôi, bloh ka hư mưng ƀang mưnhum ô?’ 9Halun pang gon bloh ngak yơ pô hu thau karun nhu kaic? 10Khol hư lijang yau nan, tuk ngak bloh abih bruk bihu thurah xang ngak yơ xang đôm: ‘Khol dahlak nạn dôm halun katôl, kabha khol dahlak krung hu ngak bloh ciêt nạn kabha khol dahlak xang ngak min.’”
Tha pluh urang khalong bihu pajru dhit
11Ngok jalan mưrai dhan Yê-ru-sa-lem, Pô Yê-su nao tapa cam ia krưh nưgar Sa-ma-ri thong Ga-li-lê. 12Tuk tamư tha palei dêh hu tha pluh urang khalong mưrai rok Bhô. Khol nhu dang mưng atah 13thong iêu prong: “Pô Yê-su lơy, Gru lơy, likau athur alim khol dahlak!” 14Tuk ƀôh khol nhu, Bhô bican: “Xang nao biđang ƀok thong dôm gru mưliêng.” Tuk khol nhu krưh dok nao yơ khalong bihu hacih. 15Hu tha urang dalam khol nhu ƀôh drei krung bihu pajru dhit gilaic vơk vêt, prong xap tahamid Pô Lingik, 16thong mưrai pam rup di takai Pô Yê-su bloh đwa karun Bhô. Urang nan nạn mưnuix Sa-ma-ri. 17Pô Yê-su bican: “Ôh njaup tha pluh urang jang bihu hacih abih ô? Dok thalipan urang dêh dok pak halei? 18Ôh thei gilaic vơk tahamid Pô Lingik, ciêt hu tha urang diya lingiu ni min?” 19Bloh Bhô bican thong urang nan: “Xang dang tagôk bloh nao, sagar hư krung hu pajru dhit ka hư!”
Gruk bhat mưrai anưd Dit Biya Pô Lingik
(Ma-thi-ơ 24:23-28, 37-41)
20Mưnuix Pha-ri-si tanhi Pô Yê-su tuk halei Dit Biya Pô Lingik mưrai, Bhô thuuk: “Dit biya Pô Lingik ôh mưrai tha ganap jalang jalôi piêh hu mưda glang pachang; 21mưca mưnuix urang ôh đôm: Dêh nhu tak ni ngan tak nan! Kaywa Dit Biya Pô Lingik pak dalam khol hư.” 22Bhô bican vơk thong dôm anưk xêh: “Mưca hu bangyau khol hư cong takrư bihu ƀôh tha harei Anưk Mưnuix mưrai bloh ôh ƀôh bihu. 23Mưca mưnuix urang đôm thong khol hư: ‘Bhô tak ni’ ngan ‘Bhô dok tak nan’ yơ jôi nao thong jôi đôic tui khol nhu. 24Kaywa yau cakala hadah ƀlet mưng adih lingik ni tal adih lingik dêh, yơ Anưk Mưnuix [dalam harei anưd Bhô]#17:24 [dalam harei anưd Bhô]: Dalam tha thanôn blah vak tangin ôh hu dôm akhar ni. lijang yau nan. 25Min dahlau yatha, Bhô xang ciup ralô kabha pađik pađwa, thong gok rai rak ni kamlah klāk. 26Dalam bangyau Nô-ê yau halei yơ dalam harei Anưk Mưnuix lijang yau nan: 27Mưnuix urang ƀang thong mưnhum, khing likei, khing kamei, ka tal harei Nô-ê tamư gilai bloh ia xwa blak mai thubang abih. 28Bangyau Lot lijang yau nan rei, mưnuix urang ƀang mưnhum, pablei talei, pala paliu, darap. 29Min tal harei Lot tabiak truh di Sô-đôm yơ hajān apui thong tamong pathar mưng lingik thubang abih. 30Harei Anưk Mưnuix bhat tabiak lijang yau nan. 31#Mat 24:17,18; Mag 13:15,16.Dalam harei nan, thei dok ngok pabung thang bloh hu drap ar dalam thang yơ jôi trun mưk. Lijang yau nan, thei dok lingiu hamu yơ jôi gilaic mai thang. 32Xang kanal vơk hadiup Lot. 33#Mat 10:39; Mat 16:25; Mag 8:35; Lu 9:24; Yâ 12:25.Thei dwah ganap dong xwan diup drei yơ mưca lihik, dok thei lihik xwan diup drei yơ mưca bihu vơk. 34Ita bican thong khol hư, dalam mưlam nan, dwa urang đih harung katong: mưca tha bihu ba nao, tha gok klāk vơk. 35Dwa urang kamei dok chai lathung: mưca tha bihu ba nao, tha gok klāk vơk. 36[Dwa urang likei krưh dok di lingiu hamu, mưca tha bihu ba nao, tha gok klāk vơk.”]#17:36 Dalam tha thanôn blah vak tangin ôh hu kanen 36. 37Dôm anưk xêh pathau thong Bhô: “Pathau Pô, kabha nan mưca mưjiơng tabiak pak halei?” Bhô thuuk: “Atau pak halei, grơk mưca njuk vơk pak nan.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.